Indarkeria matxista
Gorde
Kendu nire zerrendatik

Raul Asencio Real Madrileko futbolaria auzipetu dute, adingabe baten bideo sexualak partekatzea egotzita

Klubeko harrobiaren talde batzuetako hiru kide ohi ere auzipetu ditu epaileak.
Raul Asencio, ezkerretik hasita zuriz jantzita dagoen lehena. EFE

San Bartolome de Tirajana herriko (Kanaria Handia) 3. instrukzio epaileak Raul Asencio Real Madrileko futbolaria eta klub horretako harrobiaren talde batzuetako hiru jokalari auzipetu ditu, bi emakumeren bideo sexualak partekatzea egotzita. Biktima horietako bat adingabea da.

Asencio ez ezik, Andres Garcia, Ferran Ruiz eta Juan Rodriguez jokalariak ere auzipetu dituzte.

Kanarietako Justizia Auzitegi Nagusiak azaldu duenez, instrukzio epaileak amaitu egin du ikerketa. Orain, Fiskaltzak eta akusazioek karguak aurkeztu, eta epaiketa hastea eskatu ahalko dute.

Instrukzio epaileak hainbat delitu zantzu atzeman ditu, hala nola sekretuak azaleratzea, intimitatea urratzea, kaltedunen baimenik gabe haien bideoak beste pertsona batzuei igortzea, adingabeak helburu sexualetarako erabiltzea eta haur pornografiadun materiala edukitzea.

Albiste gehiago gizartea

18:00 - 20:00
ZUZENEAN
Duela  min.

Euskararen aurkako azken epaia salatzeko elkarretaratzeak deitu ditu UEMAk larunbat honetan, udaletxeen aurrean

Euskarak "justizia" behar duela nabarmendu du Martin Aramendi Udalerri Euskaldunen Mankomunitateko (UEMA) lehendakaria, eta Auzitegi Gorenetik heldu dena, "ez da justizia, euskara bigarren mailara kondenatzen duen epaia baizik". "Horregatik, aukera guztiak aztertu, eta prest gaude EAEko udal legea dagokion lekuan defendatzeko, baita Europako auzitegietan ere, zerbitzu juridikoek horretarako aukera ikusiz gero", gaineratu du. Halaber, gogoratu du EAEko udal legea "mugarri" izan zela udalerri euskaldunentzat, "elebitasun simetrikoa gainditzeko eta euskara lehenesteko aukera eman zuelako". 

18:00 - 20:00
ZUZENEAN
Duela  min.

"Torre Pachecoko migratzaileek ultraeskuinak egoera astindu aurretik zegoen bizikidetza itzultzea besterik ez dute nahi"

Asier Sanchez ETBk Torre Pachecon duen berriemaileak nabarmendu du, bertako meloi zelai batetik, poliziaren presentzia izugarria dela herrian, batez ere San Antonio auzoan. Bertan biltzen da magrebtar biztanleria.  Ultraeskuindarrek beste elkarretaratze bat deitu dute gaurko, 20:00etan, baina ez dute horretarako baimenik. Torre Pachecoko bizilagunek atzoko egoera errepikatzea espero dute.

18:00 - 20:00
ZUZENEAN
Duela  min.

"Kezkatuta eta beldur handiarekin gaude. Nire semeak ez du etxetik irten nahi"

Joan den ostiralean 16 urteko gazte bat jipoitu zuten Torre Pachecon. Duela 23 urte Murtziako herria honetan bizi den emakume ondarroar baten eta marokoar baten semea da gaztea. Domingoren aurkako erasoa salatzeko manifestazio baketsu batera joan zen lagunekin, baina, sareetako bulo baten ondorioz, Domingoren erasotzailearekin nahastu zuten, eta pertsona talde batek lintxatu egin zuen. Amak herrian eta familian bizitzen ari diren amesgaiztoa kontatu digu.

Gehiago kargatu