Bizkaiko garraio publikoa mugikorrarekin ordain daiteke dagoeneko Barik Mobile aplikazioarekin
Bizkaiko Garraio Partzuergoak (BGP) Barik Mobile zerbitzua aktibatu du, txartel digitala deskargatu eta garraio publikoan egindako bidaiak sakelako telefonoarekin ordaindu ahal izateko, garraio erakundeak prentsa ohar bidez jakinarazi duenez.
Oraingoz, Android sistema eragilearekin soilik erabil daiteke aplikazioa, baina Apple etxearekin lanean ari dira urte amaieran Iphone gailuetan ere aktibatzeko. Zerbitzua baliatu ahal izateko, aplikazioa Google Play Store sareko dendan deskargatu eta NFC teknologia duen gailua eduki behar da.
Erabiltzaileek Barik txartel pertsonalizatua izan beharko dute, eta 15 urte baino gehiago eta 65 urte baino gutxiago. BPGk proba pilotua hasi zuen 2020an 26 urtetik beherako gazteekin, eta orain 65 urte artekoei ere zabaldu die aukera; horrenbestez, Gizatrans titulua dutenek hilabete batzuk itxaron beharko dute oraindik Barik Mobile erabili ahal izateko.
Txartel digitala garraio publiko guztietan erabili ahal izango da, Renfen, Bizkaia Zubian (igarotzeko plataforman), Portugaleteko txalupetan eta Bilboko Metroaren Etxebarri, Leioa, Ibarbengoa eta Ansioko aldiriko aparkalekuetan izan ezik, horietan txartel fisikoa erabiltzen jarraitu beharko baita guneotako makinak egokitu arte.
Barik Mobile aplikazioak informazio zehatza jasotzen du, hala nola egindako azken mugimenduak, kargaren egiaztagiriak, MovEuskadi bidaia-planifikatzailea, Bizkaiko garraioaren mapa eta Barik sistemaren informazio guztia.
Horretarako, alta eman beharko da, eta BPGren aplikazioan eta webgunean sartzeko erabiltzailea eta pasahitza sartu beharko dira. Halaber, txartelak kargatu eta aldi baterako tituluak luzatu ahal izango dira aplikazioaren bidez.
Edozein Barik txartel pertsonalizatzeko aukera dago garraio operadoreen arreta-bulegoetan; horrez gain, webgunerako sarbidea aktibatuko da bertan.
Zure interesekoa izan daiteke
Erreskate ugari izan dira Aste Santuan euskal kostaldean
Jai egunak lausotzetik gertu izan diren egoerak bizi izan dira egunotan, eta erreskate ugari egin behar izan dira itsasoan, bai marearen igoerak ezustean harrapatu dituen pertsonenak, bai korronteek arrastan eramandako edo olatuek harrapatutako pertsonenak. Zorionez, ez da biktimarik izan.
25 eta 28 urteko bi gizon atxilotu dituzte Gasteizen, bikotekideari eta bikotekide ohiari eraso egitea egotzita
Gasteizko Udaltzaingoak pasa den ostegunean eta ostiralean egin zituen atxiloketak, astearte honetan jakitera eman duenez.
Martinezek esan du garrantzi handikoa dela ohitura osasungarriak izatea, osasunari eragiten dioten faktoreen % 50 baitira
Osasun sailburuak ariketa fisikoa egitera, elikadura zaintzera eta alkohol eta kalamu kontsumoa murriztera animatu ditu herritarrak, Osasunaren Nazioarteko Eguna dela eta.
Mugikorrak alboratu eta familiaz gozatzeko gonbita, apirilaren 18an, EAEko hiriburuetan
Eusko Jaurlaritzak antolatuta, Mugikorrik Gabeko Eguna Familian izango da Donostian, Bilbon eta Gasteizen. Familia inguruan teknologiaren erabilera kontzienteagoa sustatzea du helburu egitasmoak. “Ongizate emozionala zaintzeko eta senideekin egotearen balioa berreskuratzeko keinu txiki” gisa aurkeztu du Nerea Melgosa Ongizate, Gazteria eta Erronka Demografikoko sailburuak.
Bizkaitik Nafarroara droga eramaten zuen gaizkile sare bat desegin dute: lau lagun atxilotu eta 22 kilo speed atzeman dituzte
Ortuellako etxebizitza batetik Nafarroara banatzen zen, eta droga 76 urteko gizon batek garraiatzen zuen.
Manifestazioa deitu dute arratsalderako Berrizen, asteleheneko eraso matxista larria salatzeko
48 urteko gizonezkoa emaztea hiltzen saiatu zen Berrizen, eta emakumea helikopteroz eraman zuten Gurutzetako Ospitalera. Atxilotuak polizia-etxean jarraitzen du, epailearen aurrean deklaratzeko zain. Bestalde, Berangoko Udalak deituta, elkarretaratzea egingo dute arratsaldean Amaiaren hilketa salatzeko. Apirilaren 1ean bikotekideak hil omen zuen, Basaurin, baina berangoztarra zen.
Gipuzkoako hainbat garajetan eta trastelekutan ustez lapurretak egin dituen gaizkile talde bat desegin dute
Batez ere, Goierri inguruan egin dituzte lapurretak. Ertzaintzak dei egin die lapurreta horien biktima izan diren herritarrei, Beasaingo komisariara joan daitezen, euren objektuak han dauden egiaztatzera.
Ia 30 graduko tenperaturarekin, uda itxura hartu du Pazko astelehenak
Ezohiko itxura hartu du Pazko astelehenak. Eguraldi beroak hondartzak eta kaleak jendez gainezka utzi ditu. Hotelen betetze-maila % 80-90 ingurukoa izan da Aste Santuan.
Gasteizek lotura zuzena izango du Kanaria Handiarekin ekainaren 15etik irailaren amaiera arte
VIA sozietatearen esleipena lortu ondoren, Binter airelineak astelehen eta ostegunetan jardungo du Forondan. Ibilbide horri esker, Kanarietako artxipelagoko beste aireportuekin lotura egin ahal izango da, bai eta Portugalgo eta Afrika mendebaldeko beste aireportu batzuekin ere.
Hiru pertsona zauritu dira Berangon, lau autok elkar jo ostean
Zauritutako lagunak Gurutzetako ospitalera eraman dituzte, eta auto-ilarak sortu dira istripua gertatu den lekuan. 14:00etarako, baina, bere onera itzuli da zirkulazioa.