Arbitro batek jokabide "desegoki eta inbaditzailea" duela salatu dute areto-futboleko emakumezkoen 10 taldek
Areto futboleko emakumezkoen hamar taldetako jokalariek ohar bat bidali diote Bizkaiko Futbol Federazioari epaile batek jokabide "desegoki eta inbaditzaileak" dituela salatu eta haien partidak epaitzera ez dezala bidali eskatzeko.
"Areto-futboleko lurralde mailako emakumezkoen ligako jokalarien ongizate eta errespetuari zuzenean eragiten dion egoera onartezinaren gaineko kezka" adierazi dute agirian.
Sinatzaileen esanetan, J.V epaileak "emakumezkoen taldeekiko duen jarrerak hainbat jokalariri ezinegona eragin die". "Hainbat klubetako jokalariekin sare sozialen bidez harremanetan jarri" dela baieztatu dute eta haien "datuak federazio-fitxetatik" hartu izanaren susmoa dutela adierazi dute. Jokaera hori "desegokia eta inbaditzailea" izateaz gain, "datuen babesa" urratzen duela salatu dute.
"Bereziki kezkatzen gaitu bere posizioaz baliatu eta Federazioaren fitxetatik informazio pertsonala lortu izanak, hala nola gure izen-abizenak, eta sare sozialen bidez harremanetan jartzeko erabili izanak", azpimarratu dute oharrean.
Horrez gainera, salatu dute ez dela "kasu isolatu bat" eta "ligako hainbat klubetako hainbat jokalarik antzeko jokabideak bizi izan dituztela" jakinarazi dute.
Arrazoi horiengatik, Federazioari eskatu diote J. V. epailea ez bidaltzeko "areto futboleko lurralde ligako emakumezkoen taldeen partidetako epaile lanak egitera, jokalarien ongizate emozionalagatik, guztiokiko errespetuagatik eta profesionaltasun falta erakutsi duelako". Era berean, "prebentzio-neurriak hartzea eta antzeko jokabideen aurrean babesteko protokolo argiak ezartzea" galdegin dute.
Bizkaiko Federazioko lehendakariorde Jose Angel Labradorrek azaldu duenez, epailea "baztertu" dute eta ez du partidarik arbitratuko. Alabaina, azaldu du ez dutela bestelako neurririk hartu "bere aurkako salaketarik ez dagoelako".
Albiste gehiago gizartea
Pertsona bat zauritu da Arrasateko etxebizitza eraikin batean izandako sute batean
Sua 23:30ak aldera piztu da San Josepe kaleko etxebizitza eraikin baten beheko aldean. Lehen unean, lau atari jendez hustu behar izan dituzte, baina hiru ataritako bizilagunak etxera itzuli ahal izan dira gauean zehar.
Pasaporteekin izandako arazoa konponduta, Saharako haurrak datorren astean iritsiko dira Euskal Herrira
Saharatik uda igarotzera etortzen diren haurrak aste honetan ziren iristekoak Euskal Herrira. Baina pasaporteekin izandako arazoen ondorioz, ezin izan dute hegazkinik hartu.
San Ferminetan legez kanpo saltzeko abanikoak, txanoak eta arropa atzeman dituzte aireportuan
Mila artikulu baino gehiago konfiskatu dituzte Noaingo aireportuan, tartean 500 abaniko eta 500 txano, ustez sanferminetan legez kanpo saltzeko.
Heldu zure paketea: erosketak itsu-itsuan egiteko eroaldia Bilbora iritsi da
Pakete misteriotsuen fenomeno europarra uztailaren 7tik 14ra helduko da Zubiarte merkataritza gunera. Esperientzia paregabea da, benetako ustekabeak lortzeko. Intuizioa eta zortea dira horretarko gakoak.
Motor-gidari bat zauritu da Muxikan, auto batekin talka egin eta ibaira erorita
Istripua 19:50ean gertatu da, motor batek auto baten aurka talka egin du N-635 errepidean, Muxikan, Gernikarako noranzkoan. Kolpearen ondorioz, motor-gidaria Mundaka ibaira erori da, Ariatza auzoaren parean.
Donostiako suhiltzaileen buruak dimisioa eman du, Fermin Muguruzaren kontzertuan semea sarrerarik gabe sartzeagatik
Donostiako suhiltzaileen zerbitzua bururik gabe geratu da oraingoz, Fermin Muguruzaren kontzertuan izandako jokabide txarragatik. Ander Gomezek dimisioa eman behar izan du Anoetako kontzertuan suhiltzailez jantzitako semea sarreratik gabe sartzeagatik.
Joxe Azurmendik euskal pentsamenduari egindako ekarpena azpimarratu dute Agirrebaltzategik eta Zulaikak
Filosofoa, saiogilea eta hainbat belaunaldirentzako erreferente intelektuala, Joxe Azurmendiren lanak Euskadiko pentsamendu kritikoa markatu du mende erdi baino gehiagoan. Azurmendik sekulako ondarea utzi du euskaran, ideietan... eta herria ulertzeko moduan.
Ehunka jarraitzailek omenaldia egin diote Diogo Jotari Liverpoolen, futbolari portugaldarra istripu batean hil ostean
Futbolari portugaldarra gaur goizaldean hil da, bere anaiarekin batera Espainian izandako auto-istripu batean. Hillsborogheko tragediaren biktimen oroimenez eraikitako memorialaren aurrean, Liverpooleko eta Evertoneko jarraitzaileek eta futbolzaleek aldare bat osatu dute, lore, bandera, bufanda eta kamisetekin.
Hernaniko Udalak zortzi gertakari arrazista eta eraso sexista bat antzeman ditu San Joan jaietan
Udalak azaldu du gertakari horiek gizartean gertatzen ari diren jarreren isla direla, eta aurreratu du herritarren kezkei erantzuteko eta bizikidetza sustatzeko neurriak eta espazioak jarriko direla martxan.
Iruñea sanferminetarako prest, pertsonako eta eguneko 125 eta 250 euro bitartean alokatzen diren balkoiekin
Entzierroak balkoi batetik ikustea negozio bihurtu den aukera bat da. Modan dago eta gero eta gehiago eskatzen dira. Hiriko eta inguruetako ostatuak ere datozen egunetan milaka pertsona hartzeko prestatzen ari dira.