Barakaldoko hilketaren ostean, indarkeria matxistaren protokoloak sakon berrikusteko eskatu dute
Barakaldoko Argitan elkarteak indarkeria matxistaren aurrean jarduteko protokoloak nola aplikatzen ari diren "sakon eta zorrotz berrikustea" eta biktimak "benetan eta eraginkortasunez" babesteko beharrezkoak diren aldaketak ezartzea eskatu du.
Barakaldoko Bide Onera plazan elkarretaratzea deitu du elkarteak, ostiralean ustez semeak 84 urteko emakume bat hil izana gaitzesteko. Era berean, mugimendu feministak krimen hori gaitzesteko elkarretaratzeak egin ditu Hego Euskal Herriko hiriburu guztietan.
Ehunka herritarrek parte hartu dute Barakaldoko elkarretaratzean, eta protestaren amaieran, Argitanek salatu du indarkeria matxistak "mila aurpegi" dituela, eta kasu honek "beste behin ere" erakusten duela indarkeria matxista egiturazkoa dela eta "emakumeek bizi dituzten desberdinkeriaren eta diskriminazioen ondorio zuzena" dela.
"Jakin behar dugu indarkeria matxista ez dela bikotekidearen edo bikotekide ohiaren artean bakarrik gertatzen, indarkeria matxista senitartekoek ere egin dezakete, kasu honetan bezala, eta horrek askoz zailagoa egiten die indarkeria hori pairatzen duten emakumeei indarkeria hori identifikatzea eta horretaz jabetzea", nabarmendu du Argitanek.
Ziurtatu duenez, "adineko emakume askok jasaten dituzte tratu txarrak", eta "beren zaurgarritasun- eta mendekotasun-egoeraren ondorioz, ezin dute salatu eta ezin dute ihes egin jasaten duten indarkeriatik".
Horren aurrean, tratu txarren kasu posible bat detektatzen denean, prebentzio, babes, laguntza eta koordinazio eraginkorreko neurri guztiak "non" dauden galdetu du.
Adierazi duenez, "errealitatea da ez direla existitzen edo ez direla gauzatzen ari, indarkeria matxistaren biktima diren milaka emakumerentzat horrek dakarren arrisku eta babesgabetasunarekin".
Horregatik guztiagatik, "indarkeria matxistaren aurrean jarduteko protokolo guztiak nola aplikatzen ari diren sakon eta zorrotz berrikusteko" eskatu du Argitanek, "beharrezkoak diren baliabideak, neurriak eta aldaketak inplementatzeko, babesteko eta artatzeko zeregina benetan eta eraginkortasunez bete dezaten, eta ez daitezen soilik marketin instituzionalaren parte izan".
Elkartearen ustez, Barakaldoko hilketa matxista horrek agerian utzi du "indarkeria matxistaren biktimei arreta emateko sistemak dituen gabeziak", bereziki "salaketarik aurkezten ez denean", hainbat faktorerengatik, hala nola adineko emakumeen zaurgarritasun-egoeragatik.
Albiste gehiago gizartea
Adunako prostituzio-etxe bateko arduraduna atxilotu dute, sexu esplotazioa eta sexu eraso baten saiakera leporatuta
Lokaleko langileetako batek tratu umiliagarria jasan zuela eta drogak kontsumitzera behartu zutela salatu zuen, besteak beste.
Elkar argitaletxeak erabaki du Igartza bekarekin ez jarraitzea, CAFek Israelekin duen lotura dela eta
Saioa Alkaiza bertsolari eta idazleak sariari uko egin eta hamar egunera iritsi da Elkarren erabakia. “Palestinar herriaren kontra gauzatzen ari den genozidioan CAFek duen inplikazioa" salatu zuen sortzaile iruindarrak.
Donostian izandako azken sexu erasoa salatzeko bilkura egin dute hiriko udaletxe atarian
45 urteko gizon bat atxilotu dute joan den ostiralean emakume batek jasandako sexu-erasoaren egilea izatea egotzita. Emakumeak ertzain-etxean salatu zuenez, gizonak sexu-erasoa egiteaz gain, zer egiten zuen eta norekin zegoen kontrolatzen zuen, eta lagunak ikustea debekatzen zion.
Euskal Sagardoak 2025eko sagar-uzta aurkeztu du Altzon
Aurtengoa sagar urtea dela ziurtatu dute, eta azken urtean bildutako sagar kopurua bikoiztea espero dute. Iaz ez bezala, aurtengo sagar uztak itxura oso ona du.
Osakidetzak 48 urtera zabalduko du bularreko minbizia detektatzeko baheketa
Osakidetzako Protonterapia Unitate berriaren obrak bisitatu ditu Imanol Pradales lehendakariak, eta bertan egin du iragarpena.
Bilboko hilketagatik atxilotutakoak ez dira indarkeriazko taldeetako kideak, Ertzaintzako buruaren arabera
"Etxerako bidean elkar ezagutzen ez zuten bi gazte taldekoak ziren" hiru atxilotuak eta hildakoa. Dirudienez, elkarri irainka hasi ziren, eta azkenean liskarra gertatu zen. Ertzaintzaren buruak errefusatu du atxilotuek talde edo indarkeriazko taldeekin lotura dutenik.
Urolako eta Goierriko adingabeen odolean konposatu kimikoak daudela baieztatu dute
EHUren azterketa batek ondorioztatu du adin txikikoetan aurkitutako PFAS konposatu kimikoen mailek ez dutela arrisku larririk eragiten osasunerako, baina zaintza indartzeko premia ohartarazi du.
Espainiako Gobernua Gasteizko errefuxiatuen zentroaren edukiera murrizteko proposamenaren "bideragarritasuna" aztertzen ari da
Gobernuak Euskadin duen ordezkaria "bat dator" eta "ulertzen du" baliabide horretako plazak 350etik 200era murrizteko Maider Etxebarria Gasteizko alkateak egindako eskaera.
Bilbon lurreratzekoak ziren zazpi hegazkin beste aireportuetara bideratu behar izan dituzte, lainoagatik
Madriletik, Alacantetik, Basileatik, Bartzelonatik, Vienatik eta Paristik goizeko lehen orduko zetozen hegaldiak Santanderrera bideratu dituzte. Horietako bat Madrilera itzuli behar izan da, eta beste bat Zaragozara bidali dute. Loiuko aireportuan zabaldutako laino mardulagatik gertatu dira gorabeherak.
Sute batek Renfeko aldirietako tren-zirkulazioa etenarazi du Santurtzin, Peñotako geltokian
Bestalde, sutearen ondorioz, Bilbo eta Santurtzi arteko tentsio elektrikoa kaltetu da, eta horrek atzerapenak eragin ditu C1 eta C2 lineetan.