Elkarretaratzeak egingo dituzte gaur arratsaldean Barakaldon, 84 urteko emakumearen hilketa matxista salatzeko
Argitan Barakaldoko Emakumeentzako Aholku Etxeak deituta, elkarretaratzea egingo dute gaur arratsaldean, Errontegi auzoan ustez semeak hil duen 84 urteko emakumearen hilketa matxista salatzeko. Halaber, Hego Euskal Herriko hiriburuetan bilkurak izango dira, kasu horretan Euskal Herriko Emakumeon Mundu Martxaren ekimenez.
Krimena aurreko ostiralean, urtarrilaren 3an, izan zen, Barakaldoko Errontegi auzoan. Ertzaintzak aurkitu zuen emakumea hilda, eta lehenengo zantzuen arabera familia barruko indarkeria kasua zela zirudienez, agenteek biktimaren semea atxilotu zuten, 63 urtekoa, eta igandean epaileak espetxera bidali zuen. Gizon matxistak bikotekide ohiarengandik urruntze agindua zeukan indarrean, tratu txarrak emateagatik. Hain justu, hori izan zen amaren etxera bueltatzeko arrazoia.
Barakaldoko agintariek eta herritarrek larunbatean egin zuten elkarretaratzea gertatutakoa salatzeko eta emakumeen aurkako indarkeriaren aurkako jarrera agertzeko, Herriko Plazan, Udalak deituta.
Argitan kolektiboak, berriz, gaur arratsalderako deitu du elkarretaratzea Bide Onera Plazan, 18:30ean, "Erasorik ez, erantzunik gabe. Bat gehiago ere ez!" lelopean.
Euskal Herriko Emakumeon Mundu Martxak bat egin du elkarretaratzearekin, eta Barakaldon ez ezik, Bilbon (19:30, Arriaga Plaza), Donostian (19:00, Boulevard), Gasteizen (19:30, Andra Mari Zuriaren plaza) eta Iruñean (Udaletxe plazan) ere antolatu ditu protestak.
Albiste gehiago gizartea
Getxoko Areetako hondartza hustu dute lehergailu bat izan zitekeen objektu bat agertu ostean
Pertsona batek "objektu herdoildu bat" aurkitu du itsasertzean, 10:30ean, eta abisua eman du. Ertzaintzako artezilariek ezingo dute ezer egin gauean marea jaitsi arte. Hori dela eta, Ertzaintzak eta Getxoko Udaltzaingoak hondartza itxita izango dute.
Fiskaltzak zazpi urteko tratamendu psikiatrikoa eta inhabilitazioa eskatu du Kabiezeseko erizainarentzat
Alberto Martinez Osasun sailburuak ziurtatu duenez, Osakidetzak pertsona bat jarri zuen Santurtziko Kabiezes osasun zentroan txertaketak simulatzea egotzita epaitu duten erizaina "zaintzen", gertatzen ari zenaren berri izan bezain laster, lehen kexak jaso ondoren.
Robert Treviñok auzitara eraman du Euskadiko Orkestra, kaleratzeagatik
Euskadiko Orkestraren Administrazio Kontseiluak urtarrilean erabaki zuen Treviño zuzendari artistikoaren eta Roch orkestraren zuzendari nagusiaren zikloari amaiera ematea.
2023an Tolosako inauterietan foam pilotakada batek zauritutako gaztearen auzia berriz irekitzeko agindu dute
Gipuzkoako Probintzia Auzitegiak iaz artxibatutako auzia berriro irekitzeko agindu dio Tolosako Instrukzioko 1 zenbakiko Epaitegiari. Bere ustez, beharrezkoa da beste eginbide batzuk egitea Ertzaintzaren foam-pilotakada batek zauritutako gaztearen kasuan.
Hiru urteko kartzela zigorra ezarri diote entrenatzaile bati Barakaldon, hiru adingaberi sexu erasoak egiteagatik
Pauldarrak futbol taldean 20 urte zeramatzan gizonari zera egotzi diote: adingabeei sexu-erasoa egitea, exhibizionismoa eta osotasun moralaren aurkako delitua.
Barakaldon entrenatzaile baten sexu-erasoak jasan dituzten nesken abokatua: "Pozik gaude epaiarekin, ez dugu helegiterik aurkeztuko"
Bizkaiko Auzitegiak hiru urteko kartzela-zigorra ezarri dio Barakaldoko Pauldarrak futbol taldeko entrenatzaile bati, 14 eta 15 urte bitarteko lau jokalariri sexu-erasoa egiteagatik. Juan Carlos Soto salaketa jarri duten familien abokatuak azpimarratu duenez, "beste frogarik ez egon arren, epaileak sinesgarritasuna eman die adingabeen testigantzei".
Iruindarren % 52 ados daude zezenketekin, eta % 46, kontra
Zezenketak nahi dituztenen artean, % 31 erabat ados daude, eta % 20,6 ados. Ezezkoen artean, berriz, % 26,3 ez daude batere ados, eta % 19,3 ez daude ados. Herritarren % 2k ez dute gai horri buruzko iritzirik eman nahi izan.
Nobel satirikoek alkoholari buruzko ikerketa bat goraipatu dute hizkuntzak ikasteko duen paperagatik
Herbehereetako, Erresuma Batuko eta Alemaniako zientzialariek Bakearen Ig Nobel saria eskuratu dute, alkohol dosi txiki batek batzuetan atzerriko hizkuntza bat hitz egiteko gaitasuna hobetzen duela ondorioztatu duen ikerketagatik; dirudienez, alkoholak norberarengan konfiantza handitzen du.
Osakidetzak urrian hasiko ditu Basurtuko ospitaleko kanpo-kontsulten eraikin berriaren obrak
Eusko Jaurlaritzako Osasun Sailak 135 milioi euroko inbertsioa egin du 38.000 metro koadroko azalera izango duen azpiegitura berri horretan. Guztira, 175 kontsulta berri zabalduko dituzte, bi bloketan banatuta. Obra hiru urte barru amaituko dute.
9.900 eurorainoko isunak zazpi akusaturentzat, Aroztegia proiektuaren aurkako hertsapenagatik
Magistratuak akusazioek egotzitako talde kriminaleko delitutik absolbitu ditu auzipetuak; izan ere, “lekukoen eta agirien froga ugari” aztertu ondoren, ezin da egiaztatu talde kriminaleko deliturik dagoenik, horretarako “ezinbestekoa” baita adostasuna.