Adingabeengan espezializatutako atala sortuko du Ertzaintzak, Fiskaltzak eskatu bezala
Ertzaintzak adingabeetan espezializatutako atal bat sortuko du. Laster jarriko da martxan, eta bere gain hartuko du adingabeak delitu larrien biktima edo egile diren kasuak ikertzeko ardura.
Iragarpen horrekin erantzun dio Bingen Zupiria Segurtasun sailburuak Alderdi Popularrak gaur Legebiltzarrean egin dion galderari. PPk Carmen Adan EAEko fiskal nagusiak duela hilabete egindako eskaerari buruz galdetu dio, zeinak "guztiz beharrezkotzat" jo zuen Ertzaintzak adingabe talde bat izatea, adin-talde horrek egindako delituek gora egin dutela-eta.
Sailburuak onartu du adingabeen talde bat sortzeko eskaera hori "behin baino gehiagotan" egin dutela Fiskaltzak eta Arartekoak, eta sailburuak iragarri duenez astelehen honetan bertan fiskalburuarekin bilera egin du, adingabeen talde horren sorreraren berri emateko hari.
Talde hau ikerketa kriminaleko dibisioan sartuta egongo da, eta Ertzaintzaren erreferentzia izango da Fiskaltzaren eta epaileen aurrean. Bere gain hartuko du adingabeak delitu larrien biktima edo egile diren kasuak ikertzea.
Orain talde hori sortuko den arren, sailburuak defendatu du Ertzaintzan egunero adingabeekin lan egiten duten agente guztiek dutela prestakuntza egokia beren lana egiteko, eta azpimarratu duenez berariazko atalak sor daitezke edo ez, "baina horrek ez du esan nahi orain arte Ertzaintzan jarduerak edo erantzukizunak alde batera utzi direnik".
Zure interesekoa izan daiteke
Mugikorrak alboratu eta familiaz gozatzeko gonbita, apirilaren 18an, EAEko hiriburuetan
Eusko Jaurlaritzak antolatuta, Familian Mugikorrik Gabeko Eguna ospatuko dute Donostian, Bilbon eta Gasteizen. Familietan teknologiaren erabilera kontzienteagoa sustatzea du helburu egitasmoak. “Ongizate emozionala zaintzeko eta denbora partekatuaren balioa berreskuratzeko keinu txiki” gisa aurkeztu du Nerea Melgosa Ongizate, Gazteria eta Erronka Demografikoko sailburuak.
Bizkaitik Nafarroara droga eramaten zuen gaizkile sare bat desegin dute: lau lagun atxilotu eta 22 kilo speed atzeman dituzte
Ortuellako etxebizitza batetik Nafarroara banatzen zen, eta droga garraiatzeko arduraduna 76 urteko gizon bat zen.
Manifestazioa deitu dute arratsalderako Berrizen, asteleheneko eraso matxista larria salatzeko
48 urteko gizonezkoa emaztea hiltzen saiatu zen Berrizen, eta emakumea helikopteroz eraman zuten Gurutzetako Ospitalera. Atxilotuak polizia-etxean jarraitzen du, epailearen aurrean deklaratzeko zain. Bestalde, Berangoko Udalak deituta, elkarretaratzea egingo dute arratsaldean Amaiaren hilketa salatzeko. Apirilaren 1ean bikotekideak hil omen zuen, Basaurin, baina berangoztarra zen.
Gipuzkoako hainbat garajetan eta trastelekutan ustez lapurretak egin dituen gaizkile talde bat desegin dute
Batez ere, Goierri inguruan egin dituzte lapurretak. Ertzaintzak dei egin die lapurreta horien biktima izan diren herritarrei, Beasaingo komisariara joan daitezen, euren objektuak han dauden egiaztatzera.
Ia 30 graduko tenperaturarekin, uda itxura hartu du Pazko astelehenak
Ezohiko itxura hartu du Pazko astelehenak. Eguraldi beroak hondartzak eta kaleak jendez gainezka utzi ditu. Hotelen betetze-maila % 80-90 ingurukoa izan da Aste Santuan.
Gasteizek lotura zuzena izango du Kanaria Handiarekin ekainaren 15etik irailaren amaiera arte
VIA sozietatearen esleipena lortu ondoren, Binter airelineak astelehen eta ostegunetan jardungo du Forondan. Ibilbide horri esker, Kanarietako artxipelagoko beste aireportuekin lotura egin ahal izango da, bai eta Portugalgo eta Afrika mendebaldeko beste aireportu batzuekin ere.
Hiru pertsona zauritu dira Berangon, lau autok elkar jo ostean
Zauritutako lagunak Gurutzetako ospitalera eraman dituzte, eta auto-ilarak sortu dira istripua gertatu den lekuan. 14:00etarako, baina, bere onera itzuli da zirkulazioa.
Gizon bat atxilotu dute, Berrizen, emaztea labankadaz larri zauritzeagatik
Gertatutakoa salatzeko, Berrizko Mugimendu Feministak manifestazio zaratatsua deitu du biharko, arratsaldeko 18:30ean, Udaletxe paretik abiatuta.
Aske geratu dira Gasteizen adingabe bat sastatzea leporatuta atxilotutako zazpi gazteak
Asteburuan epailearen aurretik igaro ostean, guztiak utzi dituzte libre, azken biak igandean, Segurtasun Sailak jakinarazi duenez.
Eusko Jaurlaritzak 'Ttipi Ttapa' gida aurkeztu du, oinez egitea osasun eta kohesio sozialerako tresna bihurtzeko
Osasun Sailak udalerrien eskura jarri du jarduera fisikoa eta harreman sozialak sustatzeko gida praktikoa. Ekimenak ongizate fisiko eta emozionala hobetzea eta komunitateak indartzea du helburu.