Hernani eta Irun arteko tren zerbitzua eten egingo da asteburuan
Donostiako Atotxako geltokiaren inguruan trenbide-azpiegitura hobetzeko egiten ari diren lanek eragin zuzena izango dute asteburu honetan tren-zerbitzuan. Otsailaren 15ean eta 16an ez da Hernani eta Irun arteko zerbitzurik izango. Mozketak aldiriko, tarteko eta distantzia luzeko zerbitzuei eragingo die, eta Renfek autobusak jarriko ditu bidaiarientzat.
Aldiriko trenen kasuan, autobusak ibiliko dira Hernani eta Irun artean, bi noranzkoetan. Ondorengo lekuetan izango dute autobusek geralekua: Hernani, Donostian (Gros, Ategorrieta, Intxaurrondo, Herrera), Pasaia, Lezo-Errenteria, Irungo Bentak eta Irun. Horrez gain, mikrobusak erabiliko dira bidaiariak Hernani, Martutene, Loiola eta Donostiako geltokien artean garraiatzeko, bi norabideetan.
Distantzia ertaineko trenetan, autobusak ibiliko dira Irun eta Andoain artean, bi noranzkoetan, eta geltokiak izango dituzte Irunen, Lezon, Errenterian, Pasaian, Donostian eta Andoainen.
Distantzia luzeko trenetan, Madril eta Irun arteko bidea egiten duten trenetan, errepide bidez egingo dute Tolosa eta Irun arteko tartea. Gainera, Madrildik Irunerako azken trenak, otsailaren 14koak, errepidez egingo du Donostiatik Irunera, eta Gipuzkoako hiriburutik Madrilerako lehen zerbitzuak, otsailaren 17koak, Donostiatik Tolosara.
Bartzelona eta Donostia arteko trenek errepidez egingo dute Iruñea eta Donostia arteko bidea asteburuan. Ostiralean Bartzelonatik Donostiara doan trenak eta astelehenean Donostiatik Iruñera doan trenak ere errepidez egingo dute bidea.
Donostiako Atotxako tren-geltoki berria astelehenean irekiko da, eta tren-zerbitzua Urumea ibaiaren aldetik egingo da berriro. Asteburuan egingo dituzte aldaketa gauzatu ahal izateko lanak.
Renfek 341 autobus-zerbitzu programatu ditu bidaiarien mugikortasuna bermatzeko.
Zure interesekoa izan daiteke
Manifestazioa deitu dute arratsalderako Berrizen, asteleheneko eraso matxista larria salatzeko
48 urteko gizonezkoa emaztea hiltzen saiatu zen Berrizen, eta emakumea helikopteroz eraman zuten Gurutzetako ospitalera. Atxilotuak komisaldegian jarraitzen du, epailearen aurrean deklaratzeko zain. Bestalde, Berangoko Udalak deituta, elkarretaratzea egingo dute arratsaldean Amaiaren hilketa salatzeko. Apirilaren 1ean ustez bere bikotekideak hil zuen Basaurin, baina sortzez Berangokoa zen.
Gipuzkoako hainbat garajetan eta trastelekutan ustez lapurretak egin dituen gaizkile talde bat desegin dute
Batez ere, Goierri inguruan egin dituzte lapurretak. Ertzaintzak dei egin die lapurreta horien biktima izan diren herritarrei, Beasaingo komisariara joan daitezen, euren objektuak han dauden egiaztatzera.
Ia 30 graduko tenperaturarekin, uda itxura hartu du Pazko astelehenak
Ezohiko itxura hartu du Pazko astelehenak. Eguraldi beroak hondartzak eta kaleak jendez gainezka utzi ditu. Hotelen betetze-maila % 80-90 ingurukoa izan da Aste Santuan.
Gasteizek lotura zuzena izango du Kanaria Handiarekin ekainaren 15etik irailaren amaiera arte
VIA sozietatearen esleipena lortu ondoren, Binter airelineak astelehen eta ostegunetan jardungo du Forondan. Ibilbide horri esker, Kanarietako artxipelagoko beste aireportuekin lotura egin ahal izango da, bai eta Portugalgo eta Afrika mendebaldeko beste aireportu batzuekin ere.
Hiru pertsona zauritu dira Berangon, lau autok elkar jo ostean
Zauritutako lagunak Gurutzetako ospitalera eraman dituzte, eta auto-ilarak sortu dira istripua gertatu den lekuan. 14:00etarako, baina, bere onera itzuli da zirkulazioa.
Gizon bat atxilotu dute, Berrizen, emaztea labankadaz larri zauritzeagatik
Gertatutakoa salatzeko, Berrizko Mugimendu Feministak manifestazio zaratatsua deitu du biharko, arratsaldeko 18:30ean, Udaletxe paretik abiatuta.
Aske geratu dira Gasteizen adingabe bat sastatzea leporatuta atxilotutako zazpi gazteak
Asteburuan epailearen aurretik igaro ostean, guztiak utzi dituzte libre, azken biak igandean, Segurtasun Sailak jakinarazi duenez.
Eusko Jaurlaritzak 'Ttipi Ttapa' gida aurkeztu du, oinez egitea osasun eta kohesio sozialerako tresna bihurtzeko
Osasun Sailak udalerrien eskura jarri du jarduera fisikoa eta harreman sozialak sustatzeko gida praktikoa. Ekimenak ongizate fisiko eta emozionala hobetzea eta komunitateak indartzea du helburu.
Trafiko gorabeherak gaur Bilbon, Itzulia Basque Country lasterketa dela eta
Lasterketaren lehen etapak, Bilbon hasi eta amaituko den 13,9 kilometroko erlojupekoak, trafiko etenak, aparkaleku murrizketak eta garraio publikoan aldaketak eragingo ditu.
?fmt=webp-alpha&qlt=80)
Picassoren margolan bat, 100 euroren truke: Alzheimerraren ikerketa finantzatzeko ekimena
Tête de femme (1941) Pablo Picassoren lan original honen zozketa apirilaren 14an egingo da, Parisen, eta oraindik milaka partaidetza daude saltzeko. Ekimen solidario honek mundu osoko parte-hartzaileak erakarri ditu.