Jende oldea Iruñean, Lekarozko Aroztegiko makroproiektua gelditzea eskatu eta auzipetuei babesa adierazteko
Jendetzak hartu ditu Iruñea erdialdeko kaleak larunbat arratsaldean, Lekarozko Aroztegiko makroproiektua gelditzea eskatzeko eta haren aurka aritzeagatik auzipetutako zazpi baztandarrei babesa adierazteko.
'Lurraren defentsan, kriminalizaziorik ez. Aroztegia gelditu' lelopean, 16:00etan abiatu da manifestazioa, Erratzuko Damak taldea aurretik zutela, Nafarroako epaitegi aurretik, bertan epaituko baitituze maiatzetik aurrera orain bi urte Aroztegiaren makroproiektua geldiarazteko kanpaldia antolatu zuten zazpi gazteak.
Guztira, 20 urteko espetxe-zigorra eta 56.000 euroko isuna eskatzen dituzte haientzat, besteak beste, talde kriminaleko kide izatea leporatuta. Horiek absolbitzeko eskatu dute, eta bizitzaren eta lurraren aldeko borroka ez dadila kriminalizatu.
Gaurko manifestazioarekin bat egin dute 139 eragile sozial, politiko eta ekologistak, tartean, EH Bildu, EH Bai, Zurekin Baztan, ELA, LAB, ESK, Steilas, ELB, Ernai eta GKS, eta Euskal Herri osotik milaka lagun joan dira autobusez Iruñera, auzipetuei elkartasuna adierazi eta makroproiektuaren aurka daudela ozen esatera.
Aspalditik datorren proiektua da Aroztegiarena, 2016an eman baitzion UPNk argi berdea Palacio de Arozteguia SL konpainia pribatuaren proiektuari. Lekarozen, apenas 350 biztanle dituen herrian, luxuzko 228 etxebizitza, Hilton kateko lau izarreko hotel bat eta golf-zelai bat eraikitzea zen asmoa.
Baztango Udalak eta dozenaka eragilek proiektua gelditzeko egindako eskaerei entzungor eginez, 2021eko apirilean hondeamakinak sartu ziren Aroztegia izeneko landa-eremuan.
Orain auzipetuta dauden gazte horiek desobedientziara deitu zuten jendartea, eta Aroztak kolektiboko dozenaka lagunek 13 egun iraun zuen kanpaldia egin zuten, Aroztegiaren obrak bertan behera uztera behartuz.
Baztango Udalak maiz eskatu dio Nafarroako Gobernuari Aroztegiko makroproiektu turistikoa bertan behera utz dezala. Momentuz, tiraderan sartu du. Sustatzaile pribatuak, Palacio de Aroztegia SL enpresak, 43 milioi euroko kalte-ordainak eskatu dizkio Gobernuari obra geratzeak eragin zizkion kalteengatik.
Albiste gehiago gizartea
Jaialdiak amaiera borobila eman dio Boisen, sei egun zirraragarriren ostean
Ekitaldiak zortzigarren edizioa itxi du, 1987an sortu zenetik izandako arrakastatsuenetako eta jendetsuenetako bat bezala.
Palestinarekin Elkartasuna plataformak euskal hiriburuetako jaietan mobilizatzeko deia egin du
Plataformak "hipokrisia" leporatu die gobernuei eta hedabideei, eta manifestazioak deitu ditu Gasteizen (abuztuaren 6an), Donostian (abuztuaren 10ean), Bilbon (abuztuaren 15ean) eta manifestazio nazionala Iruñean (urriaren 4an).
Bilboko kale-saltzaileen aurkako sarekadak areagotu direla salatu dute
Udaltzainenganako errespetua eskatu du Bilboko Udalak. Manteroek diote euren egoera legeztatzea ezinbestekoa da bestelako lanetarako aukera izateko. Sarekadak salatzeko protesta deitu du biharko Bizkaiko Manteroen Elkarteak.
Bi atxilotu Gasteizen, gizon bati indarkeriaz lapurtzea leporatuta
04:15 aldera jazo da lapurreta, hiriburuko parke baten inguruan. 31 eta 29 urteko atxilotuak epailearen esku utziko dituzte, beharrezko izapideak amaitutakoan.
Atxilotu bat Ordizian kokaina, 10.000 euro eta kontrabandoko tabakoa zeramala
Gidaria atxilotu dute substantzia estupefazienteen trafikoko ustezko delitua egotzita, eta deklaratu gabeko tabakoa edukitzeagatik.
Tigre-eltxoaren kontrako fumigazio lanak egin dituzte bart Hendaian
Lapurdin chikungunya gaitzaren lehen kasua agertu ondoren egin dituzte desinfekzio lanak, Hendaiako igerilekutik, tren geltokiraino. 22:00etatik 07:00ak arte kaleak erabat itxita egon dira, eta bizilagunek agintarien aginduak errespetatu behar izan dituzte. Herritarrak kezkatuta agertu dira, ez dakitelako zer-nolako eragina izan dezakeen erabilitako produktuak haien egunerokotasunean. Fumigazioaz arduratutako enpresak dio erabilitako produktua ez dela kaltegarria, eta tigre-eltxoen % 80 bat hiltzea lortzen dutela.
20.000 sinadura, txosnak Euskal Herriko ondare inmaterial izendatzeko
Bizkaiko, Gipuzkoako eta Arabako txosnen batzordeek adierazi dute jaigune horiek "arriskuan" daudela, eta ondare inmaterial izendatzeko eskaera sinatzen eta zabaltzen jarraitzeko deia egin dute.
Zeledonek prest ditu aterkia eta ardo-zahatoa, kanpandorretik jaitsi eta Andre Maria Zuriaren jaiei hasiera emateko
Zuzeneko musikak, kalejirek, ekintza herrikoiek eta familia guztientzako proposamenek beteko dituzte Gasteizko kaleak abuztuaren 4tik 9ra, sei eguneko jai giroan.
Karabela portugaldarrak topatu dituzte Bakioko hondartzan beste egun batez uda honetan
Goizean, marmokak ikusi dituzte Bizkaiko zazpi hondartzatan, eta, atzo arratsaldean, Zurriolako hondartzan bainua hartzea debekatu behar izan zuten, karabela portugaldarrek eragindako "ziztada ugari" zenbatu baitzituzten, horietako batzuk nahiko larriak.
Auroroek Gasteizko Alde Zaharrean barrena abestu dute, Andre Maria Zuriaren jaietarako deia eginez
Igande honetan izandako Arrosarioaren Prozesioak milaka gasteiztar bildu ditu, Andre Maria Zuriaren horma-hobiaren aurrean hasita eta San Migel elizan egindako meza batekin bukatuta.