Estefania Unzu 'Verdeliss'ek egin du balentria: 7 maratoi korritu ditu 7 egunetan eta munduko marka hautsi du
Estefania Unzu 'Verdeliss' 39 urteko eduki-sortzaile nafarrak World Marathon Challengea irabazi du. Zazpi maratoi egin ditu, zazpi egunetan, zazpi kontinenteetan. Azken maratoia Miamin egin du, eta bigarren izan da.
Miamiko lasterketa bigarren amaituta, antolatzaileek jakinarazi dute Verdelissek marka historikoa ezarri duela, emakume batek inoiz ez baititu gainditu zazpi maratoi horren epe laburrean.
"Ezin dut sinetsi", adierazi du Verdelissek zazpigarren maratoia bukatuta. Nafarrak ezin izan Miamin garaipena bereganatu, baina beste sei maratoiak irabazi dituenez, World Marathon Challengeko txapelduna da.
"Gaurkoa gogorra izan da, eta nire garaipenik handiena proba honi aurre egin izana da. Ezin izan diot gonbitoari eutsi, ez zen hanka edo buru kontua, (...) adore kontua zen. Nire familiagatik eta nire alde dagoen jende guztiarengatik egin dut; mugak guk jartzen ditugula erakutsi nahi nuen", esan du Estefania Unzuk azken lasterketaren ostean.
Verdeliss sailkapenean buru iritsi zen azken probara, aurreko sei lasterketak irabazita. 100 kilometroko Espainiako txapelduna da, eta urtebetean 12 maratoi egitea lortu zuen 2024ko martxoan, Tokion, hileko maratoi bat korrituta.
2024ko erronka beteta, aurten World Marathon Challenge enpresak eskaini zion abenturan murgildu zen. Enpresa horrek 2015etik antolatzen du World Marathon Challenge deritzona. Izen-emateak 45.000 euro inguru balio du, hiri bakoitzetik egiten diren hegaldiak eta laguntza logistikoa barne.
Zure interesekoa izan daiteke
Gripeagatik ospitaleratuta daudenen kopurua iaz baino bost aldiz handiagoa da EAEn
Osakidetzak eta Osasun Sailak txertaketaren garrantzia azpimarratu dute arnas gaixotasunen prebentzio gisa, eta "erne egoteko" eskatu dute Eguberrietara begira.
Plantazio handiak hedatzen ari dira, eta saguzarrak eta Amazonia mehatxatzen dituzte
Brasilgo Amazonian, plantazio handiek saguzar frugiboroen (frutajaleen) bizimodua hankaz gora jarri du. Funtsezko espeziea da bertako haziak eta landaredia mantentzeko. Monolaborantzak eremuan zehar mugitzea galarazten die saguzarrei, eta horrek oztopatzen du haziak barreiatzea. Saguzarrek garraiatutako hazi bakoitzak ikaragarri laguntzen du zuhaitz, fruitu, baso eta sabanak birsortzen. Amazonia babesteko beharrezkoak dira.
Barnahus, sexu-abusuen biktima izan diren adingabeei arreta integrala emateko EAEko lehen zerbitzua
Arreta "homogeneoa eta koordinatua" emango zaie Barnahus etxean sexu-indarkeria pairatu duten haur eta nerabeei; espazio bakarrean jasoko dituzte osasun, hezkuntza, gizarte, polizia eta justizia zerbitzuak.
EAEko Auzitegi Nagusiak 88 urtera igo dio kartzela zigorra 11 adingaberi sexu-abusuak egiteagatik zigortutako Hondarribiko surf monitoreari
Gipuzkoako Auzitegiak 71 urte, 5 hilabete eta 9 eguneko kartzela ezarri zion, eta, hortaz, 17 urte gehituko zaizkio. Dena den, epaia ez da irmoa eta helegitea jar dakioke Auzitegi Gorenean.
Gizon bat atxilotu dute Iruñean, kirol-klub bateko garagardo txorrota irekita utzi eta 450 litro alferrik galdu direlako
Gauez gertatu zen, ostalaritza-establezimendua itxita zegoela. Poliziak jakinarazi duenez, ustezko egilea bertan sartu zen eta garagardo-zisterna bateko txorrotari eragin zion, baimenik gabe.
EAEko emakumezko erizainen ia erdiek diote komentario sexistak jasan dituztela
Euskadiko emakumezko erizain eta fisioterapeuten ia erdiek iruzkin iraingarriak jasan dituzte, SATSE Erizainen Sindikatuak egindako inkesta baten arabera. Kasuen % 85 baino gehiago ez dira salatzen. Ikerketa Emakumearen aurkako Indarkeria Desagerrarazteko Nazioarteko Eguna berehala izango dela eta eman ezagutzera.
Begoña Pedrosa: "Irakasleen eskubideen edo euren lanaren aurkako edozein jokabide onartezina da"
Begoña Pedrosa Hezkuntza sailburuak babesa adierazi nahi izan dio Santurtziko ikastetxe bateko ikasle talde baten jazarpenaren biktima izan den irakasleari. "Ikastetxeak Ikasleen Eskubideei eta Betebeharren Dekretuaren esparruan aurreikusitako prozedurak aktibatu ditu, eta sailetik prozesu horri laguntzen jarraituko dugu, hurbiltasun eta errespetu osoz", adierazi du Pedrosak.
Kezka Lizarra inguruan, frankismoari eta ultraeskuinari lotutako talde bat dagoelako bertan
Oinarri frankista eta ultraeskuindarra duen talde batek eraikinak erosi ditu Deierriko haran txikian, Lizarrako merindadean eta Iruñetik 40 bat kilometrora. Fundazioak sekten ezaugarri batzuk ditu, baina ez sekta gisa katalogatzeko adina.
Espetxera bidali dute Bilboko portuan 120 kilo kokaina zeramatzala atzemandako guardia zibila
Guardia Zibileko agenteak lankide bat ikertzen ari ziren, narkotrafikoarekin zerikusia zuelakoan. Lankide horrek Fiskalaren eta Mugen arloan egiten zuen lan eta aduanetan eta mugako pasabideetan segurtasuna bermatzea zuen zeregin. Guardia Zibileko iturriek baieztatu dutenez, joan den igandean atxilotu zuten 120 kilo kokaina zeramatzala.
Albiste izango dira: Abisu horia elurragatik eta hotzagatik, 50 urte Franco hil zela eta Brouarden eta Muguruzaren hilketen urteurrena
Gaurkoan Orain-en albiste izango direnen laburpena, bi hitzetan.