EAJk hautsi egin ditu lan deialdi publikoetan euskara blindatzeko PSE-EEkin abiatutako negoziazioak
Jeltzaleen iturriek aurreratu dute EAJk berak bakarrik egingo duela aurrera eta Enplegu Publikoaren Legea aldatzen saiatuko dela, euskara eskakizunak bermatzeko.
EAJk eta PSE-EEk ez dute lortu enplegu publikora sartzeko prozesuetan euskara eskakizuna bermatzeko proposamen bat adostea. Orain bi aste inguru baieztatu zuten jeltzaleek testua sozialistekin adosteko “azken saiakera” egingo zutela, baina gaur jakin da ahalegina antzua izan dela.
EAJk berak bakarrik erregistratu du Enplegu Publikoaren Legea aldatzeko proposamena Eusko Legebiltzarrean. Horren arabera, derrigortasun orokorra atzean utzi, eta tokian tokiko administrazioak erabakiko luke lanpostu bakoitzerako hizkuntza eskakizuna.
Markel Olano EAJko legebiltzarkideak eman ditu erabakiari buruzko azalpenak, eguerdian egindako agerraldian. Baieztatu du ez dela posible izan PSE-EEkin akordioa ixtea, eta aitortu du gai honetan “desdostasunak” dituztela gobernukide duten alderdiarekin. "Ez da ezeren haustura. Prozesu leial bat izan da, bere hasiera eta amaierarekin. Guk ez dugu ezer puskatu. Atzo arte saiatu eta gero, ikusita irtenbiderik ez dagoela eta desadostasunak nabarmenak direla, gure ekimena martxan jartzea erabaki dugu", erantsi du.
Bere aldetik, haserre mintzatu da Pau Blasi PSE-EEren Azterlan, Programa, Prestakuntza eta Euskara idazkaria, eta EAJri leporatu dio gobernu akordioan hitzartutakoa ez betetzea. Urtetako akordioa urratu dela iritzi dio ordezkari sozialistak. "Ez da desadostasun makala. EH Bilduri segidismoa egiteagatik, gobernu akordioan jasotakoa hautsi dute", salatu du.
Aldiz, pozik agertu da Josu Aztiria EH Bilduren legebiltzarkidea, "behingoz" euskara eskakizunen afera "auzitegietatik Legebiltzarrera" eramatea lortu dutelako. Jeltzaleen proposamena "motz" geratzen dela iritzi badio ere, elkarlanerako aukera zabaldu dela esan du.
EH Bilduk ekainaren 10ean erregistratu zuen bere proposamena. Orain arteko funtzionamendua itzultzea planteatzen du koalizioak. "Bi hizkuntzen eskakizuna orokorra izatea" nahi da, eta "salbuestea, betiere modu justifikatuan eta objektiboan, botere publikoek zehaztutako lanpostuak". Kasu horietan, euskara-eskakizuna meritu gisa baloratuko litzateke.
Zure interesekoa izan daiteke
Erreskate ugari izan dira Aste Santuan euskal kostaldean
Jai egunak lausotzetik gertu izan diren egoerak bizi izan dira egunotan, eta erreskate ugari egin behar izan dira itsasoan, bai marearen igoerak ezustean harrapatu dituen pertsonenak, bai korronteek arrastan eramandako edo olatuek harrapatutako pertsonenak. Zorionez, ez da biktimarik izan.
25 eta 28 urteko bi gizon atxilotu dituzte Gasteizen, bikotekideari eta bikotekide ohiari eraso egitea egotzita
Gasteizko Udaltzaingoak pasa den ostegunean eta ostiralean egin zituen atxiloketak, astearte honetan jakitera eman duenez.
Martinezek esan du garrantzi handikoa dela ohitura osasungarriak izatea, osasunari eragiten dioten faktoreen % 50 baitira
Osasun sailburuak ariketa fisikoa egitera, elikadura zaintzera eta alkohol eta kalamu kontsumoa murriztera animatu ditu herritarrak, Osasunaren Nazioarteko Eguna dela eta.
Mugikorrak alboratu eta familiaz gozatzeko gonbita, apirilaren 18an, EAEko hiriburuetan
Eusko Jaurlaritzak antolatuta, Mugikorrik Gabeko Eguna Familian izango da Donostian, Bilbon eta Gasteizen. Familia inguruan teknologiaren erabilera kontzienteagoa sustatzea du helburu egitasmoak. “Ongizate emozionala zaintzeko eta senideekin egotearen balioa berreskuratzeko keinu txiki” gisa aurkeztu du Nerea Melgosa Ongizate, Gazteria eta Erronka Demografikoko sailburuak.
Bizkaitik Nafarroara droga eramaten zuen gaizkile sare bat desegin dute: lau lagun atxilotu eta 22 kilo speed atzeman dituzte
Ortuellako etxebizitza batetik Nafarroara banatzen zen, eta droga 76 urteko gizon batek garraiatzen zuen.
Manifestazioa deitu dute arratsalderako Berrizen, asteleheneko eraso matxista larria salatzeko
48 urteko gizonezkoa emaztea hiltzen saiatu zen Berrizen, eta emakumea helikopteroz eraman zuten Gurutzetako Ospitalera. Atxilotuak polizia-etxean jarraitzen du, epailearen aurrean deklaratzeko zain. Bestalde, Berangoko Udalak deituta, elkarretaratzea egingo dute arratsaldean Amaiaren hilketa salatzeko. Apirilaren 1ean bikotekideak hil omen zuen, Basaurin, baina berangoztarra zen.
Gipuzkoako hainbat garajetan eta trastelekutan ustez lapurretak egin dituen gaizkile talde bat desegin dute
Batez ere, Goierri inguruan egin dituzte lapurretak. Ertzaintzak dei egin die lapurreta horien biktima izan diren herritarrei, Beasaingo komisariara joan daitezen, euren objektuak han dauden egiaztatzera.
Ia 30 graduko tenperaturarekin, uda itxura hartu du Pazko astelehenak
Ezohiko itxura hartu du Pazko astelehenak. Eguraldi beroak hondartzak eta kaleak jendez gainezka utzi ditu. Hotelen betetze-maila % 80-90 ingurukoa izan da Aste Santuan.
Gasteizek lotura zuzena izango du Kanaria Handiarekin ekainaren 15etik irailaren amaiera arte
VIA sozietatearen esleipena lortu ondoren, Binter airelineak astelehen eta ostegunetan jardungo du Forondan. Ibilbide horri esker, Kanarietako artxipelagoko beste aireportuekin lotura egin ahal izango da, bai eta Portugalgo eta Afrika mendebaldeko beste aireportu batzuekin ere.
Hiru pertsona zauritu dira Berangon, lau autok elkar jo ostean
Zauritutako lagunak Gurutzetako ospitalera eraman dituzte, eta auto-ilarak sortu dira istripua gertatu den lekuan. 14:00etarako, baina, bere onera itzuli da zirkulazioa.