Ehgamek Bilbao Bizkaia Harro ekimena boikotatzeko deia egin du
EAJk Harrotasunaren Nazioarteko Eguna “bereganatu eta turistifikatu" nahi duela salatu du, eta Bizkaiko E28 Koordinadorak ekainaren 28rako deitutako manifestazio “herrikoi eta aldarrikatzailera” joateko deia egin du.
Ehgam Bilbo+ taldeak Bilbao Bizkaia Harro egitasmoari boikota egiteko eta horren barruan antolatutako ekintzetan ez parte hartzeko deia egin du. Horren arabera ,EAJk “turismo gay zuri aberatsa Bilbora erakartzeko hiri-negozio gisa” antolatutako egitasmoa da, eta, horren bidez, “E28ko manifa eta ondorengo ohiko ospakizunak erabat boikoteatu eta eragotzi nahi ditu” Bilboko Udalak. Horrenbestez, manifestazio horretan parte hartzeko deia egin dute.
Hedabideetara zabaldu duten manifestuan Ehgamek salatu duenez, Udalak “hainbat saiakera folkloriko-turistiko-neoliberal egin ditu” ekainaren 28ko eguna —LGTBI+ kolektiboaren eskubideak aldarrikatzekoa— “makrofestibalen eredu merkantilista berbera ezarriz” bereganatzeko, eta horretarako Ortzadar LGBT elkartea erabili du.
Bilboko Udalak, Bizkaiko Foru Aldundiak eta Basquetourrek gastatu dutenari “lotsagarri" iritzi dio Ehgam taldeak, eta, horren iritziz, “aurten marka guztiak hautsi dituzte“.
Ekainaren 21eko karroza desfileaz gainera, ekainaren 28rako antolatu duten kontzertutzarra aipatu dute. Kontzertua Areatzan izango da, normalean egun horretako manifestazioa amaitzen den lekuan. Hori dela eta, taldearen iritzian, Udalak, kontzertua antolatuta, “manifestazioa eta ondorengo ohiko ospakizunak erabat boikoteatu eta eragotzi nahi ditu”.
Ehgam Bilbo+ taldeak Casillatik 12:00etan aterako den manifestazioarekin —Bizkaiko E28 Koordinadorak deitu du— bat egingo duela jakinarazi du, eta bertan parte hartzeko deia egin du. Halaber, “Bilboko EAJren Udalak Bilbao Bizkaia Harro plan turistikoaren bidez antolatu duen programazio zentzugabeari boikota” egiteko deia egin du.
Zure interesekoa izan daiteke
El Bocaleko pasaguneko ezbeharra gertatu aurretik, Poliziak 112ra deitzeko protokolorik zuen ala ez ikertzen ari da epailea
Agintariak, agenteak eta teknikariak deituko ditu deklaratzera, eta ikerketa-lerro bat abiatu du, materialen eta pasabidearen mantentze-lanen inguruan.
Erreskate ugari izan dira Aste Santuan euskal kostaldean
Jai egunak lausotzetik gertu izan diren egoerak bizi izan dira egunotan, eta erreskate ugari egin behar izan dira itsasoan, bai marearen igoerak ezustean harrapatu dituen pertsonenak, bai korronteek arrastan eramandako edo olatuek harrapatutako pertsonenak. Zorionez, ez da biktimarik izan.
25 eta 28 urteko bi gizon atxilotu dituzte Gasteizen, bikotekideari eta bikotekide ohiari eraso egitea egotzita
Gasteizko Udaltzaingoak pasa den ostegunean eta ostiralean egin zituen atxiloketak, astearte honetan jakitera eman duenez.
Martinezek esan du garrantzi handikoa dela ohitura osasungarriak izatea, osasunari eragiten dioten faktoreen % 50 baitira
Osasun sailburuak ariketa fisikoa egitera, elikadura zaintzera eta alkohol eta kalamu kontsumoa murriztera animatu ditu herritarrak, Osasunaren Nazioarteko Eguna dela eta.
Mugikorrak alboratu eta familiaz gozatzeko gonbita, apirilaren 18an, EAEko hiriburuetan
Eusko Jaurlaritzak antolatuta, Mugikorrik Gabeko Eguna Familian izango da Donostian, Bilbon eta Gasteizen. Familia inguruan teknologiaren erabilera kontzienteagoa sustatzea du helburu egitasmoak. “Ongizate emozionala zaintzeko eta senideekin egotearen balioa berreskuratzeko keinu txiki” gisa aurkeztu du Nerea Melgosa Ongizate, Gazteria eta Erronka Demografikoko sailburuak.
Bizkaitik Nafarroara droga eramaten zuen gaizkile sare bat desegin dute: lau lagun atxilotu eta 22 kilo speed atzeman dituzte
Ortuellako etxebizitza batetik Nafarroara banatzen zen, eta droga 76 urteko gizon batek garraiatzen zuen.
Manifestazioa deitu dute arratsalderako Berrizen, asteleheneko eraso matxista larria salatzeko
48 urteko gizonezkoa emaztea hiltzen saiatu zen Berrizen, eta emakumea helikopteroz eraman zuten Gurutzetako Ospitalera. Atxilotuak polizia-etxean jarraitzen du, epailearen aurrean deklaratzeko zain. Bestalde, Berangoko Udalak deituta, elkarretaratzea egingo dute arratsaldean Amaiaren hilketa salatzeko. Apirilaren 1ean bikotekideak hil omen zuen, Basaurin, baina berangoztarra zen.
Gipuzkoako hainbat garajetan eta trastelekutan ustez lapurretak egin dituen gaizkile talde bat desegin dute
Batez ere, Goierri inguruan egin dituzte lapurretak. Ertzaintzak dei egin die lapurreta horien biktima izan diren herritarrei, Beasaingo komisariara joan daitezen, euren objektuak han dauden egiaztatzera.
Ia 30 graduko tenperaturarekin, uda itxura hartu du Pazko astelehenak
Ezohiko itxura hartu du Pazko astelehenak. Eguraldi beroak hondartzak eta kaleak jendez gainezka utzi ditu. Hotelen betetze-maila % 80-90 ingurukoa izan da Aste Santuan.
Gasteizek lotura zuzena izango du Kanaria Handiarekin ekainaren 15etik irailaren amaiera arte
VIA sozietatearen esleipena lortu ondoren, Binter airelineak astelehen eta ostegunetan jardungo du Forondan. Ibilbide horri esker, Kanarietako artxipelagoko beste aireportuekin lotura egin ahal izango da, bai eta Portugalgo eta Afrika mendebaldeko beste aireportu batzuekin ere.