Eguraldi eguzkitsua nagusituko da eta tenperatura maximoak igo egingo dira
Tenperaturak gora egingo du berriz, eta barrualdean 30 ºC-ra hurbilduko dira; Araba eta Nafarroa hegoaldean are gehiago igoko dira, eta kostaldean, berriz, 25-26 ºC inguruan geldituko dira.
Uda giroko eguraldia izango dugu datozen egunetan, baina ostegunetik aurrera baliteke ekaitzak jotzea eta trumoi-zaparradak izatea, Euskalmeten iragarpenaren arabera.
Gaur tenperaturak gora egingo du berriz, eta barrualdean 30 ºC-ra hurbilduko da; kostaldean, berriz, 25-26 ºC inguruan geldituko dira. Ez da guztiz oskarbi egongo, baina goi-hodei batzuk baino ez dira agertuko, eta eguzkia izango da eguneko protagonista. Arratsaldetik aurrera, ipar-ekialdeko haizea nabarituko da.
Asteazkenean berriz ere giro eguzkitsua nagusituko da eta bero handiagoa egingo du. Oro har, zerua ia garbi egongo da, arratsaldean goi-hodei batzuk agertuko badira ere. Tenperaturak zertxobait igoko dira: kostaldean 27-29 ºC inguruan geldituko dira eta barrualdean 30 gradutik gora kokatuko dira. Haize ahula eta aldakorra ibiliko da, eta arratsaldean ipar-ekialdekoa izango da kostaldean.
Ostegunean beroak ez du alde egingo, baina ekaitzak jotzeko probabilitatea handitu egingo da. Egun ia osoan giroa eguzkitsua izango da eta tenperatura maximoak antzekoak izango dira. Eguerditik aurrera, ordea, brisa sartuko da. Arratsalde erdialdetik aurrera bero-hodeiak agertuko dira eta ez da baztertzen trumoi-zaparradaren bat egitea.
Ostiralean ere antzeko eguraldia izango da: goizean brumak eta zeru garbia, eta arratsalde-gauean hodeiak ugarituko dira, eta baliteke ekaitz-zaparrada batzuk izatea.
Zure interesekoa izan daiteke
Olatu zuri gorriak Iruñea hartu du
Txupinazoarekin, lehertu da festa Iruñean eta ez du atsedenik hartuko datorren uztailaren 14ra arte. Urteroko ohiturei, gaur beste protagonista bat batu zaie: beroa. Festazaleek 40 graduko tenperaturekin abiatu dituzte 2026ko sanferminak.
?fmt=png-alpha&qlt=80)
Antzuola eta Urretxu artean piztutako baso-sutea kontrolpean dago
Gipuzkoako hiru parketako suhiltzaileak aritu dira Antzuolan 13:45ak aldera deklaratutako sutea itzaltzen. Sugarrak ordu batzuk geroago kontrolatu dituzte.
Kontrolatu dute Imarkoainen piztutako sutea
Lizarra, Azkoien eta Tafallako suhiltzaile etxeetako brigadek 15:30ak aldera lortu dute sutea kontrolpeak hartzea. Guztira 80 hektarea baino gehiago erre dira baso eta, batez ere, laborantza artean.
ELAk arreta euskaraz bermatzeko eskatu dio Osakidetzari
Oraindik hizkuntza ez dakiten langileak euskalduntzeko plana aldarrikatu du sindikatuak Osakidetzaren Gasteizko egoitzan.
Lesakako sanferminak hasi dira
Txupinaren jaurtiketak eman die hasiera Lesakako San Fermin jaiei astelehen honetan, 12:00etan. Jai-egitarauak 50 kultura-, kirol- eta jolas-jarduera baino gehiago biltzen ditu, datozen 6 eguneton burutuko direnak. Gaita jotzaileen, musika-banden eta txarangen ohiko soinuek herriko kaleak alaituko dituzte uztailaren 11ra arte, larunbata.
Arrautza frijituak, txistorra eta zapi gorria: Hasi da festa Iruñean
Urtero bezala, ohiko hamaiketakoak izaten dira uztailaren 6ko goizean, festei hasiera emateko zain. Mokadu sendoak beti ere, hau izango baita seguraski, eguneko otordu bakarra.
40 ikasleri ez diete, kautelaz, USaPen Euskarako nota zenbatuko
Auzitegiek arrazoia ematen ez badiete kasuaren funtsari buruz, nota horiek kontuan hartuko dira azkenean.
Asiron eta Chivite: "Jendeak asko goza dezala, baina errespetuz"
Joseba Asiron Iruñeko alkateak eta Maria Chivite Nafarroako presidenteak 2026ko sanferminetara hurbiltzeko deia egin diete herritarrei, jaiez eta hiriaz gozatzeko, baina "beti errespetuz".
Txistulari eta Gaiteroen Bandak dantzan jarri du Iruñeko Udaletxe plaza
Gaur eguerdian Iruñeko Udaletxeko plaza bete duten milaka pertsonek Txistulari eta Gaitarien Bandaren doinuekin dantzan egin ahal izan dute.
3I/ATLAS izarrarteko kometa "Eguzkia baino askoz zaharragoa" dela ondorioztatu du astronomo talde batek
Aztarna kimiko espezifikoak neurtuz iritsi dira ondorio horretara, eta segur aski Eguzki sistematik kanpo sortu zela ere uste dute. Izarrarteko kometak eguzki sistemaren kanpoan sortu eta noizean behin eguzki sisteman sartzen diren izoztutako objektuak dira.