Sare kriminal bat desegin dute Nafarroan, internet bidez ibilgailuen salerosketan iruzurrak egiten zituena
Nafarroako Guardia Zibilak sare kriminal bat desegin du, sare sozial bateko salmenta-plataforma baten bidez ibilgailuen salerosketan iruzurrak egiten zituztelako. Guztira 36.000 euro inguru lapurtu dituzte gaizkileek. 11 iruzur argitu dira eta biktima guztiak nafarrak dira: Azkoienengoak, Azagrakoak, Cintruenigokoak, Zarrakaztelukoak, Castejongoak eta Iruñekoak. Oraingoz, hiru pertsona ikerketapean daude.
Guardia Zibilaren arabera, PREMIUM23 operazioari ekin zitzaion Azkoiengo hainbat bizilagunek jarritako salaketaren ondotik. Horiek azaldu zutenez, sare sozialen bidez eskaintzen ziren ibilgailuen salerosketan iruzurra egin zieten.
Adierazi zutenez, kaltetuek banku-transferentzia egin zuten, jasotako dokumentuak baliozkotzat jo ondoren: ibilgailua garraiatzen zuen enpresak ustez egindako faktura bat, bai eta ibilgailuaren eta ustezko jabearen dokumentazioa ere.
Egunak pasa ahala, baina, autoaren arrastorik ez zutela eta, eta saltzaileekin harremanetan jartzeko arazoak zituztela eta, kaltetuek salaketa jarri zuten Azkoiengo Guardia Zibilaren Herritarren Arretarako Bulegoetan.
Hala, eta hainbat ikerketa egin ondotik, Poliziak iruzur horrekin lotuta egon zitezkeen hiru pertsona identifikatu zituen. Ondorioztatu dute delitugileek egitura antolatua sortu zutela internet bidez iruzurrak egiteko, eta inoren identitateak erabiltzen zituztela telefono-lineak kontratatzeko, banku-kontuak irekitzeko eta sare sozialetan erregistratzeko.
Delitugileek dirua azkar ateratzen zuten Madrilgo Erkidegoko hainbat herritako kutxazain automatiko zehatzetan; izan ere, aukeratzen zituzten kutxazainek ez zituzten bideo-zaintzako kamerak.
Madrilgo Erkidegoan bizi diren hiru pertsona ikertuta amaitu da operazioa, iruzurra, dokumentuak faltsutzea, identitatea usurpatzea eta erakunde kriminaleko kide izatea egotzita.
Zure interesekoa izan daiteke
25 eta 28 urteko bi gizon atxilotu dituzte Gasteizen, bikotekideari eta bikotekide ohiari eraso egitea egotzita
Gasteizko Udaltzaingoak pasa den ostegunean eta ostiralean egin zituen atxiloketak, astearte honetan jakitera eman duenez.
Martinezek esan du garrantzi handikoa dela ohitura osasungarriak izatea, osasunari eragiten dioten faktoreen % 50 baitira
Osasun sailburuak ariketa fisikoa egitera, elikadura zaintzera eta alkohol eta kalamu kontsumoa murriztera animatu ditu herritarrak, Osasunaren Nazioarteko Eguna dela eta.
Mugikorrak alboratu eta familiaz gozatzeko gonbita, apirilaren 18an, EAEko hiriburuetan
Eusko Jaurlaritzak antolatuta, Mugikorrik Gabeko Eguna Familian izango da Donostian, Bilbon eta Gasteizen. Familia inguruan teknologiaren erabilera kontzienteagoa sustatzea du helburu egitasmoak. “Ongizate emozionala zaintzeko eta senideekin egotearen balioa berreskuratzeko keinu txiki” gisa aurkeztu du Nerea Melgosa Ongizate, Gazteria eta Erronka Demografikoko sailburuak.
Bizkaitik Nafarroara droga eramaten zuen gaizkile sare bat desegin dute: lau lagun atxilotu eta 22 kilo speed atzeman dituzte
Ortuellako etxebizitza batetik Nafarroara banatzen zen, eta droga 76 urteko gizon batek garraiatzen zuen.
Manifestazioa deitu dute arratsalderako Berrizen, asteleheneko eraso matxista larria salatzeko
48 urteko gizonezkoa emaztea hiltzen saiatu zen Berrizen, eta emakumea helikopteroz eraman zuten Gurutzetako Ospitalera. Atxilotuak polizia-etxean jarraitzen du, epailearen aurrean deklaratzeko zain. Bestalde, Berangoko Udalak deituta, elkarretaratzea egingo dute arratsaldean Amaiaren hilketa salatzeko. Apirilaren 1ean bikotekideak hil omen zuen, Basaurin, baina berangoztarra zen.
Gipuzkoako hainbat garajetan eta trastelekutan ustez lapurretak egin dituen gaizkile talde bat desegin dute
Batez ere, Goierri inguruan egin dituzte lapurretak. Ertzaintzak dei egin die lapurreta horien biktima izan diren herritarrei, Beasaingo komisariara joan daitezen, euren objektuak han dauden egiaztatzera.
Ia 30 graduko tenperaturarekin, uda itxura hartu du Pazko astelehenak
Ezohiko itxura hartu du Pazko astelehenak. Eguraldi beroak hondartzak eta kaleak jendez gainezka utzi ditu. Hotelen betetze-maila % 80-90 ingurukoa izan da Aste Santuan.
Gasteizek lotura zuzena izango du Kanaria Handiarekin ekainaren 15etik irailaren amaiera arte
VIA sozietatearen esleipena lortu ondoren, Binter airelineak astelehen eta ostegunetan jardungo du Forondan. Ibilbide horri esker, Kanarietako artxipelagoko beste aireportuekin lotura egin ahal izango da, bai eta Portugalgo eta Afrika mendebaldeko beste aireportu batzuekin ere.
Hiru pertsona zauritu dira Berangon, lau autok elkar jo ostean
Zauritutako lagunak Gurutzetako ospitalera eraman dituzte, eta auto-ilarak sortu dira istripua gertatu den lekuan. 14:00etarako, baina, bere onera itzuli da zirkulazioa.
Gizon bat atxilotu dute, Berrizen, emaztea labankadaz larri zauritzeagatik
Gertatutakoa salatzeko, Berrizko Mugimendu Feministak manifestazio zaratatsua deitu du biharko, arratsaldeko 18:30ean, Udaletxe paretik abiatuta.