Eusko Jaurlaritzak erregaia erosiko du, itzalaldiaren gisako aparteko egoerei aurre egiteko
Euskal Autonomia Erkidegoan egoera ia bere onera itzuli dela ziurtatu du Eusko Jaurlaritzak, baina aitortu du atzoko "aurrekaririk gabeko itzalaldiak" hainbat "ahulgune" agerian utzi zituela. Horiek aztertu eta protokoloak eguneratzea da orain erronka.
Hala esan dute Maria Ubarretxena Eusko Jaurlaritzaren eledunak eta Bingen Zupiria Segurtasun sailburuak Gobernu Bileraren ondoren egin duten agerraldian. Biharamunean, arloz arloko errepasoa egin du Zupiriak, egoeraren argazkia zein den azaltzeko.
Esan duenez, trenbide sareak eragin zien "kezka" gehien, horretan izan baitziren arazo gehienak. Trenen joan-etorria erabat gelditu zen, eta milaka erabiltzaile gelditu ziren zerbitzurik gabe. "Gure gizarteak iraunkortasunaren aldeko apustua egin du eta hori argindarraren menpe dago. Ikusi da ahultasunak badirela eta egoerak azterketa bat eskatzen du", nabarmendu du.
Horrekin batera, industrian izandako arazoak ere aipatu ditu, bereziki "elektro-indarraren menpe lan egiten duten enpresetan". Kasu horietan ere, Jaurlaritzak beharrezkotzat jo du sistemak berrikusi eta protokoloak eguneratzea.
Halako egoerei aurre egiteko protokoloak berrikustea da orain Jaurlaritzak bere buruari jarri dion etxeko lana. Besteak beste, erregaia erosiko du —ez du zehaztu kopururik— larrialdi egoeretan erabiltzeko. "Ikusi beharko da atzo zenbat erregai erabili zen lanean izan ditugun ordezko sistemek funtzionatu ahal izateko. Garrantzitsua da erregaia izatea halako egoerei aurre egiteko". Zentzu horretan, Ubarretxenak bereziki nabarmendu du ospitaleetan eta EITBn "ia arazorik gabe" egin zutela lan, energia ordezkatzeko dituzten sistemei esker.
Halaber, bere hitzartzean, sailburuak azaldu du Hezkuntza eta Osakidetza "normaltasunez" ari direla lanean, azken horrek badaezpada "kontingentzia planari eustea" erabaki badu ere.
Atzo bizitako egoera kaotikoaren adibide, 112 larrialdietarako telefono-zerbitzuan jasotako dei kopurua jarri du Zupiriak: 3.500 dei, 12:30etik 22:00etara, ohiko egunetako kopurua halako bi.
Azkenik, sailburuak eskatu du albiste faltsuei jaramonik egin ez eta informazio ofizialetara jotzeko. Eskerrak eman dizkie langile publikoei, zerbitzuei eusteko atzo egindako ahaleginagatik.
Albiste gehiago gizartea
Adunako prostituzio-etxe bateko arduraduna atxilotu dute, sexu esplotazioa eta sexu eraso baten saiakera leporatuta
Lokaleko langileetako batek tratu umiliagarria jasan zuela eta drogak kontsumitzera behartu zutela salatu zuen, besteak beste.
Elkar argitaletxeak erabaki du Igartza bekarekin ez jarraitzea, CAFek Israelekin duen lotura dela eta
Saioa Alkaiza bertsolari eta idazleak sariari uko egin eta hamar egunera iritsi da Elkarren erabakia. “Palestinar herriaren kontra gauzatzen ari den genozidioan CAFek duen inplikazioa" salatu zuen sortzaile iruindarrak.
Donostian izandako azken sexu erasoa salatzeko bilkura egin dute hiriko udaletxe atarian
45 urteko gizon bat atxilotu dute joan den ostiralean emakume batek jasandako sexu-erasoaren egilea izatea egotzita. Emakumeak ertzain-etxean salatu zuenez, gizonak sexu-erasoa egiteaz gain, zer egiten zuen eta norekin zegoen kontrolatzen zuen, eta lagunak ikustea debekatzen zion.
Euskal Sagardoak 2025eko sagar-uzta aurkeztu du Altzon
Aurtengoa sagar urtea dela ziurtatu dute, eta azken urtean bildutako sagar kopurua bikoiztea espero dute. Iaz ez bezala, aurtengo sagar uztak itxura oso ona du.
Osakidetzak 48 urtera zabalduko du bularreko minbizia detektatzeko baheketa
Osakidetzako Protonterapia Unitate berriaren obrak bisitatu ditu Imanol Pradales lehendakariak, eta bertan egin du iragarpena.
Bilboko hilketagatik atxilotutakoak ez dira indarkeriazko taldeetako kideak, Ertzaintzako buruaren arabera
"Etxerako bidean elkar ezagutzen ez zuten bi gazte taldekoak ziren" hiru atxilotuak eta hildakoa. Dirudienez, elkarri irainka hasi ziren, eta azkenean liskarra gertatu zen. Ertzaintzaren buruak errefusatu du atxilotuek talde edo indarkeriazko taldeekin lotura dutenik.
Urolako eta Goierriko adingabeen odolean konposatu kimikoak daudela baieztatu dute
EHUren azterketa batek ondorioztatu du adin txikikoetan aurkitutako PFAS konposatu kimikoen mailek ez dutela arrisku larririk eragiten osasunerako, baina zaintza indartzeko premia ohartarazi du.
Espainiako Gobernua Gasteizko errefuxiatuen zentroaren edukiera murrizteko proposamenaren "bideragarritasuna" aztertzen ari da
Gobernuak Euskadin duen ordezkaria "bat dator" eta "ulertzen du" baliabide horretako plazak 350etik 200era murrizteko Maider Etxebarria Gasteizko alkateak egindako eskaera.
Bilbon lurreratzekoak ziren zazpi hegazkin beste aireportuetara bideratu behar izan dituzte, lainoagatik
Madriletik, Alacantetik, Basileatik, Bartzelonatik, Vienatik eta Paristik goizeko lehen orduko zetozen hegaldiak Santanderrera bideratu dituzte. Horietako bat Madrilera itzuli behar izan da, eta beste bat Zaragozara bidali dute. Loiuko aireportuan zabaldutako laino mardulagatik gertatu dira gorabeherak.
Sute batek Renfeko aldirietako tren-zirkulazioa etenarazi du Santurtzin, Peñotako geltokian
Bestalde, sutearen ondorioz, Bilbo eta Santurtzi arteko tentsio elektrikoa kaltetu da, eta horrek atzerapenak eragin ditu C1 eta C2 lineetan.