Horrelakoa izango da BilbaoBizi zerbitzu berria: bizikleta eta bilketa gune gehiago eta kuota altuagoak
Bilboko udalbatzak BilbaoBizi zerbitzuaren tarifak igotzea dakarren ordenantza onartu du. Arau horrek bizikleta gehiago eta entregatzeko eta jasotzeko puntu gehiago sartzea aurreikusten du.
Horrez gain, bizikleta elektrikoak mailegatzeko udal zerbitzuak bizikleta itzultzeko aukera emango du, inolako kosturik gabe, erabiltzaileak matxuratuta dagoela antzematen badu eta beste bat hartzen badu. 16 eta 17 urtetik beherakoek online eman dezakete alta zerbitzuan. Era berean, alokairu batetik besterako gutxieneko tartea 10 minutukoa izango da eta erabiltzaileek aukera izango dute administrazioek gainerako garraio publikoetarako hartzen dituzten tarifa murrizketez baliatzeko.
2024an, guztira, 2 milioi pertsonak erabili dute Bilbaobizi zerbitzua.
Berrikuntza nagusiak:
Matxuratutako bizikletak kosturik gabe itzultzea: Erabiltzaile batek detektatzen badu bizikletak akats mekaniko bat duela, penalizaziorik gabe itzuli ahal izango du eta geltoki berean beste bat hartu bost minuturen buruan, beti ere jazoeraren berri ematen badu.
Online alta, 16 eta 17 urteko gazteentzat: Adin tarte horretako adingabeak BilbaoBiziren plataforma digitalaren bidez eman ahal izango dute izena zerbitzuan, eskatutako baldintzak betez gero.
Alokairuen arteko gutxieneko tartea: 10 minutuko itxaronaldia ezartzen da bizikleta bat itzuli eta beste bat hartu bitartean.
Deskontuak tarifetan: BilbaoBiziko erabiltzaileak administrazioek gainerako garraio publikoetarako zehazten dituzten tarifa-murrizketez baliatu ahal izango dira.
Tarifa eta ordainketa-eredu berriak
Tarifa-sistema berriak erabileraren araberako ordainketa-eredu baten alde egiten du, eta bi ordainketa-modalitate ditu:
Ohiko erabiltzaileak: Egunero bizikleta erabiltzen dutenek urtean 25 euroko tarifa izango dute eta 15 zentimo ordainduko dituzte 15 minutuko ibilbideagatik.
Noizbehinkako erabiltzaileak: Erabilitako denboraren araberako tarifak ezarriko dituzte.
Gastuaren muga: Urtean, gehienez, 72 euro ordainduko dute ohiko erabiltzaileek.
Udalaren arabera, aldaketa horien helburua da BilbaoBizi Bilboko mugikortasun sistemaren barruan alternatiba iraunkor gisa sendotzea, haren erabilera arduratsua sustatu eta epe luzera bideragarritasuna bermatzeko.
Eragin ekonomikoa eta balorazioa
Udalak defendatu du zerbitzua berritzeak jasangarritasunean eta osasun publikoan inbertsioa dakarrela, eta azpimarratu inbertitutako euroko BilbaoBizik 1,14 euroko itzulkina sortzen duela herritarren osasun fisiko eta mentalerako zerbitzuetan.
Hala ere, zenbait sektorek adierazi dute kezkatuta daudela tarifak igo egingo direlako; izan ere, ohiko erabiltzaileentzako urteko kostua 20,2 eurotik 61 eurora igoko da, eta horrek abonatuen kopurua % 20 murriztu lezake, eta bidaiak % 25 murriztu. Gainera, Udalak urtean 1.098.000 euro biltzea aurreikusten du, eta zerbitzua kudeatzen duten enpresek % 6ko irabazia izango dute.
Zure interesekoa izan daiteke
Manifestazioa deitu dute arratsalderako Berrizen, asteleheneko eraso matxista larria salatzeko
48 urteko gizonezkoa emaztea hiltzen saiatu zen Berrizen, eta emakumea helikopteroz eraman zuten Gurutzetako ospitalera. Atxilotuak komisaldegian jarraitzen du, epailearen aurrean deklaratzeko zain. Bestalde, Berangoko Udalak deituta, elkarretaratzea egingo dute arratsaldean Amaiaren hilketa salatzeko. Apirilaren 1ean ustez bere bikotekideak hil zuen Basaurin, baina sortzez Berangokoa zen.
Gipuzkoako hainbat garajetan eta trastelekutan ustez lapurretak egin dituen gaizkile talde bat desegin dute
Batez ere, Goierri inguruan egin dituzte lapurretak. Ertzaintzak dei egin die lapurreta horien biktima izan diren herritarrei, Beasaingo komisariara joan daitezen, euren objektuak han dauden egiaztatzera.
Ia 30 graduko tenperaturarekin, uda itxura hartu du Pazko astelehenak
Ezohiko itxura hartu du Pazko astelehenak. Eguraldi beroak hondartzak eta kaleak jendez gainezka utzi ditu. Hotelen betetze-maila % 80-90 ingurukoa izan da Aste Santuan.
Gasteizek lotura zuzena izango du Kanaria Handiarekin ekainaren 15etik irailaren amaiera arte
VIA sozietatearen esleipena lortu ondoren, Binter airelineak astelehen eta ostegunetan jardungo du Forondan. Ibilbide horri esker, Kanarietako artxipelagoko beste aireportuekin lotura egin ahal izango da, bai eta Portugalgo eta Afrika mendebaldeko beste aireportu batzuekin ere.
Hiru pertsona zauritu dira Berangon, lau autok elkar jo ostean
Zauritutako lagunak Gurutzetako ospitalera eraman dituzte, eta auto-ilarak sortu dira istripua gertatu den lekuan. 14:00etarako, baina, bere onera itzuli da zirkulazioa.
Gizon bat atxilotu dute, Berrizen, emaztea labankadaz larri zauritzeagatik
Gertatutakoa salatzeko, Berrizko Mugimendu Feministak manifestazio zaratatsua deitu du biharko, arratsaldeko 18:30ean, Udaletxe paretik abiatuta.
Aske geratu dira Gasteizen adingabe bat sastatzea leporatuta atxilotutako zazpi gazteak
Asteburuan epailearen aurretik igaro ostean, guztiak utzi dituzte libre, azken biak igandean, Segurtasun Sailak jakinarazi duenez.
Eusko Jaurlaritzak 'Ttipi Ttapa' gida aurkeztu du, oinez egitea osasun eta kohesio sozialerako tresna bihurtzeko
Osasun Sailak udalerrien eskura jarri du jarduera fisikoa eta harreman sozialak sustatzeko gida praktikoa. Ekimenak ongizate fisiko eta emozionala hobetzea eta komunitateak indartzea du helburu.
Trafiko gorabeherak gaur Bilbon, Itzulia Basque Country lasterketa dela eta
Lasterketaren lehen etapak, Bilbon hasi eta amaituko den 13,9 kilometroko erlojupekoak, trafiko etenak, aparkaleku murrizketak eta garraio publikoan aldaketak eragingo ditu.
?fmt=webp-alpha&qlt=80)
Picassoren margolan bat, 100 euroren truke: Alzheimerraren ikerketa finantzatzeko ekimena
Tête de femme (1941) Pablo Picassoren lan original honen zozketa apirilaren 14an egingo da, Parisen, eta oraindik milaka partaidetza daude saltzeko. Ekimen solidario honek mundu osoko parte-hartzaileak erakarri ditu.