Senar-emazte batzuk atxilotu dituzte Oviedon, hiru seme lau urtez etxean itxita izateagatik
Senar-emazte batzuk atxilotu zituzten atzo Oviedon (Asturias) hiru seme —8 urteko bikiak eta 10 urteko anaia nagusia— lau urtez etxean itxita eta egoera osasungaitzean izateagatik. Abandonu eta legearen aurkako atxiloketa delituak egotzi dizkiete. Lehen ikerketen arabera, 2021etik etxetik atera gabe zeuden adin txikikoak.
Oviedo kanpoaldeko txalet batean bizi zen familia, eta, joan den apirilaren 10ean, inguruko bizilagun batek eman zuen abisua. Berehala abiatu zuen ikerketa bertako Udaltzaingoak, eta beharrezko izapideak egin ostean, atzo burutu zuten polizia operazioa: etxebizitzara sartu ziren eta hiru adin txikiko arrisku egoeran zeudela baieztatu ondoren, bi gurasoak atxilotu zituzten.
Poliziako iturrien arabera, pilatutako zabor artean bizi ziren umeak, oso egoera eskasean, eta eskolatu gabe zeuden.
Gaur eraman dituzte epailearen aurrera deklaratzera gurasoak, eta ondorengo orduotan jakinaraziko du epaileak bere erabakia. Aita alemaniarra da, eta amak bi nazionalitate ditu, estatubatuarra eta alemaniarra.
Haurrak, berriz, Asturiasko Printzerriko Eskubide Sozial eta Ongizate Sailaren esku utzi dituzte.
Albiste gehiago gizartea
Mahats zuri barietate "berezia" aurkitu dute Arellanon
'Musa' izeneko barietatea "mugarria da Nafarroako mahastizaintzarentzat", Jose Mari Aierdi Landa Garapeneko eta Ingurumeneko kontseilariak adierazi duenez.
Airearen kalitateak okerrera egin du, Saharako hautsarengatik
Saharako hautsa gaur dagoeneko oso bistakoa izan da Euskal Herri osoan eta airearen kalitatea txarra da zenbait lekutan. Bihar ere gure artean izango dugu. Ostegunetik aurrera egoerak onera egingo duela aurreikusten da.
Ordiziako plazak 100 urte bete ditu, denboraren joanari aurre eginez
Ordiziako azoka ospatzen den plazak mende bat bete du gaur, eta asteazkenero taupadaka jarraitzen du. Baina, beste azoka askok bezala, Ordiziakoak ere garai berrietara egokitzeko erronkari egin behar dio aurre, ez desagertzeko.
Andoni Aizpuru: ''Bihar beroa Euskal Herri osora zabalduko du hego haizeak''
Gaur, bero handiena Ebroko ardatzean espero da, bertan 38 ºC-ra irits baitaiteke. Kostaldean, termometroak 27 ºC-ren bueltan ibiliko dira. Gaur eta bihar, ekaitzak espero dira arratsaldean, txingorra, haizea eta euria.
Ospitalean ingresatuta dauden txakurdunek baimena dute euren maskotaren bisita jasotzeko
Gasteizko Txagorritxu eta Santiago ospitaletan programa berritzaile bat jarri dute martxan. Txakurrak dituzten gaixoek baimena izango dute erietxean bertan euren maskoten bisita izateko.
?fmt=webp-alpha&qlt=80)
Ertzaintzak eraso terrorista baten simulakroa egin du Donostiako merkataritza-gune batean
Garbera merkataritza-gunean egindako simulakroan, terrorista batek arma luze eta motz batekin tiro egin die erabiltzaileei eta bertako langileei. Operatibo honekin, Ertzaintzak horrelako "gertakari kritikoen" aurrean duen erantzuna hobetu nahi du.
Munduko lehen esplorazio-gurutzaontzia Donostia parean dago ainguratuta
"Scenic Eclipse" du izena eta tamaina handiko luxuzko gurutzaontzia da. 200 bidaiari baino gehiagorentzako lekua du, eta esperientzia paregabeak eskaintzen ditu, hala nola helikopteroz, itsaspekoan, zodiakean edo kayakean egindako esplorazioak.
'Camino a Bilbao', 2025eko Aste Nagusirako aukeratutako kartela
Mario Larrinaga Mochalesek egindako kartela aukeratu dute 2025eko Aste Nagusia iragartzeko. Sei lan finalisten artean herritarren botoen %43,77 jaso du. Egileak 3.000 euroko saria jasoko du.
Yala Nafarroa Palestinarekin elkarteak jaurtiko du 2025eko sanferminetako txupinazoa
Urtero milaka pertsona biltzen dituen jaiei hasiera ematen die txupinazoak. San Fermin jaiak uztailaren 6an hasiko dira, igandez, eta egitarau zabala izango dute.
Eguraldi eguzkitsua nagusituko da eta tenperatura maximoak igo egingo dira
Tenperaturak gora egingo du berriz, eta barrualdean 30 ºC-ra hurbilduko dira; Araba eta Nafarroa hegoaldean are gehiago igoko dira, eta kostaldean, berriz, 25-26 ºC inguruan geldituko dira.