Iruñerriko merkataritza guneetan lapurretak egiten zituen gaizkile talde bat desegin dute
Guardia Zibilak Iruñerriko merkataritza guneetan eta Estatuko beste hainbat tokitan ustez lapurretak egiten zituen gaizkile talde bat desegin du. Itxuraz, zerbait erori zitzaiola sinestarazten zioten biktimari eta horrek jasotzeko keinua egiten zuen bitartean dirua, bankuko txartelak eta telefono mugikorrak osten zituzten.
Iazko martxoan emakume batek Iruñean jarritako salaketa baten ondotik abiatu zuen ikerketa Guardia Zibilak.
Biktimak Guardia Zibilari egindako kontakizunaren arabera, Iruñerriko merkataritza gune bateko aparkaleku batean zegoela, gizon batek autoaren leihoa jo zion, txanponak eta giltzak lurrera erori zitzaizkiola ohartarazteko.
Emakumea ibilgailutik jaitsi eta itzuli zenean, ordea, gidariaren ondoko eserlekuan zegoen diru zorroa eta eskuko telefonoa lapurtu zizkiotela ohartu zen.
Bankuko txartelak baliogabetu bazituen ere, konturatu orduko, lapurrek, bi txartel erabilita, 1.500 euro ateratzea lortu zuten. Horrez gain, bere izenean mailegu bat eskatu zuten.
Segurtasun kamerak aztertu ondoren, ikerketa bere gain hartu zuten agenteek hiru pertsona identifikatu zituzten —23 eta 47 urte artekoak eta Madrilen bizitokia zutenak—. Horiei guztiei ebasketa eta iruzur delituak eta talde kriminaleko kide izatea egotzi zieten.
Pasa den udan Guardia Zibilak bi pertsona atxilotu zituen Alacanten ebasketa delitua leporatuta, eta pasa den martxoan Iruñerrian izandako antzerako delituengatik ikertzen ari dira.
Zure interesekoa izan daiteke
San Mameseko metro geltokia hustu dute sarrerako eskaileretan piztutako sute baten ondorioz
Metrora sartzeko eskaileretan piztu da sutea, ke handia sortuta. Sarrera hesin inguratu dute, eta suhiltzaileak lanean ari dira. San Mameseko bi geltokiak eta Intermodal autobus geltokirako sarrera itxita daude. Ez da zauriturik izan.
Artxandako tuneletako Deustuko tartea ireki dute
Bizkaiko Foru Aldundiak estaldura, drainatze-sistemak, ebakuazio-galeriak, argiztapena eta gorabeherak detektatzeko sistema automatikoak hobetu ditu. Udazkenean, Salbeko zatiaren txanda izango da.
Andre Maria Zuriaren jaietan galdu ezin diren 5 ekitaldi
Gasteizko Andre Maria Zuriaren jaiez gozatzeko prest? Hemen, galdu ezin dituzun 5 ekitaldi proposatzen dizkizugu.
Gasteiz, jaiei ongi etorria emateko prest Zeledonen jaitsierarekin
Gasteizko jaiak gaur hasiko dira, 18:00etan: orduan jaitsiko da Celedon eta Baskoniak txupinazoa botako du. EITBk zuzenean eskainiko du ospakizunen hasiera, 17:30etik aurrera, ETB2n eta eitb.eus-en, baita jaietako ekitaldi nagusiak ere, abuztuaren 9ra arte.
26 urteko emakume bat larri zauritu da Lerinen izandako trafiko-istripu batean
NA-122 errepidean gertatu da ezbeharra. Antza, ibilgailua bidetik atera da eta hainbat itzulipurdi eman ditu.
Maider Etxebarriak hiriko proiektuen balantzea egin du, Andra Mari Zuriaren jaien atarian
"Urte emankorra izan da hiriarentzat", adierazi du Maider Etxebarria Gasteizko alkateak. Hurrengo erronka Andra Mari Zuriaren jaiak dira. 400 ekitaldi baino gehiago daude programatuta datozen egunetarako.
Jaurlaritzak "erantzukizun argiak" dituen "egiturazko migrazio plana" eskatu die Espainiari eta Europari
Melgosa sailburuaren hitzetan, Ceutan gertatutakoa "oso larria da" eta Eusko Jaurlaritza aspalditik ohartarazten ari den zerbait berresten du: "migrazioak aspaldi utzi zion egoera koiuntural bat izateari".
Ceutara heldutako ehunka migratzaile hondartzan daude, gero eta egoera prekarioagoan
Poliziak Trampolin hondartza inguratu du, migratzaileak hirira irten ez daitezen. Elikagai falta, ur-eskasia eta bildutako pertsonen arteko tentsioa handituz doaz egunetik egunera eta migratzaileen egoera gero eta gogorragoa da, batez ere beren etorkizunari buruzko ziurgabetasuna dela eta.
Gizon bat atxilotu dute Donostian emakume bati sexu-erasoa egitea leporatuta
Erasoa larunbat goizaldean egin zuen, Amarako etxebizitza batean, eta atxiloketa goiz horretan egin zuen Ertzaintzak. Atxilotua epailearen esku dago jada.
Gizon bat atxilotu dute Angelun 10 urteko alabari sexu-abusua egitea leporatuta
Erasoak ikasturte barruko oporretan jazo dira, neskatoa aitaren etxean zegoen bitartean. Epailearen aginduz, gizona espetxeratu egin dute, behin-behinean.