Garraio publikoak % 40ko deskontuak izango ditu eta 14 urte arteko haurrek doan bidaiatuko dute, Euskadin
Euskadiko Garraio Agintaritzak (EGA) erabaki du estatuko deskontu berriak aplikatzea autonomia-erkidegoko garraio publikoan. Uztailaren 1etik aurrera, 14 urtetik beherakoek doan bidaiatuko dute, eta gazteek % 50eko murrizketa izango dute abonuetan eta erabilera anitzeko tituluetan.
Estatuko araudian egindako aldaketa batek ekarri du neurri berria, deskontuak kolektibo jakinetara bideratzeko egindakoa. Euskadin, aurten hasi zen garraio publikoa 12 artekoentzat doakoa izaten; uztailetik aurrera, adin-tartea bi urte zabalduko da.
Gainera, EAEko operadoreek % 50eko hobaria aplikatuko dute abonu eta erabilera anitzeko titulu orokorretan, hala nola Bat, Barik eta Mugi txarteletan. Gobernu zentralak hartuko du bere gain, eta % 20an toki-administrazioek, Mugikortasun Iraunkorreko Departamentuaren laguntzarekin, gastu autonomikoaren erdia bere gain hartuko baitu.
2022ko irailaz geroztik, Eusko Jaurlaritzak 41,7 milioi euro bideratu ditu garraio publikoko deskontuek eragindako diru-sarreren murrizketa konpentsatzeko. Susana Garcia Chueca Mugikortasun Iraunkorreko sailburuak azpimarratu duenez, tarifak arrazoikoak izan daitezen hartutako konpromisoak erabiltzaileak fidelizatzea du helburu, baita EAEko garraio jasangarriaren eredua indartzea ere.
Garraio eta Mugikortasun Jasangarriaren Ministerioaren laguntzak eskuratu ahal izateko, administrazioek zenbait baldintza bete beharko dituzte, hala nola erabilera anitzeko abonoak izatea eta legeak behartutako udalerrietan Emisio Gutxiko Eremuak ezartzea.
Garcia Chuecak garraioko operadoreei eta kudeatzaileei eskatu die teknologia eta tarifak egokitzeko lan egin dezaten, hobariak aurreikusitako egunean aplikatzen direla bermatzeko.
Zure interesekoa izan daiteke
Emakume bat ikerketapean dago, Bilbon adingabe bat bahitzen saiatzeagatik
Adingabea lagunekin ari zen jolasten, eta banku batean eserita zegoen emakume bat hurbildu zitzaien. Senidea zela esanda, adingabea besotik heldu eta berarekin eramaten saiatu zen. Gurasoen lagun batzuek gertatutakoa ikusi zuten, eta adingabeari galdetu zioten emakumea ezagutzen ote zuen.
EHUk uste du lehendakariak ez diola "behar besteko balioa eman unibertsitate publikoari" ikasturte hasierako ekitaldian egoteari muzin eginez
Horixe adierazi du Ixone Fernandez de Labastida Arabako Campuseko errektoreordeak Radio Vitorian egindako elkarrizketa batean, Imanol Pradales lehendakariak ikasturte hasierako ekitaldietan Mondragon, Deustu eta EHU txandakatzeko hartu duen erabakiaren harira.
Heriotzen kopurua jaiotzena baino ia bi aldiz handiagoa da EAEn
Heriotzak 6.253 izan ziren urteko lehen hiruhilekoan, aurreko urtean baino % 0,8 gutxiago, eta jaiotakoak bainoa 3.008 gehiago.
Espainiako Abokatu Kristauen Fundazioak hiru urteko espetxe-zigorra eskatu du Bernedoko udalekuen auzian ikertutako 15 kiderentzat
Gasteizko Instrukzio Epaitegiak gaur hartuko die deklarazioa 15 ikertuei, eta testuinguru horretan egin du iragarpena herri-akusazio gisa ari den elkarteak. Bestalde, euskal udalekuetako kideek adierazi dute ez dutela prozesuaren berri emango, adingabeen eskubideak babesteko.
Lanbide Heziketak ia 8.000 plaza gehiagorekin ekin dio ikasturteari, bi gradu bikoitz berrirekin
Ia 75.000 plaza eskaini dira eta oraingoz 51.000 ikasle pasatxok eman dute izena (matrikulatzeko epea urriaren 16ra arte egongo da zabalik). Ikasturte hasierako ekitaldian lehendakariak azpimarratu duenez, egungo LHa "Txapeldunen Ligan" dago eta hezkuntza sistema hobetzeko "ardura partekatua, autokritika eta autoestima" eskatu ditu.
Txinak konfrontazioa baztertu du AAren inguruko eztabaidan, eta "ongira bideratutako" teknologia defendatu du
Pekinek adimen artifizial ireki eta inklusiboaren nazioarteko araubidea eskatu du, eta ohartarazi du mehatxu-diskurtsoek eta "asmo txarreko lehiak" haren gobernantza oztopatzen dutela.
Uda beteko tenperaturak astea hasteko : gaur 30 graduak gaindituko dira aste erdian udazken giroari bide eman aurretik
Nafarroako hainbat tokitan, Iruñean eta Erriberan kasu, termometroak 35 graduraino iritsiko dira gaur. Bihar goiza eguzkitsua eta beroa izango da, baina iluntzerako aldaketa iritsiko da eta asteazkenean tenperaturek nabarmen egingo dute behera.
Normandiako Lehorreratzetik Markinara: Abelek Bigarren Mundu Gerrako kamioneta bat du egurra garraiatzeko
Bigarren Mundu Gerrako kamioneta bat dabil Markina-Xemeingo mendietan. Abel Ibarluzea jabeak egurra garraiatzeko eta beste baserriko beste zenbait lanetarako erabiltzen du. Garai batean, Euskal Herrian ohikoa zen AEBko armadaren gerra-ibilgailu hauek ikustea. Gaur egun, Abelena da geratzen den bakarrenetako bat.
Gizon bat hil da Oiartzungo AP-8ko zerbitzugunean izandako zirkulazio istripu batean
61 urteko gizonak furgonetarekin izan zuen istripua atzo gauean, zerbitzugune baten barruan.
Imsersoren bidaiak gaurtik aurrera egongo dira eskuragarri Hego Euskal Herriko pentsiodunentzat
Nafarrentzat gaur abiatuko da plaza eskuratzeko epea, eta EAEko pentsiodunentzat, asteazkenean. Guztira, ia 900.000 plaza eskainiko dira penintsulako kostaldera eta uharteetara joateko edo bospasei eguneko bidaiatxoak egiteko.