Sute batean bi euskal herritar hil ziren Madrilgo jatetxearen jabeak ez du deklaratu nahi
Gaur deklaratu behar zuen Madrilgo Burro Canaglia jatetxearen jabeak. Izan ere, bere jatetxean sortutako sute baten ondorioz hiru pertsona hil ziren (bi euskal herritar tartean), eta gertakariak ikertzen ari den epailearen aurrean ez deklaratzeko eskubideari heldu dio. Ezbeharraren hiru kaltedunek, berriz, kontatu dute sua sabaian zehar oso azkar zabaldu zela eta erortzen hasi zela.
Instrukzio Epaitegiko titularrak astearte honetarako deitu ditu Pedro Capote jabea eta hainbat kaltetu, baina lehenak 2023ko apirilaren 21eko gauean gertatutakoari buruz ez deklaratzeko eskubidea baliatu du, iturri juridikoek jakitera eman dutenez.
Egun horretan, plater batek su hartu zuen, eta hiru pertsona hil ziren, 25 urteko lokaleko zerbitzari bat, eta bi lagun bizkaitar; azken horietako bat ospitalean hil zen, hiru aste geroago, zaurien ondorioz. Gainera, hamar bat pertsona larri zauritu ziren.
Kaltetutako hiru pertsona deklaratzera agertu dira, eta bat etorri dira gertaeren kontakizunean: sutea mahai batean sortu zen, plater garreztatu bat zerbitzatu zen eta "harrigarriki azkar, segundo gutxian" zabaldu zen sabaiaren dekorazioan, hau da, plastikozko landare batzuetan.
Prozesu judiziala ireki zenetik ia bi urte igaro ostean egindako lehen deklarazioak dira; oraingoz, ikertu bakarra dago, eta, iturri juridikoen arabera, zuhurtziagabekeriazko hiru ustezko giza hilketa, hainbat lesio-delitu eta langileen segurtasunaren aurkako delitu bati egin beharko die aurre.
Zure interesekoa izan daiteke
15 urte martxan daramatzan Iraetako Trena elkarteak tren txikien X. topaketa egin du gaur
Bost hazbeteko, edo bestela esanda, 12 zentimetroko errailetan ibiltzen diren trenak jarri dituzte. Batzuek ikatzez ondo hornitu dituzte eta besteek ezustekoei aurre egin behar izan diete.
Eusko Jaurlaritzaren "kriminalizazio kanpaina" eta Ertzaintzaren "basakeria" salatu dute milaka pertsonak Bilbon
Milaka lagun eta gizarte eragile, Global Sumud Euskal Herriako kideak tartean, bildu dira arratsaldean Bilbon, "Poliziaren zigorgabetasunaren eta errepresioaren aurka" protesta egiteko. Eusko Jaurlaritzak "herri mugimenduaren aurka egindako kriminalizazio kanpaina" eta "Ertzaintzaren basakeria" salatu nahi izan dute, eta EAJk "protestarako eskubidea bere interesekoa denera mugatzen duela" ohartarazi dute.
Ia 48.000 pertsonak hartu dute parte Osakidetzako EPEaren bigarren egunean, eta beste 43.000ren txanda izango da igandean
Ostiralean hasi eta igandera bitartean, bederatzi kategoria profesionaletako aztekerketak ari dira egiten BECen. 101.000 hautagai dira orotara, 3.764 lanpostu betetzeko.
56 urteko emakume baten bila ari dira Gasteizen
Emakumeak % 80ko desgaitasuna du, 1,35 metro luze da, azal argia du eta betaurrekoak daramatza. Andaluzia kalean ikusi dute azkenekoz larunbat honetan.
Hainbat pertsona artatu dituzte Gasteizko lantegi abandonatu batean izandako sutean kea arnasteagatik
Sua 10:30 inguruan piztu da, URSSA fabrikaren eraikin zaharrean, eta suhiltzaileak, Ertzaintzako agenteak eta osasun-langileak bertaratu dira. 44 urteko emakume bat atxilotu dute ustez sutea eragin duelakoan.
Bardeako Ferial urtegiaren ondoan piztutako baso-sutea kontrolpean hartu dute
Dispositibo berezi batek sua geldiarazi du, baina 4-5 hektarea zuhaizti kiskali dira. Bero handieneko denboraldiaren hasieran arreta handiz ibiltzeko eskatu dute agintariek.
Gizon bat atxilotu dute Barakaldon, Poliziarengandik ihesi zihoala bost ibilgailurekin talka egin eta zortzi pertsona zauritu ostean
Polizia iturrien arabera, agenteak berarengana hurbildu ziren, ustez estupefazienteak kontsumitu ostean kotxea gidatzera zihoalako.
Epaileak aske utzi ditu Hezbollahrekin zerikusia dutelakoan Bizkaian atxilotutako bi lagunak
Pasaportea kendu diete eta 15 egunean behin epaitegian agertu beharko dute. Bi gazteak "inperialismo genozida salatzearen aurkako kanpaina bat" salatu duen Iranekin bat plataformako kideak dira.
Emakume bat hil da Tuteran izandako auto istripu batean
Ezbeharra NA-134 errepidean gertatu da, ostiral arratsaldean. Emakumeak zeraman autoak kamioi bat jo du aurrez aurre.
Osakidetzak gezurtatu egin du igandeko erizaintzako proba beroagatik bertan behera geratu dela
Osasun Sailak zehaztu du proba aurreikusita zegoen bezala egingo dutela, eta gogorarazi du Osakidetzak bere kanal ofizialen bidez ematen duela balizko aldaketen berri.