Txingor eta haize ekaitz bortitzak Arabako Lautada eta Gasteiz hiriburua astindu ditu
Ekaitz gogor batek Arabako Lautada eta Gasteiz hiriburua astindu ditu gaur arratsaldean, azken orduetako bero handiaren ondotik.
Gasteizko suhiltzaileek 25 irteera egin behar izan dituzte, batez ere ur-putzu handiak sortu eta ura lokal eta lonjetan sartu baita, hustubideek ezin zutelako euri guztia jaso.
Bestalde, trafiko arazo nagusiak Juan Garai kaleko tuneletan eta Antoniareneko biribilgunean eman dira, putzuengatik.
Zuhaitzak eta adarrak erori dira
Zuhaitz bat erori da Zadorra hiribidean, ibilgailu baten gainera, eta ez da inor zauritu, baina zirkulazioa eten behar izan dute.
Beste bi zuhaitz erori dira, bata San Antonio kalean, unibertsitateen parean, eta bestea Betoñuko atean. Bi kasuetan zirkulazioa eten behar izan dute. Gainera, urak edukiontzi ugari mugitu ditu.
Abisuak
Eusko Jaurlaritzako Segurtasun Sailak abisu horia aktibatu du prezipitazio handiengatik 15:00etatik 21:00etara. Euskalmeten arabera, baliteke metro koadroko 15 litro pilatzea ordubetean.
Aemetek Nafarroa osoa abisupean jarri du ekaitzengatik, 14:00etatik aurrera.
Halaber, Meteofrancek abisu horia ezarri du Pirinio Atlantikoetan ekaitzengatik, 18:00etatik aurrera.
Larunbatean, maiatzaren 31n, tenperaturak zertxobait jaitsiko dira. Isurialde atlantikoan, behe-hodei ugari izango dira, baina zerua zertxobait irekiko da eguerdi eta arratsalde partean. Araba eta Nafarroa hegoaldean, eguzkia nagusituko da.
Arratsaldean, zaparrada trumoitsuak bota ditzake, batez ere barnealdean. Tenperatura maximoak 23-24 ºC ingurukoak izango dira kostaldean, eta 30 ºC inguruan jarraituko dute barnealdean, ipar eta ipar-mendebaldeko haizearekin.
Igandea motela eta hezea izango da. Zerua lainotuta egongo da eta euria egingo du tarteka; gainera, baliteke zaparrada trumoitsuak izatea arratsaldetik aurrera.
Tenperatura maximoek behera egingo dute, eta beherakada hori nabarmenagoa izango da barnealdean. Halaber, haizeak iparraldetik joko du.
Albiste gehiago gizartea
Alerta laranja Araba eta Nafarroa hegoaldean, arratsalderako iragarrita dauden prezipitazio handiengatik
Tenperatura maximoak 27 eta 35 graduren artean kokatuko dira, tokiaren arabera. Arratsaldetik aurrera baliteke ekaitzak jo eta zaparrada trumoitsuak botatzea. Hori dela eta, alerta laranja ezarriko dute Araba eta Nafarroa hegoaldean.
Nafarroako Unibertsitatea eta EHU, munduko 600 unibertsitate onenen artean
Massachusettseko Institutu Teknologikoak (MIT) lehen postuari eusten dio, hamalau urtez; ostean, Londresko Imperial College eta Stanfordeko Unibertsitatea daude.
Arartekoak Osakidetzan inbertsioa areagotzearen garrantzia azpimarratu du, herritarren kexak ikusita
Ines Ibañez de Maeztuk adierazi du Osasun Itunaren ostean hartuko diren neurrien esperoan dagoela, egoera hobetuko duten itxaropenarekin. "Etxebizitza eskubidea bete egiten dela bermatuko duten politika publikoen aldeko apustu irmoa" ere eskatu du.
Scientia School enpresak Pryconsa konpainiari saldu dio Amara auzoko Karmelo ikastetxea hartzen zuen eraikina
Scientia Schoolek azaldu duenez, 2019an erosi zuen ikastetxea, baina "matrikulen kopuruak behera egin zuen etengabe". "Egoera horrek itxiera ekarri zuen", gogorarazi du.
Osakidetzak ordutegiak murriztu eta osasun-zentro batzuk itxiko ditu udan
Aldaketa horiek zentroen % 37ri eragingo diete. ELA eta CCOO sindikatuek udako plangintza kritikatu dute. Osakidetzaren egiturazko arazoek “bere horretan jarraitzen dutela” ziurtatu dute eta “benetako konponbideei heltzeko" negoziazio prozesua hastea eskatu dute.
Red Electricak zentralei egotzi die apirileko itzalaldiaren ardura: "Sorgailuek beren konpromisoak bete izan balituzte, ez zen itzalaldirik gertatuko"
Red Electricak, sistemaren operadoreak, erantzukizuna ez du bere gain hartu eta zentral sortzaileen aurka egin du, ez zituztelako bete kolapsoa saihesteko protokolo teknikoak. Gobernuak, bere aldetik, akats ugari egin zituela onartu egin du. Hala ere, operadorearen plangintza zalantzan jartzen du.
Euskadin ematen diren 10 gorroto-delitutik sei arrazistak edo xenofoboak dira
2024ko Gorroto Istiluen azken Txostenak egiaztatzen du kasuen kopuruak behera egin duela oro har, baina baieztatzen du arrazakeriak eta xenofobiak eragindako erasoak oraindik ere argi eta garbi nagusitzen direla gorrotoaren mapan Euskadin.
Andre Maria Zuriaren jaiek badute kartela
2025eko Andre Maria Zuriaren Jaiak Arabako hiriburuan ospatuko dira, abuztuaren 4tik 9ra.
Abisu horia ezarri dute Euskadin ostiralera arte, tenperaturak 35 gradura iritsiko baitira
Tenperaturak oso altuak izango dira, 27 eta 35 gradu artekoak, gunearen arabera.
Bilbo eta Arrigorriaga arteko RENFEren zerbitzua berrezarri dute, Alvia batek matxura izan ostean
Ezbeharra 07:20 aldera jazo da, Bilbotik ateratzen ari zen Alvia bat Ollarganen geldirik geratu denean, eta ezin izan du zirkulatzen jarraitu.