Heriotza kopurua % 2,1 hazi zen EAEn 2024ko udan
2024ko hirugarren hiruhilekoan 5.239 pertsona hil ziren EAEn, 2023ko epe berean baino % 2,1 gehiago, bereziki uztailean izan zen gorakada handiagatik.
Hilabete horretan aurreko urtean baino % 15,8 pertsona gehiago hil ziren, eta abuztuan eta irailean behera egin zuen kopuruak, % 2,1 eta % 6, hurrenez hurren.
Hildakoen kopurua handitu egin zen iazko udan Araban eta Bizkaian, eta apaldu, Gipuzkoan. Araban 709 pertsona hil ziren, eta Bizkaian, 2.832. Hala, lehenengoan % 8,6ko gorakada izan zen, eta % 3koa bigarrenean, 2023ko datuekin alderatuz gero.
Eustaten datuen arabera, Gipuzkoan 1.698 pertsona hil ziren, eta hori aurreko urtean baino % 1,7 gutxiago da.
Datuak paretsuak dira sexuaren araberako kopuruei erreparatuta, 2.631 emakume (% 3,9 gehiago) eta 2.608 gizonezko (% 0,4 gehiago) hil baitziren.
Horietatik guztietatik, urtebete baino gutxiago zuten 6k, eta 100 urte baino gehiago, 90ek.
Heriotzaren eragile nagusiak tumoreak eta zirkulazio sistemarekin lotutako gaixotasunak izan ziren, guztizkoaren % 53.
Zure interesekoa izan daiteke
Karl Deisseroth, Peter Hegemann eta Georg Nagel saritu dituzte Medikuntzako Nobelarekin
Albiste izango dira: euriteen ondorioak, Pedro Sanchezen erabakia eta Arte Ederren Bilboko Museoa
Normaltasunera itzultzen ahalegintzeko eta erreklamazioak aurkezteko eguna gaur, Bilboko Zazpikaleetan
Giro aparta Lazkaon, Kilometroak festaren edizio borobilean
Zazpikaleetako merkatariak, ezintasuna eta kalteak tarteko, uholdeen biharamunean
Kilometroak bere sorterrira itzuli da 50. edizioan
"Tribuaren Berbak" saioa bueltan da
Euri erauntsia izan zenean Zazpikaleetako arketa "gehienak garbi" zeudela esan du Aburto alkateak
Ceutako Trampolin hondartza hustu dute
