Herri-epaimahaiak Nelson David Moreno errudun jo du hilketagatik, iruzurragatik eta lapurretagatik
Herri-epaimahaiak Nelson David Moreno errudun jo du hilketagatik, iruzurragatik eta lapurretagatik, Euskadi Irratiak jakin duenez. Konkretuki, epaimahaiak 2021eko urrian Bilbon gizonezko bat hiltzeagatik erruduntzat jo du. Beste lau krimen egotzi dizkiote, zita-aplikazioen bidez ezagutzen zituen gizonezko homosexualen hilketa, hain zuzen ere.
Bizkaiko Auzitegiko seigarren sekzioan egin da egunotan Bilbon bost gizonezkoren hilketarekin lotzen duten gizasemearen aurkako lehen epaiketa.
Zazpi gizonek eta bi emakumek osatutako epaimahaiak errudun jo du indarkeria erabiliz egindako hilketa eta lapurretagatik, aldeko zazpi botorekin eta kontrako birekin, eta iruzurragatik eta inoren egoera zibila usurpatzeagatik, aho batez. Aho batez ere indultu eskaeraren aurka agertu dira.
Fiskaltzak 34 urte eta erdiko espetxe-zigorra ezartzea eskatu du (25 hilketagatik, bost indarkeriaz lapurtzeagatik, hiru iruzurragatik eta bat eta erdi inoren egoera usurpatzeagatik).
Bestalde, herri-akusazioak eta akusazio partikularrak, Gehitu elkarteak, gehienez 39 urteko espetxe-zigorra eskatu du, baita kartzelatik ateratzen denean biktimaren senideen herri berean hamar urtez bizitzeko debekua eta familiari 150.000 euroko kalte-ordaina ematea ere.
Egozten zaizkion bost heriotzez gain, ikertzaileek uste dute egun horietan gertatutako bi hilketa saiakeraren egilea —hilean bi aldiz egiten zituen erasoak— , eta biktimek profil bera dutela: gizon homosexualak, 43 eta 73 urte artekoak eta bakarrik bizi zirenak.
Kasu guztietan, gorpuak antzeko jarreretan agertu ziren, etxeko atea bortxatuta zegoen, eta biktimak elkarrengandik gertu bizi eta jendea ezagutzeko aplikazioak erabiltzen zituzten. "Sexu-orientazioa funtsezko ezaugarria zen; merkatu-nitxo bat zen", ertzain ikertzaileek adierazi zutenez.
Biktima guztien banku-kontuetan mugimenduak egin zituzten hil ondoren, eta, zenbait kasutan, ustezko erasotzailearen telefono-zenbakia zuten memorian.
Nelson David Moreno, Zaballako espetxean dago aurretik egindako delitu bategatiko zigorra betetzen.
Zure interesekoa izan daiteke
10 urteko haur bat larri zauritu da Burlatako etxebizitza batean izandako sutean
Sua hartu duen eraikineko hirugarren solairutik erori da eta ospitalera eraman dute, kolpe ugarirekin.
Anboto mendian 30 metroko altueratik erori ostean erreskatatutako 18 urteko emakume bat hil da
Istripua atzo, asteazkena, gertatu zen. Bi lekukok eman zuten abisua, gailurraren iparraldean biktima bihotz-arnasketako geldialdian zegoen bitartean haren ondoan laguntza eske oihuka ari zen mutil bat prismatikoekin ikusi ostean. Gaur hil da gaztea, Gurutzetako ospitalean.
Berehalako trafiko-kontrolak ezarri dituzte Oiartzunen eta Irunen, hirigunean zirkulazio-arazoak saihesteko
Ertzaintzak Oiartzungo landa-bideetako sarbideak zainduko ditu bereziki, mugan harrapatutako ibilgailuek ordezko bideak erabil ez ditzaten. Irunen, Udaltzaingoak iragazkiak ezarriko ditu, igarobideko trafikoak hirigunea kolapsatu ez dezan. Ostegun honetan, 10 kilometrorainoko auto-ilarak sortu dira Biriatun, Baionarako noranzkoan.
Urzainkiko suteak aktibo jarraitzen du, eta garrak perimetratzea da orain lehentasuna
Iñaki Elias Nafarroako suhiltzaileen buruak esan duenez, ez dago arriskurik herritarrentzat, baina eremu oso malkartsua izateak asko zailtzen ditu sua itzaltzeko lanak. Azken orduetan 4x4 ibilgailuentzako eta mangerentzako bideak irekitzea lortu dute, eta, horri esker, errazago heldu ahal izango diote suari, lurrez; airez, zortzi helikoptero ari dira lanean.
Enpresen iruzurrerako sare bat desegin dute Bilbon eta Castron
Guardia Zibilak bost pertsona atxilotu ditu talde kriminaleko kide izatea, iruzur egitea, dirua zuritzea, dokumentuak faltsutzea eta egoera zibila usurpatzea egotzita.
Izarrako igerilekua gaur itxi dute, ur eskasia dela eta
Urkabustaizko Udalak (Araba) udal igerilekuen denboraldia ohi baino lehenago ixtea erabaki du, ur kontsumo handia eta akuiferoen agortzea tarteko.
1.200 pertsona migrantetik gora lekualdatu dituzte Ceutako El Trampolin hondartzatik harrera-gune berrietara
Goizean ekin diote pertsona migratzaileak lekualdatzeko lehen faseari, uztail amaieran Ceutan izandako oldearen ondotik hondartza hustu asmoz. Lekualdatzea oinez eta taldeka egin da, inolako isitilurik gabe. Lekualdatutako ia erdiak hondartzara itzuli dira; gehienak, beren gauzak berreskuratzera, baina batzuk berriro han lo egiteko asmoz bueltatu dira.
Behi bat erreskatatu dute sasi artean, Faltzesko bosgarren entzierroan lubetatik erori ostean
Behia mugitu ezinik egon da hainbat minutuz, sasiz eta sastrakaz estalitako eremu batean harrapatuta. Azkenean, animalia bere kabuz irteten saiatu da, baina ez du askatzea lortu. Egoera horren aurrean, erreskate bat jarri da martxan, auzolanean sokak jarrita, zezena harrapatuta geratu den eremutik ateratzeko.
Rigloseko sutea egonkortu dute 14.500 hektarea kiskali ostean
Goizean Centenero, Ena eta Botayan herrietako bizilagunak beren etxeetara itzuli dira, atzo beste 13 herritako 583 bizilagunek egin bezala.
Melanomaren aurkako lehen txertoak 3. fasea gainditu du eskala handiko saiakuntza kliniko batean
Moderna eta Merck farmazia-enpresek RNA mezularia daraman txerto pertsonalizatu horrek immunoterapia-tratamenduarekin batera emanda izan duen arrakastaren berri eman dute. Burtsetan gorakada nabarmena izan dute bi enpresen akzioek.