Lekeitiok aparkaleku ordenantza berria izango du, Justiziak iazko dekretua baliogabetu ostean
Herrian kezka iturri nagusienetakoa zen aparkalekuen arazoari irtenbide bat eman nahian, Lekeitiok parking sistema berria jarri zuen martxan iazko udan, herritarren beharrak lehenetsita.
Uda garaian biztanleria hirukoizten du Lekeitiok, eta aparkaleku sistema berrantolatzeko helburuarekin iritsi zen sistema berria. Soka luzea ekarri zuen horrek, udatiarrek "baztertzailetzat" jo baitzuten.
Polemika hura gorabehera, auzitegietara iritsi zen eztabaida, bi udatiarrek aurkeztutako salaketa baten ondotik, eta EAEko Auzitegi Nagusiak horren gaineko epaia eman du bi hilabete geroago, "diskriminazioaren" aferan sartu gabe, baina iazko sistema onartu zuen dekretua baliogabetzat jota. Izan ere, ebazpenak dio "udal ordenantza bidez" arautu beharreko gai bat dela, alegia, aparkaleku sistemarekin lotutako arauak ez direla dekretu bidez jaso behar, ordenantza bidez baizik.
Gauzak horrela, iragan apirilaren 7an udalbatza deitu zuen Udalak, eta bertan aurrerantzean udako aparkalekuen zerbitzua arautuko duen ordenantza onartu zuten, EAJren babesik gabe.
30 eguneko epea dago orain alegazioak aurkezteko. Behin epea bukatuta, Udalak alegazio horiei erantzungo die, eta udalbatza deituko du berriro, ekainean udako aparkaleku sistema ofizialki martxan jartzeko.
Iazko dekretuarekin alderatuta, aldaketa gutxi ekarriko ditu aurtengo ordenantzak, baina badira zenbait ñabardura. Gune gorrian, 30 minututik ordubetera luzatuko dute aparkatzeko tartea. Anbulatorio parean, bestalde, "larrialdietarako aparkalekuak" ezarriko dituzte, osasun zentrora autoz joan behar dutenei "zerbitzua errazte aldera".
Horiez gain, Mendexako, Amorotoko, Gizaburuagako, Ispasterko, Aulestiko eta Eako bizilagunek txartel bakarra jasoko dute familia bakoitzeko.
Bukatzeko, gune urdinerako 30 egunerako bonu berri bat egongo da, ekainaren 1etik irailaren 30era erabili ahal izango dena.
Gainerakoan, ez da aldaketarik izango.
Gune berdea: Iaz bezala, egoiliarrentzat eta inguruko herri txikietako bizilagunentzat. Herrigune osoa hartuko du.
Gune urdina: Lekeitioko sarreran dauden aparkalekuak ordainpekoak izango dira.
Gune gorria: Herriguneko kaleetan egongo dira aparkaleku gorriak, saltokietatik, botiketatik edo zerbitzu guneetatik gertu. 30 minututik ordubetera luzatuko dute aparkatzeko tartea.
Gune zuria: Artadi inguruan doan aparkatu ahal izango dute egoiliarrek nahiz bisitariek.
Albiste gehiago gizartea
Euskal Selekzioak eta Palestinak lagunarteko futbol partida jokatuko dute San Mamesen azaroaren 15ean
Espainiako agintarien arabera, ez da kirol ekitaldi huts bat izango, eta Palestinan pairatzen ari diren "giza eskubideen urraketa guztiak" ikusarazteko ere baliatuko dute lagunartekoa.
Baso-sute arriskua oso handia izango da Nafarroan ostegunetik larunbatera
Aurreikuspenen arabera, arriskua nabarmen murriztuko da larunbateko azken orduan, prezipitazio-fronte bat sartuko baita.
Euskararentzat "arkitektura juridiko berria" eskatu du Kontseiluak, "langile publikoek euskararen ezagutza izatea" bermatzeko
Euskalgintzaren Kontseiluak eta Bagera Donostiako euskaltzaleen elkarteak deituta, bilkura egin dute, arratsaldean, Donostiako epaitegi batek euskararen aurka kaleratu berri duen epai bat salatzeko. Idurre Eskisabel Kontseiluko idazkari nagusiaren hitzetan, "ezinbestekoa da euskarari behar duen arkitektura juridiko berria eskaintzea", "botere judizialetik ezarritako blokeoa gainditzeko".
Palestinaren aldeko mobilizazioak egingo dituzte ostegunean Hego Euskal Herrian
Protestak eguerdian eta arratsaldean izango dira, Gasteizen, Bilbon eta Iruñean.
EHUk 247 milioi euroko egitasmoei uko egin die Israelen parte hartzea dutelako
Joxerramon Bengoetxea errektorearen hitzetan, “herri palestinarraren genozidioaren auzia lehentasuna da” EHUrentzat. Gogorarazi du 2024ko apiriletik ez dutela harremanik Palestinan egindako krimenak gaitzesten ez dituzten unibertsitate eta erakundeekin.
EHUk uko egin dio 247 milioi euroko ikerketa-proiektuetan parte hartzeari, Israelekin loturak zituztelako
Joxerramon Bengoetxea Euskal Herriko Unibertsitateko (EHU) errektoreak asteazken honetan berretsi duenez, "Palestinako herriaren genozidioaren auzia lehentasuna da gure unibertsitatean", eta aditzera eman du EHUk uko egin diela, azken hilabeteetan, 247 milioi euroko ikerkuntza-proiektuei, biomedikuntzaren edo konputazio-zientzien arloetan, proiektu horiek Israelgo estatuarekin zuten loturagatik. Agerraldian, Bengoetxeak Europako Batzordeari eta Espainiako Gobernuari eskatu die Israelgo unibertsitateak, ikerketa-zentroak eta erakundeak bazter utz ditzatela ikerketa elkarlanak, akademikoak edo kulturalak laguntzeko europar funtsetatik.
Labar pinturak dituen historiaurreko aztarnategi bat aurkitu dute Gamiz-Fikan
Bizkaiko Foru Aldundiak jakinarazi duenez, Juan Carlos Lopez Quintanak eta Juan Carlos Izagirrek aurkitu zuten, Atxispeko San Pedro ermitaren ingurunea berreskuratzeko interbentzio programa baten baitan, 2025eko ekainaren 26an. Haitzuloa ikertu duten adituen arabera, eremu kantauriarrean dokumentatutako lehen hipogeo mistoa da.
Pertsona bat hil da Tafallan furgoneta baten eta uzta biltzeko makina baten artean izandako istripuan
Polizia-iturriek jakitera eman dutenez, istripua 09:00etan gertatu da, NA-132 errepidean, Tafalla parean, eta hildako pertsona furgonetan zihoana da.
San Mamesera sartzeko inguruak jarraitzaile zuri-gorriz bete dira, Txapeldunen Ligako hitzorduan
Zuri-gorriek Arsenalen aurka neurtuko dituzte indarrak astearte honetan, Txapeldunen Ligako 1. jardunaldiko neurketan. Athleticeko milaka zale bildu dira gaur arratsaldean partida honetan, taldea animatzeko helburuarekin.
Osakidetzak 10.000 haurtxo immunizatuko ditu bronkiolitis akutuaren aurka
Hasieran, katarroaren antzeko sintomak agertzen dira, hala nola mukiak, eztula edo sukarra, baina egun batzuen buruan beste sintoma batzuk ager daitezke, adibidez, arnasa hartzeko zailtasunak, txistuak edo nekea, eta neke horrek esnea hartzean eragiten die haurtxoei.