"Profil etnikoaren araberako kontrolak egiteari" uztea eskatu diete Ertzaintzari eta udaltzaingoei
Politika arrazisten aurkako protesta. Artxiboko argazkia: EFE
Gipuzkoako SOS Arrazakeria gobernuz kanpoko erakundeak Ertzaintzak eta udaltzaingoek "profil etnikoaren araberako kontrolak egiteari" uzteko eskatu du.
Ohar batean, SOS Arrazakeriak gogorarazi du Giza Eskubideen Europako Auzitegiak Frantzia zigortu berri duela "kontrol arrazistak egiteagatik".
"Kontrolatzea, dokumentazioa eskatzea eta miaketak, ohituta gaude Ertzaintzaren eta udaltzaingoen aldetik ikustera, eta profil etnikoaren arabera egiten dute", adierazi du gobernuz kanpoko erakundeak.
SOS Arrazakeriak erantsi duenez, "batzuetan delituak ikertzeko erabiltzen den aitzakia hori baino ez da, aitzakia hutsa". Testuinguru horretan, salatu du praktika hori, "ohikoa" dena, "giza eskubideen aurkakoa" dela.
Hori dela eta, beste behin ere, "praktika horrekin bukatzea, eta horri buruzko araudi argi bat egitea" eskatu du, "agintarien erantzukizuna delako, eta poliziek hori betetzea".
Gizarteari buruzko albiste gehiago
Adierazi gabeko alergenoak dituzten Bingqi Foods markako galletak Hego Euskal Herrian saltzen ari direla ohartarazi dute
Esnea, soja edo sulfitoak dituzte. Espainiako Elikagaien Segurtasunerako eta Nutrizio Agentziak (Aesan) alergia edo intolerantzia duten pertsonei gomendatu die ez kontsumitzeko. Produktu horiek kontsumitzeak ez du arriskurik gainerako herritarrentzat.
Ehgam-ek transfobian jarri du arreta aurten bere sariak banatzeko ekitaldian
Ehgam Euskal Herriko Sexu Askapenerako Mugimenduak Loratuz Lotu, Lumagorri, Anitzak eta SuminTrans kolektiboei eman die Urrezko Hirukia saria, Gurutzetako Ospitalearen Genero Identitatearen Unitateak pertsona transak artatzeko erabiltzen duen modua salatzen egindako lanagatik. Bestetik, feminista "transbaztertzaileek" Bilbon egin zituzten jardunaldiei eman diete Larruzko Espartina "antisaria", haur eta nerabe transak jomugan jartzeagatik.
Erripa, Nafarroa, Adiskidetasun, Villarias eta Askao kaleetako trafikoa moztu eta aparkelakuak okupatuko dituzte Erripa kalean larunbat honetan
BBK Fundazioaren X. urteurrenaren harira itsasadarrean programatutako BBK Ria jaialdia dela-eta egingo dituzte kale-mozketak. Seinalistak egongo dira eragindako eremuetako garajeetako sartu-irtenak bideratzeko. Bilbobuseko zerbitzuan ere egongo dira aldaketak, eta horren inguruko informazioa izango da Bilbobusen aplikazioan eta markesinetan.
Irainik edo gatazkarik gabeko sanferminen aldeko konpromisoa agertu du Iruñeko Udalak
Udalak 'Sanferminetako Dekalogoa' argitaratu du, jaiak arduraz eta errespetuz gozatzeko aholkuak biltzen dituena. Gainera, dagoeneko prest dago 2.700 agentek baino gehiagok osatuko duten segurtasun dispositiboa, jaiak "soilik dibertigarriak izan daitezen".
Pertsona bat hil da Puiun, auto batek eta kamioi batek aurrez aurre talka eginda
N-121 errepidea itxi, eta AP-15etik desbideratu dute zirkulazioa.
Euskadiko 57.000 adingabek baino gehiagok ezin dute etxea hoztu bero-bolada batean
EAEko adingabeen % 16,5 tenperatura altuei aurre egin ezin dieten etxeetan bizi dira. Egoera horrek, gainera, familien % 18ri ere eragiten die.
Autobus flota berrituko dute Gasteiz eta Bilbo arteko linean
Txartel sinpleak 6,20 euro balioko du, eta BAT, Barik eta Mugi txartelen erabiltzaileek, berriz, gutxiago ordainduko dute: 4,95 euro. 15 urtetik beherakoek doan bidaiatu ahal izango dute, eta hilabeteko bonua eta 60 bidaiako bonua % 50 merkeagoak izango dira 26 urtetik beherakoentzat.
Aktibistak klandestinitatean: jazarriak diren eta ezkutuan bizitzera behartuta dauden emakume lesbianak eta transexualak
Munduan LGTBIQ+ kolektibokoa izateagatik jazarpena pairatzen duten milioika pertsonaren adibide Yoseline, Ana Milena, Esther eta Isabel. 67 herrialdetan zigortu egiten dituzte harreman homosexualak, heriotza-zigorra ezar dezakete 12 herrialdetan eta pertsona transexualak jazartzen dituzten legeak dituzte 14tan. Europar Batasunean 10 homosexualetik 6k aitortzen dute ez direla ausartzen kaletik eskutik helduta joaten.
Errebolber handi bat konfiskatu dute Bilboko Abandoko geltokian izandako borroka batean
22:00ak aldera, 6. nasan, sei lagunek eztabaida sutsua hasi zuten motxila batengatik. Horren ondorioz, borrokan hasi ziren, eta segurtasun-zaintzaileek esku hartu behar izan zuten.