Abisu horia gaur ere ekaitzengatik: 15 litro bota ditzake ordubetean
Eusko Jaurlaritzaren Segurtasun Sailak, Aemetek Nafarroan egin duen bezalaxe, abisu horia ezarriko du 18:00etatik aurrera euriteengatik, 15 litro bota baititzake metro koadroko ordubetean, eta txingorra eta haize-ufada gogorrak ere espero baitira.
Arratsaldean, euri-jasa mardulak izango dira, ekaiztsuak, eta ekialdean botako du gehien. Txingorra 2-3 zentimetrokoa izan daiteke, 50-70 km/h haize-boladekin batera.
Aurreko egunetan ere izan dira abisu horiak ekaitzengatik. Atzo Altzolan (Gipuzkoa) 23,6 litro bota zituen metro koadroko ordubetean, 19,4 litro 10 minutuan.
Haizeari dagokionez, Moredan atzeman zuten haize-ufada gogorrena, orduko 87 kilometrokoa, Euskalmeten datuen arabera.
Abisuak indarrean jarraituko du asteleheneko 18:00ak arte, baina bihar egoerak hobera egingo du. Euri-jasak espero dira, baina ez txingorrik ez haize gogorrik.
Astea eguraldi fresko eta euritsuarekin hasiko dugu. Astelehenean, zerua estalita egongo da ordu askotan. Euria egingo du egunean zehar, eta une batzuetan zaparrada trumoitsuak bota ditzake, batez ere ekialdean; egunaren amaieran, euri gutxiago egingo du. Tenperaturak jaisten jarraituko du, nabarmenago Nafarroan, eta orokorrean maximoak 20 ºC-ren azpitik geratuko dira.
Asteartean ere, giro umel eta freskoarekin jarraituko dugu. Isurialde atlantikoan oso hodeitsu egongo da eta euri txikia egingo du. Hegoaldean, arratsaldera arte seguraski, ateri eutsiko dio, baina zaparrada trumoitsuak bota ditzake gero. Egunaren amaieran, atertzera egingo du. Iparraldeko haizea ibiliko da eta tenperatura nahiko freskoak izango ditugu urte sasoi honetarako.
Asteazkenean, ez da aldaketarik espero, baina bai ostegunean, tenperaturak igoko baitira, ostiral eguzkitsuaren atarian.
Kontsulta ezazu eguraldiaren iragarpena, eta bidali zure argazkiak eta bideoak.
Zure interesekoa izan daiteke
Gipuzkoako hainbat garajetan eta trastelekutan ustez lapurretak egin dituen gaizkile talde bat desegin dute
Batez ere, Goierri inguruan egin dituzte lapurretak. Ertzaintzak dei egin die lapurreta horien biktima izan diren herritarrei, Beasaingo komisariara joan daitezen, euren objektuak han dauden egiaztatzera.
Ia 30 graduko tenperaturarekin, uda itxura hartu du Pazko Astelehenak
Ezohiko itxura hartu du Pazko Astelehenak. Eguraldi beroak, hondartzak eta kaleak jendez gainezka utzi ditu. Hotelen betetze-maila % 80-90 ingurukoa izan da Aste Santuan.
Gasteizek lotura zuzena izango du Kanaria Handiarekin ekainaren 15etik irailaren amaiera arte
VIA sozietatearen esleipena lortu ondoren, Binter airelineak astelehen eta ostegunetan jardungo du Forondan. Ibilbide horri esker, Kanarietako artxipelagoko beste aireportuekin lotura egin ahal izango da, bai eta Portugalgo eta Afrika mendebaldeko beste aireportu batzuekin ere.
Hiru pertsona zauritu dira Berangon, lau autok elkar jo ostean
Zauritutako lagunak Gurutzetako ospitalera eraman dituzte, eta auto-ilarak sortu dira istripua gertatu den lekuan. 14:00etarako, baina, bere onera itzuli da zirkulazioa.
Gizon bat atxilotu dute Berrizen emaztea labankadaz larri zauritzeagatik
Gertatutakoa salatzeko, Berrizko Mugimendu Feministak manifestazio zaratatsua deitu du biharko, arratsaldeko 18:30ean, Udaletxe paretik abiatuta.
Aske geratu dira Gasteizen adingabe bat sastatzea leporatuta atxilotutako zazpi gazteak
Asteburuan epailearen aurretik igaro ostean, guztiak utzi dituzte libre, azken biak igandean, Segurtasun Sailak jakinarazi duenez.
Eusko Jaurlaritzak 'Ttipi Ttapa' gida aurkeztu du, oinez egitea osasun eta kohesio sozialerako tresna bihurtzeko
Osasun Sailak udalerrien eskura jarri du jarduera fisikoa eta harreman sozialak sustatzeko gida praktikoa. Ekimenak ongizate fisiko eta emozionala hobetzea eta komunitateak indartzea du helburu.
Trafiko gorabeherak gaur Bilbon, Itzulia Basque Country lasterketa dela eta
Lasterketaren lehen etapak, Bilbon hasi eta amaituko den 13,9 kilometroko erlojupekoak, trafiko etenak, aparkaleku murrizketak eta garraio publikoan aldaketak eragingo ditu.
?fmt=webp-alpha&qlt=80)
Picassoren margolan bat, 100 euroren truke: Alzheimerraren ikerketa finantzatzeko ekimena
Tête de femme (1941) Pablo Picassoren lan original honen zozketa apirilaren 14an egingo da, Parisen, eta oraindik milaka partaidetza daude saltzeko. Ekimen solidario honek mundu osoko parte-hartzaileak erakarri ditu.
Epailearen esku utzi dituzte Gasteizen adingabe bat sastatzea leporatuta atxilotutako zazpi gazteak
Ostegunean jazo zen erasoa, 18:30 aldera, bost gizonek adin txikikoa sastatu eta ibilgailu batean ihes egin zutenean. Atxilotuek 19 eta 21 urte bitartean dituzte, baina ikerketak zabalik jarraitzen du.