Euskaltzaleen Topaguneak aro berri bati ekingo dio larunbatean, izena eta izana aldatuta
Euskaltzaleen Topaguneak, egun Euskal Herriko 74 euskara elkarte biltzen dituen federazioak, "etapa berri bat" hasiko du aurki, federazioaren izena eta izana aldatuko baitu. "Hasiera berri" horren aurkezpena larunbatean, hilaren 14an, egingo dute Bilboko Kafe Antzokian (11:00etan).
Jasone Mendizabal Topagunearen EAEko zuzendariak eta Oskar Zapata Topagunearen Nafarroako zuzendariak aurreratu dute albistea, "Agur Euskaltzaleen Topaguneari!" iritzi artikulua kaleratuta.
Idatzian diotenez, "euskararen erabileran benetako jauzi bat eman nahi badugu, baldintza berriak martxan jarri behar ditugu gizartearen babesarekin". Era berean, atzeman dute azken urteetan gizarte bera eta, ondorioz, euskararen aldeko militantzia aldatu egin dela. "Gizarte likidoago batean bizi omen garela diote adituek. Garai bateko militatzeko moduak aldatzen ari dira eta parte-hartze puntualagoa eta aldakorragoa hobesten dira gaur egun. Zaintzarekin eta plazerarekin uztartzen den aktibismo moldeetara egokituko gara errealitatea eraldatzeko", ondorioztatu dute.
Hori horrela, elkarteak hartuko duen marka eta zeregin berriak plazaratatuko dituzte larunbateko ekitaldian, eta ondoren, argazki jendetusa egin asmo dute, aldaketaren lekuko izan dadin.
Euskaltzaleen Topagunea 1996an sortu zuten (2012etik du egungo izena, aurrez, Euskara Elkarteen Federazioa baitzen) tokiko euskara elkarteen beharrei erantzuteko eta Euskal Herri mailako egitura bat emateko. Gaur egun, 74 elkartek osatzen dute Topagunea, 75 tokiko hedabideak (Tokikom) eta aisialdia jorratzen duen Kukulaisin sarea tartean direla.
Zure interesekoa izan daiteke
Albiste izango dira: San Fermin eguna, alerta laranja beroagatik eta NATOren goi-bilera Ankaran
Gaurkoan Orain-en albiste izango direnen laburpena, bi hitzetan.
Olatu zuri gorriak Iruñea hartu du
Txupinazoarekin, lehertu da festa Iruñean eta ez du atsedenik hartuko datorren uztailaren 14ra arte. Urteroko ohiturei, gaur beste protagonista bat batu zaie: beroa. Festazaleek 40 graduko tenperaturekin abiatu dituzte 2026ko sanferminak.
?fmt=png-alpha&qlt=80)
Antzuola eta Urretxu artean piztutako baso-sutea kontrolpean dago
Gipuzkoako hiru parketako suhiltzaileak aritu dira Antzuolan 13:45ak aldera deklaratutako sutea itzaltzen. Sugarrak ordu batzuk geroago kontrolatu dituzte.
Kontrolatu dute Imarkoainen piztutako sutea
Lizarra, Azkoien eta Tafallako suhiltzaile etxeetako brigadek 15:30ak aldera lortu dute sutea kontrolpeak hartzea. Guztira 80 hektarea baino gehiago erre dira baso eta, batez ere, laborantza artean.
ELAk arreta euskaraz bermatzeko eskatu dio Osakidetzari
Oraindik hizkuntza ez dakiten langileak euskalduntzeko plana aldarrikatu du sindikatuak Osakidetzaren Gasteizko egoitzan.
Lesakako sanferminak hasi dira
Txupinaren jaurtiketak eman die hasiera Lesakako San Fermin jaiei astelehen honetan, 12:00etan. Jai-egitarauak 50 kultura-, kirol- eta jolas-jarduera baino gehiago biltzen ditu, datozen 6 eguneton burutuko direnak. Gaita jotzaileen, musika-banden eta txarangen ohiko soinuek herriko kaleak alaituko dituzte uztailaren 11ra arte, larunbata.
Arrautza frijituak, txistorra eta zapi gorria: Hasi da festa Iruñean
Urtero bezala, ohiko hamaiketakoak izaten dira uztailaren 6ko goizean, festei hasiera emateko zain. Mokadu sendoak beti ere, hau izango baita seguraski, eguneko otordu bakarra.
40 ikasleri ez diete, kautelaz, USaPen Euskarako nota zenbatuko
Auzitegiek arrazoia ematen ez badiete kasuaren funtsari buruz, nota horiek kontuan hartuko dira azkenean.
Asiron eta Chivite: "Jendeak asko goza dezala, baina errespetuz"
Joseba Asiron Iruñeko alkateak eta Maria Chivite Nafarroako presidenteak 2026ko sanferminetara hurbiltzeko deia egin diete herritarrei, jaiez eta hiriaz gozatzeko, baina "beti errespetuz".
Txistulari eta Gaiteroen Bandak dantzan jarri du Iruñeko Udaletxe plaza
Gaur eguerdian Iruñeko Udaletxeko plaza bete duten milaka pertsonek Txistulari eta Gaitarien Bandaren doinuekin dantzan egin ahal izan dute.