Zaldibargo hondamendiak, bost urte: Ingurumen delitua ikertzeko auzia argitzeke dago oraindik epaitegietan
Otsailak 6 ditu gaur, eta horrenbestez, bost urte dira EAEko ingurumen hondamendi larrienetakoa gertatu zela: Zaldibarko zabortegiko amiltzea. Bizkaiko udalerriko Eitzaga auzoan zegoen zabortegitik 500.000 tona hondakin mugitu, behera etorri eta zabortegiko bi langile harrapatu zituen luiziak: Alberto Sololuze eta Joaquin Beltran. Lehenengoaren gorpuzkiak ezbeharra gertatu eta sei hilabetera topatu zituzten; Beltranenak hondakinen artean lurperatuta geratu dira betiko. Igandean, hilaren 9an, egingo dute Eitzagan bertan bi langileak oroitzeko ekitaldia.
Hain justu, bien heriotzengatik ireki zuten auzia da afera honetan itxita dagoen bakarra. Zabortegia kudeatzen zuen Verter Recycling enpresaren hiru goi arduradunek hartu zuten erantzukizuna. Arduragabekeriazko homizidioa leporatuta, sei hilabeteko espetxe zigorrera kondenatu zituzten, kartzela saihestu eta familiei 2,8 milioi euroko kalte-ordaina pagatu zieten.
Bien bitartean, hondamendiarekin lotutako beste bi auziak instrukzio fasean daude oraindik, trabatuta-edo. Ingurumen delituaren atalak zabalik jarraitzen du. Durangoko epaitegi bat ari da ikertzen 2021etik, eta urteotan luzapen bat baino gehiago izan du prozedurak: azkena, iazko azaroan. Horren arabera, epaileak ekainera arte du frogak bildu eta lakukotasun gehiago jasotzeko. Instrukzioa amaituta ere, litekeena da epaiketa 2026an egitea. Prebarikazioa egotzita, 13 auzipetu daude atal honetan, tartean Zaldibarko zabortegiaren hiru arduradunak zirenak, Verter Recyclingen aholkularitza enpresako teknikariak eta Eusko Jaurlaritzako funtzionarioak.
Horrekin batera, bada itxi gabeko beste hari-mutur bat: zabortegiaren eremua egonkortzeko eta hondakinak zigilatzeko lanak. Berez, Verter Recycling enpresari, zabortegiaren kudeatzaileari, zegokion beharrok egitea, baina enpresa hartzekodunen konkurtsoan sartuta, azkenean Eusko Jaurlaritzak, subsidiarioki eta urgentziaz, bere gain hartu zuen zeregina: orain arte 31'5 milioi euro gastatu ditu. Verter Recyclingek dirutza itzuli behar die erakunde publikoei, baina oraingoz, ez du zorra kitatu. Auzi hori ere epaitegietan ebatzi beharko da.
Zure interesekoa izan daiteke
Gipuzkoako hainbat garajetan eta trastelekutan ustez lapurretak egin dituen gaizkile talde bat desegin dute
Batez ere, Goierri inguruan egin dituzte lapurretak. Ertzaintzak dei egin die lapurreta horien biktima izan diren herritarrei, Beasaingo komisariara joan daitezen, euren objektuak han dauden egiaztatzera.
Ia 30 graduko tenperaturarekin, uda itxura hartu du Pazko Astelehenak
Ezohiko itxura hartu du Pazko Astelehenak. Eguraldi beroak, hondartzak eta kaleak jendez gainezka utzi ditu. Hotelen betetze-maila % 80-90 ingurukoa izan da Aste Santuan.
Gasteizek lotura zuzena izango du Kanaria Handiarekin ekainaren 15etik irailaren amaiera arte
VIA sozietatearen esleipena lortu ondoren, Binter airelineak astelehen eta ostegunetan jardungo du Forondan. Ibilbide horri esker, Kanarietako artxipelagoko beste aireportuekin lotura egin ahal izango da, bai eta Portugalgo eta Afrika mendebaldeko beste aireportu batzuekin ere.
Hiru pertsona zauritu dira Berangon, lau autok elkar jo ostean
Zauritutako lagunak Gurutzetako ospitalera eraman dituzte, eta auto-ilarak sortu dira istripua gertatu den lekuan. 14:00etarako, baina, bere onera itzuli da zirkulazioa.
Gizon bat atxilotu dute Berrizen emaztea labankadaz larri zauritzeagatik
Gertatutakoa salatzeko, Berrizko Mugimendu Feministak manifestazio zaratatsua deitu du biharko, arratsaldeko 18:30ean, Udaletxe paretik abiatuta.
Aske geratu dira Gasteizen adingabe bat sastatzea leporatuta atxilotutako zazpi gazteak
Asteburuan epailearen aurretik igaro ostean, guztiak utzi dituzte libre, azken biak igandean, Segurtasun Sailak jakinarazi duenez.
Eusko Jaurlaritzak 'Ttipi Ttapa' gida aurkeztu du, oinez egitea osasun eta kohesio sozialerako tresna bihurtzeko
Osasun Sailak udalerrien eskura jarri du jarduera fisikoa eta harreman sozialak sustatzeko gida praktikoa. Ekimenak ongizate fisiko eta emozionala hobetzea eta komunitateak indartzea du helburu.
Trafiko gorabeherak gaur Bilbon, Itzulia Basque Country lasterketa dela eta
Lasterketaren lehen etapak, Bilbon hasi eta amaituko den 13,9 kilometroko erlojupekoak, trafiko etenak, aparkaleku murrizketak eta garraio publikoan aldaketak eragingo ditu.
?fmt=webp-alpha&qlt=80)
Picassoren margolan bat, 100 euroren truke: Alzheimerraren ikerketa finantzatzeko ekimena
Tête de femme (1941) Pablo Picassoren lan original honen zozketa apirilaren 14an egingo da, Parisen, eta oraindik milaka partaidetza daude saltzeko. Ekimen solidario honek mundu osoko parte-hartzaileak erakarri ditu.
Epailearen esku utzi dituzte Gasteizen adingabe bat sastatzea leporatuta atxilotutako zazpi gazteak
Ostegunean jazo zen erasoa, 18:30 aldera, bost gizonek adin txikikoa sastatu eta ibilgailu batean ihes egin zutenean. Atxilotuek 19 eta 21 urte bitartean dituzte, baina ikerketak zabalik jarraitzen du.