Mediku faltari aurre egiteko bere proposamena helaraziko dio Martinez sailburuak Osasun ministroari
Lehen Arretan lan egiten duten medikuen borondatezko erretiroa 72 urtera atzeratzea, lanpostu espezializatuen kopurua handitzea, atzerriko tituluak homologatzea, medikuntza graduko laugarren urteko ikasleek Lehen Arretan lan egiteko bidea erraztea eta Larrialdi eta Emergentzietako espezialitateko epeak laburtzea.
Mediku faltari aurre egiteko, Alberto Martinez Eusko Jaurlaritzako Osasun sailburuak gaur Madrilen aurkeztuko dituen neurrietako batzuk dira horiek. Monica Garcia Espainiako Gobernuko Osasun ministroarekin elkartuko da, eta "bere eskumeneko neurriak har ditzala" eskatuko dio. 13:00etan dute hitzordua bi arduradunek.
Joan den hilabetean Martinezek gutuna igorri zion Garciari, premiazko bilera bat eskatuz. Zehazki, mediku faltaren arazoari aurre egiteko Espainiako Gobernuak egin dezakeenaz aritu nahi du berarekin. "Epe laburrean" martxan jar daitezkeen hainbat neurri proposatuko dizkio sailburuak, eta "erabaki irmoak" jaso nahi lituzke bueltan.
Europako hainbat herrialdetan bezala, Lehen Arretako borondatezko erretiroa atzeratzea nahi du Jaurlaritzak, horrek Lehen Arretako mediku faltari aurre egiten lagunduko duela iritzita. Horrekin batera, atzerriko tituluak homologatzea ere Osasun Sailaren proposamenaren lehentasunen artean dago.
Halaber, Larrialdietako espezialitatea egiteko epeak laburtzea eta Lehen Arretan laugarren urteko mediku egoiliarren sarbidea erraztea dira asmoak.
Gasteizeko Gobernuak ohar bidez esan duenez, sailburua "jarrera eraikitzailearekin" eta osasun-sistema publikoa indartzeko "akordioak lortzeko borondatearekin" joango da bilerara.
Albiste gehiago gizartea
Oñatiko Larraña Etxeak 20 herrialdetako 100 errefuxiatu hartzen ditu
Zentroa kudetzen duen Zehar-Errefuxiatuekin elkarteak salatu du Atzerritarrei buruzko Araudiaren erreforma berriak nazioarteko babesa eskatzen duten pertsonak “zigortzen” dituela. 2025ean 3.633 pertsonak eskatu dute nazioarteko babesa Euskadin.
500 ekitalditik gora antolatu dituzte 2025eko sanferminetarako
Ostegun honetan aurkeztu dute sanfermin jaien egitarau ofiziala, eta iragarri dutenez, hilaren 14an Sorotan Bele talde gipuzkoarrak emango dio amaiera bederatzi eguneko zoramenari, Gazteluko plazako agertokian.
Alerta laranja Araba eta Nafarroa hegoaldean, arratsalderako iragarrita dauden prezipitazio handiengatik
Tenperatura maximoak 27 eta 35 graduren artean kokatuko dira, tokiaren arabera. Arratsaldetik aurrera baliteke ekaitzak jo eta zaparrada trumoitsuak botatzea. Hori dela eta, alerta laranja ezarriko dute Araba eta Nafarroa hegoaldean.
Klima-aldaketaren ondorioak Euskadin: 0,3 °C gehiago hamarkada bakoitzeko, bero-bolada gehiago eta itsasoaren tenperatura gora
Eusko Jaurlaritzak egindako txosten batek ohartarazi du berotze globalak gero eta ondorio handiagoak dituela Euskadin. Tenperaturak etengabe igo dira 1970etik, bero-boladen egunak bikoiztu dira eta itsas mailak erritmo bizkorrean egiten du aurrera. 2023an, itsasoaren batez besteko tenperatura inoizko altuena izan zen.
Nafarroako Unibertsitatea eta EHU, munduko 600 unibertsitate onenen artean
Massachusettseko Institutu Teknologikoak (MIT) lehen postuari eusten dio, hamalau urtez; ostean, Londresko Imperial College eta Stanfordeko Unibertsitatea daude.
Arartekoak Osakidetzan inbertsioa areagotzearen garrantzia azpimarratu du, herritarren kexak ikusita
Ines Ibañez de Maeztuk adierazi du Osasun Itunaren ostean hartuko diren neurrien esperoan dagoela, egoera hobetuko duten itxaropenarekin. "Etxebizitza eskubidea bete egiten dela bermatuko duten politika publikoen aldeko apustu irmoa" ere eskatu du.
Scientia School enpresak Pryconsa konpainiari saldu dio Amara auzoko Karmelo ikastetxea hartzen zuen eraikina
Scientia Schoolek azaldu duenez, 2019an erosi zuen ikastetxea, baina "matrikulen kopuruak behera egin zuen etengabe". "Egoera horrek itxiera ekarri zuen", gogorarazi du.
Osakidetzak ordutegiak murriztu eta osasun-zentro batzuk itxiko ditu udan
Aldaketa horiek zentroen % 37ri eragingo diete. ELA eta CCOO sindikatuek udako plangintza kritikatu dute. Osakidetzaren egiturazko arazoek “bere horretan jarraitzen dutela” ziurtatu dute eta “benetako konponbideei heltzeko" negoziazio prozesua hastea eskatu dute.
Red Electricak zentralei egotzi die apirileko itzalaldiaren ardura: "Sorgailuek beren konpromisoak bete izan balituzte, ez zen itzalaldirik gertatuko"
Red Electricak, sistemaren operadoreak, erantzukizuna ez du bere gain hartu eta zentral sortzaileen aurka egin du, ez zituztelako bete kolapsoa saihesteko protokolo teknikoak. Gobernuak, bere aldetik, akats ugari egin zituela onartu egin du. Hala ere, operadorearen plangintza zalantzan jartzen du.
Euskadin ematen diren 10 gorroto-delitutik sei arrazistak edo xenofoboak dira
2024ko Gorroto Istiluen azken Txostenak egiaztatzen du kasuen kopuruak behera egin duela oro har, baina baieztatzen du arrazakeriak eta xenofobiak eragindako erasoak oraindik ere argi eta garbi nagusitzen direla gorrotoaren mapan Euskadin.