Espainiako Kontsumo Ministerioak aplikazioetako harpidetzak automatikoki berritzea eragotziko du
Gizarte Eskubideetako, Kontsumoko eta Agenda 2030eko Espainiako Ministerioak eragotziko du kontsumitzaileek —ahaztuta, askotan— aplikazioetan dituzten harpidetzak automatikoki berritzea, eta enpresei eskatuko die aldez aurretik jakinarazteko zein den epemuga, aplikazio horietan izena emanda jarraitu ala ez erabakitzeko.
Kontsumo Ministerioak EFEri baieztatu dionez, SER irratiak aurreratu duen moduan, Pablo Bustinduyren Departamentuak amaiera eman nahi dio iraupen jakin baterako ezarritako eta mugikorraren bidez aplikazioekin sinatutako kontratuak automatikoki berritzeari, hala nola musika erreproduzitzeko edo edozein motatako eskolak jasotzeko aplikazioei.
Neurri hori martxan jartzen denetik aurrera, enpresek kontsumitzaileari jakinarazi beharko diote hamabost egun geratzen zaizkiola epea amaitzeko, eta kontratua ez berritzeko borondatea jakinarazi beharko diote.
Ekimen horren bidez, Kontsumok bermatu nahi du erabiltzaileek modu kontzientean kontsumitzen dutela, kontratu berriztagarri eta iraupen jakinekoetan.
Baina, horretarako, iturriek diotenez, beharrezkoa da bezeroen arretarako zerbitzuek kontsumitzaileei informazioa ematea harpidetzaren berritze automatikoari buruz, behar besteko aurrerapenarekin, horri buruzko erabaki kontzientea hartu ahal izateko.
Zure interesekoa izan daiteke
Gipuzkoako hainbat garajetan eta trastelekutan ustez lapurretak egin dituen gaizkile talde bat desegin dute
Batez ere, Goierri inguruan egin dituzte lapurretak. Ertzaintzak dei egin die lapurreta horien biktima izan diren herritarrei, Beasaingo komisariara joan daitezen, euren objektuak han dauden egiaztatzera.
Ia 30 graduko tenperaturarekin, uda itxura hartu du Pazko Astelehenak
Ezohiko itxura hartu du Pazko Astelehenak. Eguraldi beroak, hondartzak eta kaleak jendez gainezka utzi ditu. Hotelen betetze-maila % 80-90 ingurukoa izan da Aste Santuan.
Gasteizek lotura zuzena izango du Kanaria Handiarekin ekainaren 15etik irailaren amaiera arte
VIA sozietatearen esleipena lortu ondoren, Binter airelineak astelehen eta ostegunetan jardungo du Forondan. Ibilbide horri esker, Kanarietako artxipelagoko beste aireportuekin lotura egin ahal izango da, bai eta Portugalgo eta Afrika mendebaldeko beste aireportu batzuekin ere.
Hiru pertsona zauritu dira Berangon, lau autok elkar jo ostean
Zauritutako lagunak Gurutzetako ospitalera eraman dituzte, eta auto-ilarak sortu dira istripua gertatu den lekuan. 14:00etarako, baina, bere onera itzuli da zirkulazioa.
Gizon bat atxilotu dute Berrizen emaztea labankadaz larri zauritzeagatik
Gertatutakoa salatzeko, Berrizko Mugimendu Feministak manifestazio zaratatsua deitu du biharko, arratsaldeko 18:30ean, Udaletxe paretik abiatuta.
Aske geratu dira Gasteizen adingabe bat sastatzea leporatuta atxilotutako zazpi gazteak
Asteburuan epailearen aurretik igaro ostean, guztiak utzi dituzte libre, azken biak igandean, Segurtasun Sailak jakinarazi duenez.
Eusko Jaurlaritzak 'Ttipi Ttapa' gida aurkeztu du, oinez egitea osasun eta kohesio sozialerako tresna bihurtzeko
Osasun Sailak udalerrien eskura jarri du jarduera fisikoa eta harreman sozialak sustatzeko gida praktikoa. Ekimenak ongizate fisiko eta emozionala hobetzea eta komunitateak indartzea du helburu.
Trafiko gorabeherak gaur Bilbon, Itzulia Basque Country lasterketa dela eta
Lasterketaren lehen etapak, Bilbon hasi eta amaituko den 13,9 kilometroko erlojupekoak, trafiko etenak, aparkaleku murrizketak eta garraio publikoan aldaketak eragingo ditu.
?fmt=webp-alpha&qlt=80)
Picassoren margolan bat, 100 euroren truke: Alzheimerraren ikerketa finantzatzeko ekimena
Tête de femme (1941) Pablo Picassoren lan original honen zozketa apirilaren 14an egingo da, Parisen, eta oraindik milaka partaidetza daude saltzeko. Ekimen solidario honek mundu osoko parte-hartzaileak erakarri ditu.
Epailearen esku utzi dituzte Gasteizen adingabe bat sastatzea leporatuta atxilotutako zazpi gazteak
Ostegunean jazo zen erasoa, 18:30 aldera, bost gizonek adin txikikoa sastatu eta ibilgailu batean ihes egin zutenean. Atxilotuek 19 eta 21 urte bitartean dituzte, baina ikerketak zabalik jarraitzen du.