EAEko Auzitegi Nagusiak berretsi egin du Santi Coca hil eta ihes egiteagatik zigortutako gizasemearen kondena
Euskal Autonomia Erkidegoko Auzitegi Nagusiak berretsi egin du Santi Coca adingabe donostiarra hiltzeagati epaitu aurretik Frantzian ihes eginda egon zen gazteari Gipuzkoako Auzitegiak ezarritako hiru urte eta erdiko zigorra.
Hala, auzitegiak atzera bota du Fiskaltzak jarritako errekurtsoa, eta Auzitegiaren epaia berretsi du.
Ohar baten bidez gogoratu duenez, azaroaren 19an herri-epaimahai batek erruduntzat jo zuen, Santi Coca 17 urteko gaztea hiltzea eta zuhurtziagabekeria larriko giza hilketa delitua egotzita. Coca 2019ko apirilaren 26an hil zen, ospitalean, Donostiako diskoteka baten kanpoaldean jipoia jaso eta bi egunera.
Epaimahaiak, halaber, Alejandro Palacio abokatuak defendatutako auzipetua Santi Cocaren anaiaren aurkako lesio-delitu arin baten errudun jo zuen. Delitu horren ondorioz, aipatutako espetxe-zigorraz gain, 420 euroko isuna ordaintzera kondenatu zuten, baita hildakoaren gertukoei konpentsazio ekonomikoak ematera ere.
EAEko Justizia Auzitegi Nagusian aurkeztutako errekurtsoan, Fiskaltzak, besteak beste, inkongruentzia argudiatu zuen epaiaren arrazoibideetan eta emandako epaian, bere ustez ez zelako "arrazoizkoa pentsatzea akusatuaren jokabidea zuhurtziagabekeriazkoa eta ez dolozkoa zela".
Hala ere, auzitegiak gogorarazi du herri-epaimahaiak "argi eta garbi" baztertu zuela akusatuak egindakoak adingabearen bizitzarako arrisku handirik ekar zezakeenik, eta, beraz, ezin zela aitortu gertatutakoa dolozko giza hilketa izan zenik.
"Epaimahaiak akusatuak adingabearen bizitzarako arrisku garrantzitsurik sortzeko asmorik ez zuela adierazi zuenean, ez zen modu arbitrarioan arrazoitzen ari; akusazioaren hipotesiko egiaztatutako alderdiak hautatu zituen, eta, aldi berean, zuzeneko eta zeharkako frogen inkriminazio-balio eskasa aldarrikatu zuen, dolozko egiletza eraikitzeko", zehaztu du EAEko Justizia Auzitegi Nagusiak.
Hala ere, epaia ez da irmoa eta errekurtsoa aurkez daiteke Auzitegi Gorenean.
EAEko Justizia Auzitegi Nagusiak orain kondena berretsi dion gaztea gertakari horrengatik zigortutako bigarrena da; izan ere, 2024ko urtarrilean, gertakarietan parte hartu zuen beste gizon bati hiru urte eta erdiko zigorra ezarri zioten zuhurtziagabekeriazko giza hilketa delitu baten egile gisa.
Auzi hartan bertan, karguak kendu zizkioten auzipetu bati, eta epaimahaiak hiru gazte absolbitu egin zituen.
Zure interesekoa izan daiteke
Gizon bat atxilotu dute Sarrigurenen, emaztea hiltzea eta ama larri zauritzea egotzita
Gertakariak Eguesibarrean (Nafarroa) jazo dira, arratsaldeko 19:30ak aldera.
Gaizki aparkatzeagatik jarritako isunak egiazkoak direla ziurtatu du Hendaiako Herriko Etxeak
Bidasoa eskualdeko hainbat bizilaguni isunak kobratzeko posta bidez bidalitako gutunak iruzurra zirela zabaldu zuen ostegunean Eusko Jaurlaritzako Segurtasun Sailak.
11 urteko zigorra ezarri diote gizon bati Bizkaian, bikotekide ohiaren etxera baimen gabe sartu eta hura bortxatzeagatik
Bikotekideak izan ziren sei urtez, nahiz eta ez ziren elkarrekin bizi. 2021eko azaroan neskak amaitutzat eman zuen harremana. Gizonak, ordea, kontaktuan jarraitzeko eskatu zion, eta 2021eko azaroaren 22ko goizean emakumearen etxera sartu zen, haren baimenik gabe, eta bortxatu egin zuen.
Baskoniak ehunka zaleren babesa jasoko du Valentzian
Baskoniaren mila jarraitzaile inguru joan dira Valentziara 2026ko Errege Kopa dela eta. Eguraldia lagun, giroa ezin hobea da Baskoniako zaleen bilgunea den "Araba Etxean".
65 urtetik gorako pertsonen artean alkohol eta psikofarmakoen kontsumo handiaz ohartarazi du Eusko Jaurlaritzak
Osasun Publikoaren eta Adikzioen Zuzendaritzak egindako txosten batek agerian jarri duenez, EAEko gizonen ia % 40k egunero kontsumitzen dute alkohola, eta emakumeen artean gora egin du lo-eragileen eta lasaigarrien erabilerak.
8 urteko kartzela-zigorra Legorretan kontrako norabidean zihoala hiru pertsonaren heriotza eragin zuen gidariarentzat
Akusazioek eta defentsak akordioa adostu dute, eta akusatuak erruduna dela onartu du. Hori dela eta, ez da beharrezkoa epaiketarekin jarraitzea. Ostiral honetan Gipuzkoako Auzitegian egindako saioan, auzipetuak barkamena eskatu die biktimen sendiei, malko artean.
Bost pertsona atxilotu dituzte Iruñean, emakume etorkinak prostituitzera behartzeagatik
Emakumeak haien jatorrizko herrialdeetan erakartzen zituzten, “lan-kontratu erakargarriak” eskainiz; Nafarroara iritsitakoan, baina, mehatxatu egiten zieten eta prostituitzera behartzen zituzten.
Gizon batek 10 urteko semea hil du eta emaztea larri zauritu du bart Tenerifen
Guardia Zibilak tiroz hil du ustezko hiltzailea, agenteei matxete batekin mehatxatu ostean.
Aturri ibaiak gainezka egin du Baionan
Aturri ibaiak gainezka egin du ostegun honetan Baionan. Azken egunetan pilatu den euriak eta itsasgorak bat egin dutenean, goizeko zein arratsaldeko seiak bueltan, ibaia bere bidetik irten da. Goizean urak eragin dituen eragozpenak ikusita, arratsalderako Baionako Herriko Etxeak zentzuz jokatzeko eta ibai ingurura ez hurbiltzeko deia egin badu ere, azkenean ez da eragozpen nabarmenik egon.
Zabaldu dute Zumaia eta Getaria arteko errepidea, olatu handiengatik itxita egon ostean
Itsasgora izan den unean egon da itxita, Pedro denboraleak eragin dituen olatu handiengatik. Ostiral goizeko itsasgoraren garaian ere, 05:00etatik 07:00etara, 4 metro inguruko olatuek joko dutela itsas-bazterra espero da.