Abisu horia larunbat honetarako, arratsalde-gau partean euri-jasa egingo baitu
Eusko Jaurlaritzako Segurtasun Sailak abisu horia ezarri du larunbaterako, 15:00etatik 00:00etara, prezipitazio handiak espero baitira. Aemetek berriz, 16:00etatik gauerdira ezarri du abisua Nafarroan. Ipar Euskal Herrian ere abisu horipean daude 15:00etatik gauerdira arte, ekaitz arriskuagatik.
Larrialdiei Aurre Egiteko eta Meteorologiako Zuzendaritzak zehaztu duenez, ordubetean metro koadroko 15 litro baino gehiago bota ditzake.
Larunbateko 15:00etatik aurrera, zaparrada ertainak botako ditu, eta baliteke zenbait tokitan zaparrada gogorrak eta ekaitsuak izatea, eta baita txingorra egitea ere; haize-bolada gogorrak izango dira, orduko 40-60 kilometrokoak.
Nafarroan, berriz, euria mardul botatzea espero da erdialdean eta Erriberan. Kazkabarra ere bota dezake, eta orduko 15 litro bota ditzake metro koadroko, gauen batez ere.
Aurreikuspen horien aurrean, Ebroko Konfederazio Hidrografikoak (CHE) ohartarazi du "bat-bateko ur-goraldi handiak" egon daitezkeela Errioxako, Nafarroako eta Aragoi iparraldeko amildegietan eta ibaiadarretan.
CHEk adi egotea gomendatzen die herritarrei, eta www.aemet.es Meteorologiako Estatu Agentzian eta www.saihebro.com SAIH Ebron datu meteorologiko eta hidrologikoen bilakaera kontsultatzeko, bai eta www.chebro.es webgunean ere.
Era berean, gogorarazi dute Babes Zibileko Zerbitzuen gomendioei jarraitu behar zaiela beti.
Iganderako, giro grisa, zaparradak, tenperaturaren beherakada lurralde osoan eta ipar-mendebaldeko eta iparraldeko haize ahula ibiliko da, Euskalmetek iragarri duenez; egunaren zati handi batean, zerua estalita egongo da.
Astelehenean euria edo zaparradak egunaren bigarren partean espero ditugu. Egunaren lehen partean euria egiteko probabilitatea txikiagoa izango da eta hodeitza ere saretuago egongo da. Arratsaldean hodeiak ugarituko dira eta zaparradak egingo ditu, probabilitate handiagoarekin Nafarroan, non ekaitzak ere izan daitezkeen.
Kontsulta ezazu eguraldiaren iragarpena, eta bidali zure argazkiak eta bideoak.
Albiste gehiago gizartea
Adunako prostituzio-etxe bateko arduraduna atxilotu dute, sexu esplotazioa eta sexu eraso baten saiakera leporatuta
Lokaleko langileetako batek tratu umiliagarria jasan zuela eta drogak kontsumitzera behartu zutela salatu zuen, besteak beste.
Elkar argitaletxeak erabaki du Igartza bekarekin ez jarraitzea, CAFek Israelekin duen lotura dela eta
Saioa Alkaiza bertsolari eta idazleak sariari uko egin eta hamar egunera iritsi da Elkarren erabakia. “Palestinar herriaren kontra gauzatzen ari den genozidioan CAFek duen inplikazioa" salatu zuen sortzaile iruindarrak.
Donostian izandako azken sexu erasoa salatzeko bilkura egin dute hiriko udaletxe atarian
45 urteko gizon bat atxilotu dute joan den ostiralean emakume batek jasandako sexu-erasoaren egilea izatea egotzita. Emakumeak ertzain-etxean salatu zuenez, gizonak sexu-erasoa egiteaz gain, zer egiten zuen eta norekin zegoen kontrolatzen zuen, eta lagunak ikustea debekatzen zion.
Euskal Sagardoak 2025eko sagar-uzta aurkeztu du Altzon
Aurtengoa sagar urtea dela ziurtatu dute, eta azken urtean bildutako sagar kopurua bikoiztea espero dute. Iaz ez bezala, aurtengo sagar uztak itxura oso ona du.
Osakidetzak 48 urtera zabalduko du bularreko minbizia detektatzeko baheketa
Osakidetzako Protonterapia Unitate berriaren obrak bisitatu ditu Imanol Pradales lehendakariak, eta bertan egin du iragarpena.
Bilboko hilketagatik atxilotutakoak ez dira indarkeriazko taldeetako kideak, Ertzaintzako buruaren arabera
"Etxerako bidean elkar ezagutzen ez zuten bi gazte taldekoak ziren" hiru atxilotuak eta hildakoa. Dirudienez, elkarri irainka hasi ziren, eta azkenean liskarra gertatu zen. Ertzaintzaren buruak errefusatu du atxilotuek talde edo indarkeriazko taldeekin lotura dutenik.
Urolako eta Goierriko adingabeen odolean konposatu kimikoak daudela baieztatu dute
EHUren azterketa batek ondorioztatu du adin txikikoetan aurkitutako PFAS konposatu kimikoen mailek ez dutela arrisku larririk eragiten osasunerako, baina zaintza indartzeko premia ohartarazi du.
Espainiako Gobernua Gasteizko errefuxiatuen zentroaren edukiera murrizteko proposamenaren "bideragarritasuna" aztertzen ari da
Gobernuak Euskadin duen ordezkaria "bat dator" eta "ulertzen du" baliabide horretako plazak 350etik 200era murrizteko Maider Etxebarria Gasteizko alkateak egindako eskaera.
Bilbon lurreratzekoak ziren zazpi hegazkin beste aireportuetara bideratu behar izan dituzte, lainoagatik
Madriletik, Alacantetik, Basileatik, Bartzelonatik, Vienatik eta Paristik goizeko lehen orduko zetozen hegaldiak Santanderrera bideratu dituzte. Horietako bat Madrilera itzuli behar izan da, eta beste bat Zaragozara bidali dute. Loiuko aireportuan zabaldutako laino mardulagatik gertatu dira gorabeherak.
Sute batek Renfeko aldirietako tren-zirkulazioa etenarazi du Santurtzin, Peñotako geltokian
Bestalde, sutearen ondorioz, Bilbo eta Santurtzi arteko tentsio elektrikoa kaltetu da, eta horrek atzerapenak eragin ditu C1 eta C2 lineetan.