Itsas Salbamenduak 65 pertsona erreskatatu ditu Hierron eta 76 Balear uharteetan
Itsas Salbamenduak Saharaz hegoaldeko 65 migratzaile zeramatzan kaiuko bat erreskatatu du igande goizean, Hierro uharteko Restinga udalerritik 30 itsas miliara (55,5 kilometro inguru) hegoaldera zegoela propultsiorik gabe geratu ostean.
Mon Frere belaontziak ikusi du ontzia, 08:25 aldera, eta bidaiariak keinuka laguntza eske ari zirela jakinarazi die agintariei.
Itsas Salbamenduak jakitera eman duenez, Tenerifeko zentroak Salvamar Acrux ontzia bidali du, eta abisua eman duen belaontziari bertan geratzeko eskatu dio, kokapena eguneratuta izateko.
10:20 jota zirenean topatu dute kaiukoa, eta itsasoaren egoera ikusita, ontzia atoian eramatea baztertu, eta bidaiariak erreskatatu dituzte, guztiak egoera onean. Denak ontzian zirela, Restingako kaiarantz abiatu da, eta arratsaldeko lehen orduan iritsi dira bertara.
Hori ere zenbatuta, guztira 914 migratzaile erreskatatu dituzte asteburuan (igandeko 11:00ak arte) Kanariar uharteetan 12 ontzitan; Eguberri egunetik, berriz, 2.040 migratzaile iritsi dira Kanariar uharteetara 32 ontzitan.
4 patera iritsi dira gaur Cabrerara eta Formenterara
Guardia Zibilak eta Itsas Salbamenduak guztira 76 pertsona zeramatzaten 4 patera erreskatatu dituzte igandean Cabreran eta Formenteran (Balear uharteak), Gobernuaren Ordezkaritzak jakitera eman duenez.
Lehenengo 18 magrebtarrak 04:45ean iritsi dira Formenterako kostaldera, eta, zehazki, Formenterako s'Estufador hondartzara iritsi dira. Horietako lau ospitalera eraman dituzte, hipotermia sintomak baitzituzten.
10:45ean, Saharaz hegoaldeko 21 pertsona zeramatzan ontzi bati lagundu diote itsasoan, Cabrera uhartearen hegoaldean. Bidaiari guztiak, itxura batean, osasun-egoera onean zeuden.
Geroago, 12:30ean, Cabrera hego-ekialdean, lehorrera iritsi nahi zuten 20 magrebtar jaso dituzte beste patera batetik.
Azkenik, beste ontzi txiki bateko 17 migratzaile ere erreskatatu dituzte itsasoan, Formenteratik hego-ekialdera.
Aurten, Balear uharteetara gutxienez 5.777 pertsona iritsi dira 345 pateratan. Iaz 128 ontzi iritsi ziren, 2.278 pertsona guztira.
Zure interesekoa izan daiteke
Borondatezko abortuak Osakidetzan egiteko proiektu pilotu bat abiatuko du urrian Eusko Jaurlaritzak
Gaur egun, osasun arrazoiengatik egiten diren abortuez bakarrik arduratzen da Osakidetza, eta zentro pribatuetara bideratzen ditu beren borondatez haurdunaldia eten nahi duten emakumeak.
Trafiko murrizketa handiak izango dira Bilbon EHUren graduazio ekitaldiak eta Iberdrolaren urteurrenak eraginda
Murrizketa handienak 20:00etatik aurrera izango dira, orduan hainbat kale eta Salbeko eta Deustuko zubiak itxiko baitituzte.
EHUk graduazio ekitaldi handia egingo du gaur San Mamesen
Lehen aldiz, Euskal Herriko unibertsitate publikoan ikasketak amaitzen dituzten gradu eta graduondoko azken urteko 4.000 ikasle baino gehiago bilduko dira ekitaldi bakarrean. Jaia 18:30ean hasiko da, eta, besteak beste, Nogen eta Janus Lester taldeak eta Maialen Lujanbio eta Amets Arzallus bertsolariak arituko dira bertan.
Oztopoen aurrean 'sare sendo bat' osatzen dutela adierazi dute 115 zentroetako lehendakariek
Euskal Herriko 115 ikastoletako lehendakariek agerraldi jendetsua egin dute gaur arratsaldean Hernanin (Gipuzkoa). Azken boladan izandako auzien balorazioa egiteko eta emandako erantzun kolektiboaren balioa goratzeko agerraldia izan da. Ekitaldian, Oier Sanjurjo Nafarroako Ikastolen Elkarteko lehendakariak, Erik Etxart Seaskako lehendakaritzako kideak eta Nekane Artola Ikastolen Elkarteko lehendakariak hartu dute hitza. Azkenaldiko oztopoen aurrean ere 'indartsu eta gogotsu' arituko direla 'euskarazko hezkuntza baten alde' adierazi dute. Bi kasu aipatu dituzte bereziki: Lodosako kasua: Nafarroako Gobernuak Ibaialde ikastolari Haur Hezkuntzako ituna kentzeko egindako saiakera eta eskualdeak emandako babesa. Baxoaren borroka: Ipar Euskal Herrian azterketak euskaraz egin ahal izateko ikasle zein eragileek erakutsitako konpromisoa.
Leon XIV.a Kanaria Handian: "Giza duintasunak ez du pasaporterik"
Espainiara egindako bisitan, Aita Santuak Arguineguin herriko kaia bisitatu du, Kanaria Handiaren hegoaldean. Bertara iristen dira Afrikako migratzaileak dakartzaten txalupetako asko. Ekitaldian, testigantza oso gogorrak entzun dira, eta Leon XIV.ak gizakiaren duintasuna defendatu du.
Gorpu bat topatu dute Iruñean, kale erdian, indarkeria zantzuekin
Gorpua 16:30 aldera topatu dute, Etxabakoitzeko igogailuaren ondoan dagoen lorategi batean, Iruñeko Remiro de Goñi kalean, eta "lehen zantzuen arabera, indarkeriazko heriotza izan da".
"0" kalifikazioa jarri diete zortzi ikasleri USaPeko euskara azterketan, EHUren akats informatiko baten ondorioz
Bizkaiko epaimahai batean izan da akatsa, eta "0" batekin ez aurkeztutako gisa gaizki kalifikatu ziren notak. Unibertsitateak akatsa atzeman du, aktak berrikusi ditu eta nota errealak sartu ditu sisteman, eta dagozkien zentroei jakinarazi die.
Eusko Jaurlaritzak abian jarri du tigre eltxoaren aurkako plana, EAEko 72 udalerritan atzeman ostean
Zaintza ekainaren 15ean hasiko da, eta udazkenaren erdialdera arte iraungo du, tigre eltxoaren jarduera handieneko aldia. Gutxienez 72 udalerritan detektatu da dagoeneko, EAEko biztanleriaren zati handi bat hartzen duten udalerrietan. Horregatik, espezie inbaditzaile horren aurkako prebentzioa areagotu egin da, udalerriekin lankidetzan batez ere.
Baskoniak eta bere zaleek botako dute Gasteizko jaietako txupinazoa
Aurten irabazitako Errege Kopako tituluagatik eta "Baskoniak eta bere zaletuek ordezkatzen duten guztiagatik" hiriak aitortza egingo dio.
8 urtez azpiko haurrek ezingo dute adingabeentzako zezenketetan parte hartu
Zezen-jaietan haurren parte-hartzea erregulatzeko EAJk eta PSEk bultzatutako lege proposamenak PPren aldeko botoa jaso du; EH Bildu abstenitu egin da, gutxieneko adinak 12 urtekoa izan beharko lukeela uste baitu. Araudia osoko bilkuran onartu beharko da, eta zenbait berritasun jasotzen ditu, hala nola abelburuen gutxieneko adina, eta gurasoen baimenen beharra kentzea.