ZIUn amaitu zuen emakume baten atxiloketa ikertzen ari da Ertzaintza
Ertzaintzak barne-ikerketa bat abiarazi du 32 urteko kolonbiar emakume batek salatutako gorputz horretako agenteen jokabideari buruz. Emakume hori, Donostian atxilotu ondoren, Donostia Ospitaleko ZIUn sartu zuten, garuneko edema batekin eta paralisi partzial batekin.
Segurtasun Sailak EITBri baieztatu dioenez, sailak "badaki zer gertatu zen", eta "barne-ikerketa bat egiten ari da, hasiera-hasieratik". Kasua Ertzaintzaren Kontrol eta Gardentasun Batzordeari helarazi diote.
Gertaera horren berri eman du Kolonbiako Cali hiriko El Pais egunkariak. Senitartekoen lekukotasunen bidez eta Donostiako Udaltzaingoan aurkeztutako salaketaren kopia batekin, otsailaren 1ean hiriko erdiguneko diskoteka baten irteeran gertatutakoa kontatzen du.
Egunkariak dioenez, bi gizonen arteko eztabaida batekin hasi zen. Horietako bat emakumearen mutil-laguna zen, eta bertaratu ziren ertzainak bertatik eramaten saiatu ziren. Horregatik, emakumeak esku hartu zuen, ez zela ezer egin eta atxilotu ez zezatela eskatzeko.
Neska garrasika ari zen bitartean, polizia bat jiratu eta bultzatu egin zuen. Emakumea lurrera erori zen. "Buruan kolpea hartu zuen, konorterik gabe geratu zen eta, hala ere, haren gainera igo ziren eta kolpeka jarraitu zuten, bidali zizkiguten argazki eta bideo batzuetan ikus daitekeen bezala", azaldu dio Marling Palacio emakumearen izebak egunkariari. Karen Daniela Agredo Palacio du izena emakumeak.
Neska polizia-etxeko ziegetara eraman zuten, eta han "kolpeak eman zizkioten, makurrarazi egin zuten, eta konortea galdu zuen, dokumentu ofizialen arabera".
Karen Danielaren ama Deisy Palacioren esanetan, erasoa gertatu zenetik ospitalera eraman zuten arte (Zainketa Intentsiboetako Unitatean sartu zuten) zortzi ordu igaro ziren.
Otsailaren 6an mutil-lagunari eman zioten osasun-partearen arabera, emakumeak "garuneko edema bat eta kimata-barneko hematoma bat" izan zituen, eta hau izan zen diagnostikoa: Garuneko odoljarioa. Eskumako gongoil basalak. Moya-Moyaren gaixotasuna".
Egunkariaren arabera, 5 eta 12 urteko bi haur Kolonbian utzi dituen gazteak alta jaso du.
Zure interesekoa izan daiteke
722 larrialdi eragin ditu larunbatean Marta ekaitzak Andaluzian, eta 11.089 lagunek etxetik kanpo jarraitzen dute
Juanma Moreno Andaluziako presidenteak ohartarazi du Ubriqueko (Cadiz) beste ehun bat bizilagun ere etxetik atera ditzaketela ondorengo orduetan lur mugimenduengatik.
Guggenheim Urdaibai proiektua "herri mugimenduak geldiarazi" duela ospatu dute Gernikan
Gernikan gaur ospatu dute Guggenheim Urdaibai proiektua bertan behera uzteko abenduan hartu zen erabakia. "Herri mugimenduaren garaipena" izan dela proiektu hori geldiaraztea, eta "herritarren borrokari esker gelditu" dela ospatu dute mosaiko erraldoi bat osatuz. Argi eta ozen aldarrikatu dute "gizarte antolatua gai dela erakunde eta agintarien burugabekeriei aurre egiteko".
Milaka lagunek Rodaliesen zerbitzu duin bat eskatu dute Bartzelonan egin dituzten bi manifestazioetan
Junts, ERC eta CUP alderdiek Paneque kontseilariaren eta Puente ministroaren dimisioa eskatu dute eguerdian. 8.000 manifestari bildu ditu protesta horrek, Udalaren arabera, eta 30.000 antolatzaileen esanetan. Arratsaldeko manifestazioan, berriz, Rodalies zerbitzuaren gainbehera salatu dute.
Muskilen festa egin dute lehen aldiz Iruñean inauteriak iragartzeko, Kaldereroen ordez
Duela sei urte hasi zuten Iruña Taldeko kideek festa aldatzearen beharraren inguruko hausnarketa, ijito komunitatearen ezerosotasunetik abiatuta. Muskilak sortu dute, izena eta janzkera aldatuz, baina festaren egitarauari eutsiz.
Prostituitzera behartuta zeuden hiru emakume askatu dituzte Getxon
Bestalde, 36 eta 27 urteko bi emakume atxilotu dituzte, askatutako hiru lagunak prostituitzera behartzeagatik. Beste bi delitu ere egotzi dizkiete atxilotuei: droga trafikoa eta baimenik gabe botikak saltzea. Ikertzaileek egiaztatu dutenez, biktimek beren diru-sarreren % 50 ematen zieten arduradunei.
Andaluziako Juntak laguntza eskatuko dio Espainiako Gobernuari eta EBri denboraleek utzitako "milioiko euroko galerei" aurre egiteko
Marta ekaitzak zaparradak eta haize bolada gogorrak utziko ditu erkidegoan. Kezkagarria da, halaber, Guadalquivir ibaiaren maila, uste baita arratsaldean bere gorena harrapatuko duela. Denboralea tarteko, Sevilla-Girona eta Cadiz-Almeria futbol partidak bertan behera utzi dituzte.
Urtegiak eta errepideak gertutik zaintzen ari dira Caceresen, Malagan, Cadizen eta beste hamaika tokitan, Marta ekaitza dela eta
Andaluziako Juntak 350 gorabehera larri baino gehiago erregistratu ditu azken egunotan autonomia erkidegoko errepide sarean, eta, ondorioz, errepide asko eta asko itxi behar izan dituzte, Leonardo depresioak eraginda. Marta ekaitzak are gehiago okertu dezake egoera.
Pertsona baten gorpua berreskuratu dute Bilboko itsasadarrean, udaletxearen aurrean
Gorpua 10:30ak aldera aurkitu dute, eta berehala berreskuratu dute. Ertzaintzak ikerketa abiatu du gertatutakoaren nondik norakoak argitzeko.
%20EFE?fmt=webp-alpha&qlt=80)
Denboraleak atsedena eman du Andaluzian, hildako bat eta etxetik kanpo 8.000 pertsona utzita, baina okerrena iristear dago
Leonardoren ostean, Marta depresioa iritsiko da asteburuan, emariaren atalase gorrian 15 ibai baino gehiago dituen eremu batera.
Gizon bat atxilotu dute Gasteizen etxeko indarkeriagatik eta arma zuriz mehatxu egiteagatik
Gizona etxean gotortu da senide batzuekin eztabaidan izan ondoren. Emakume bat arin zaurituta eraman dute ospitalera.