Eguraldi ederra astea hasteko, eta ipar-haizearekin negua astearterako
Udaberri giroko eguraldiak amaiera izango du asteartean, ipar-haizea iristearekin batera, baina eguzkia eta giro epela nagusituko dira ordura arte, Euskalmeten iragarpenaren arabera.
Astelehenean hodei gehiago espero dira. Goizean eta arratsaldean, batik bat, erdi-mailako hodeiak eta goi-hodeiak izango dira, eta ostarte zabalak irekiko dira. Gauean, hodei trinkoagoak agertuko dira, eta euritara joko du mendebaldean. Hegoaldeko haizea indartu egingo da, bolada oso gogorrekin, batez ere ipar-mendebaldeko haizeguneetan. Gauean, haizeak mendebaldera egingo du. Tenperaturak gora egingo du, batez ere isurialde atlantikoan, eta maximoak 20 ºC ingurukoak izango dira bertan.
Asteartean, ipar-mendebaldeko haizea nagusi dela, euria egingo du eskualde guztietan, eta tenperatura jaitsi egingo da. Zerua nahiko estalita egongo da eta egunaren amaieran soilik irekiko dira ostarte batzuk, batez ere hegoaldean, eta atertzera egingo du. Elur-kota jaitsi egingo da egunean zehar, eta 1.500 metrotik behera egon daiteke. Tenperatura maximoa 5-6 ºC jaitsiko dira, eta ipar-mendebaldeko haizeak hotz sentsazioa handituko du.
Asteazkenean, bide beretik jarraituko du eguraldiak, baina ostegunean hego-haizea itzuliko da, eta atertzearekin batera, eguraldia eguzkitsuagoa izango da. Asteburuan ere, antzeko eguraldia izan daiteke.
Kontsulta ezazu eguraldiaren iragarpena, eta bidali zure argazkiak eta bideoak.
Albiste gehiago gizartea
Adunako prostituzio-etxe bateko arduraduna atxilotu dute, sexu esplotazioa eta sexu eraso baten saiakera leporatuta
Lokaleko langileetako batek tratu umiliagarria jasan zuela eta drogak kontsumitzera behartu zutela salatu zuen, besteak beste.
Elkar argitaletxeak erabaki du Igartza bekarekin ez jarraitzea, CAFek Israelekin duen lotura dela eta
Saioa Alkaiza bertsolari eta idazleak sariari uko egin eta hamar egunera iritsi da Elkarren erabakia. “Palestinar herriaren kontra gauzatzen ari den genozidioan CAFek duen inplikazioa" salatu zuen sortzaile iruindarrak.
Donostian izandako azken sexu erasoa salatzeko bilkura egin dute hiriko udaletxe atarian
45 urteko gizon bat atxilotu dute joan den ostiralean emakume batek jasandako sexu-erasoaren egilea izatea egotzita. Emakumeak ertzain-etxean salatu zuenez, gizonak sexu-erasoa egiteaz gain, zer egiten zuen eta norekin zegoen kontrolatzen zuen, eta lagunak ikustea debekatzen zion.
Euskal Sagardoak 2025eko sagar-uzta aurkeztu du Altzon
Aurtengoa sagar urtea dela ziurtatu dute, eta azken urtean bildutako sagar kopurua bikoiztea espero dute. Iaz ez bezala, aurtengo sagar uztak itxura oso ona du.
Osakidetzak 48 urtera zabalduko du bularreko minbizia detektatzeko baheketa
Osakidetzako Protonterapia Unitate berriaren obrak bisitatu ditu Imanol Pradales lehendakariak, eta bertan egin du iragarpena.
Bilboko hilketagatik atxilotutakoak ez dira indarkeriazko taldeetako kideak, Ertzaintzako buruaren arabera
"Etxerako bidean elkar ezagutzen ez zuten bi gazte taldekoak ziren" hiru atxilotuak eta hildakoa. Dirudienez, elkarri irainka hasi ziren, eta azkenean liskarra gertatu zen. Ertzaintzaren buruak errefusatu du atxilotuek talde edo indarkeriazko taldeekin lotura dutenik.
Urolako eta Goierriko adingabeen odolean konposatu kimikoak daudela baieztatu dute
EHUren azterketa batek ondorioztatu du adin txikikoetan aurkitutako PFAS konposatu kimikoen mailek ez dutela arrisku larririk eragiten osasunerako, baina zaintza indartzeko premia ohartarazi du.
Espainiako Gobernua Gasteizko errefuxiatuen zentroaren edukiera murrizteko proposamenaren "bideragarritasuna" aztertzen ari da
Gobernuak Euskadin duen ordezkaria "bat dator" eta "ulertzen du" baliabide horretako plazak 350etik 200era murrizteko Maider Etxebarria Gasteizko alkateak egindako eskaera.
Bilbon lurreratzekoak ziren zazpi hegazkin beste aireportuetara bideratu behar izan dituzte, lainoagatik
Madriletik, Alacantetik, Basileatik, Bartzelonatik, Vienatik eta Paristik goizeko lehen orduko zetozen hegaldiak Santanderrera bideratu dituzte. Horietako bat Madrilera itzuli behar izan da, eta beste bat Zaragozara bidali dute. Loiuko aireportuan zabaldutako laino mardulagatik gertatu dira gorabeherak.
Sute batek Renfeko aldirietako tren-zirkulazioa etenarazi du Santurtzin, Peñotako geltokian
Bestalde, sutearen ondorioz, Bilbo eta Santurtzi arteko tentsio elektrikoa kaltetu da, eta horrek atzerapenak eragin ditu C1 eta C2 lineetan.