Istilurik gabeko gaua Torre Pachecon, baina tentsioak jarraitzen du ultraeskuindarren deialdi berriengatik
Ultraeskuindarrek kontzentrazioa deitu zuten atzo, baina ez zen istilurik izan, poliziaren presentziagatik. Deialdi berrien aurrean segurtasuna indartu dute. Hainbat hedabidetako kazetariek ehun bat ultraren jazarpena sufritu dute.
Ez da istilu larririk izan ultraeskuineko taldeek Torre Pachecon (Murtzia) deitutako kontzentrazioan. Poliziaren presentziak eskuin muturreko kide nabarmenen presentzia eragotzi zuen, hala nola Vito Quiles eta Daniel Esteve, Desokupa enpresako arduraduna.
Lasaitasun apur bat izan arren, mobilizazioan ehun bat ultraeskuindarrek hainbat hedabidetako kazetariak jazarri dituzte. Guardia Zibilak segurtasun dispositiboa zabaldu udalerriko sarbideetan, gaur, asteazkena eta bihar, osteguna, kutsu xenofoboa duten manifestazio gehiago egingo baitituzte.
Aldi berean, atzo jakin zen Mataron (Bartzelona) atxilotu zutela sare sozialek zabaldutako "etorkina ehizatzea" delakoaren ustezko bultzatzailea. 'Deportadlos Ahora' talde supremazista eta xenofoboaren burua da, eta mugimenduaren barruan zuzendari lanak egitea leporatu diote.
Halaber, Murtziako Fiskaltzak iragarri du Jose Angel Antelo VOXeko eskualdeko buruzagiari ikerketa bat irekiko diola, PSOEk eta Podemosek aurkeztutako salaketa baten ostean.
Azken egunotan izandako indarkeria kasuen artean, joan den ostiralean ama euskalduna eta aita marokoarra zituen 16 urteko adingabe batek 68 urteko gizon baten aurkako erasoa gaitzesteko egindako manifestazio batean jasandako erasoa argitara atera da.
Errenterian atxilotutako ustezko erasotzaileari dagokionez, Donostiako Instrukzioko 5 zenbakiko Epaitegiak behin-behinean eta fidantzarik gabe espetxeratzeko agindu du.
Bestalde, Barne Ministerioak jakinarazi duenez, migratzaileen aurkako gorroto-mezuak zabaltzen zituen Telegramen beste kanal bat itxi dute, epailearen aginduz. Kanal hori "Deport Them Now Spain" izena du, eta 'Deport Them Now EB' talde nagusiarekin lotuta egongo litzateke. Talde horretatik kaleratu zuten, Guardia Zibilaren arabera, Torre Pachecon talde magrebtarren aurkako indarkeria "bultzatzen" zuen agiria.
Gizarteari buruzko albiste gehiago
Otsagabiak 100 urte atzera egin du, 1925era, Orhipean jaiarekin
Nafarroako herrian Orhipean jaia ospatu dute larunbat honetan, antzinako lanbide eta tradizioak erakutsiz.
Babes Zibilak oraindik aktibo dauden fokuen "bilakaera ona" nabarmendu du, eta sute-bolada amaitzear dela uste du
Gaztela eta Leonen sei sute aktibo daude oraindik, larritasun gorenekorik ez, eta 1. mailako bat dago Almerian, Lubrin udalerrian.
Urbiako ostatuak 100 urte bete ditu gaur, mendeurren gazi-gozoa, itxita baitago duela bi astetik
1925eko abuztuaren 30ean zabaldu zen Urbiako fonda, 100 urte hauetan hamaika mendizale hartu ditu, goxo eta beso-zabalik. Mendeurrena, ordea, ateak itxita igaroko da, orain arte ostatua zeramatenek utzi egin baitute, eta kontsezioa dutenek hura martxan jarriko duten lagun berrien bila dabiltza.
Vueltak gorabeherak eragingo ditu irailaren 3an Bizkaiko errepideetan
2025eko Vueltaren 11. etapa irailaren 3an, asteazkena, hasi eta amaituko da Bilbon. Mozketak 12:40an hasi eta 17:20 aldera arte izango dira, antolatzaileek egindako aurreikuspenen arabera.
Mazonen aurkako hamargarren protestak GOIDIaren 228 biktimak omendu ditu
Gaur 10 hilabete bete dira GOIDIak Valentzia kolpatu zuenetik, eta haserrea nabaria da oraindik erkidego horretako kaleetan. "Mazon, dimisioa" lelopean, milaka pertsona mobilizatu dira hamargarren aldiz Valentzian. 228 pertsona hil ziren eta milaka familiak etxeak galdu zituzten. 304 egun geroago, horietako asko Gobernuaren laguntzen zain daude oraindik.
9 urteko haur bat zauritu da martxan zihoan villavesa batetik erorita, akats mekaniko baten ondorioz
Istripua 14:04an gertatu da, Sadar kalean. Ibilgailuko atea ustekabean ireki da, eta adingabea, atearen kontra zegoena, kanpora erori da. Haurra ateari katigatuta geratu da, eta hainbat metroz arrastan joan da, harik eta gidariak autobusa gelditzea lortu duen arte.
Milaka ibilgailu berrikusteko deia egin dute hainbat auto etxek, airbagetan arazoak izan ditzaketelako
Dozena bat pasatxo marka biltzen dituen Stellantis taldea erabiltzaileei gutunak bidaltzen ari da, Takata markako airbag akastunak direla eta.
8 kilometrorainoko auto-ilarak sortu dira AP-8an, Deban, istripu baten ondorioz
Kaltetutako ibilgailuak erretiratu ondoren, zirkulazioa normaltasunera itzuli da. 17:45ean, 7 kilometroko auto-ilarak sortu dira AP-8an, Irungo mugan.
Euskarabideak "Euskera ahora" kanpainaren edizio berri bat aurkeztu du, helduek euskaraz ikastea sustatzeko
Aurten, hasierako mailan (A1) izena ematen duten 16 urtetik gorako ikasleek matrikula doan edo ia doan izango dute, Euskarabidearen dirulaguntzei esker.
Zarrakaztelun izan da Aierdi, alkatearekin batera sute-osteko lehengoratzea aztertzen
Nafarroako Gobernuak eman du jada kaltetutako zuhaitzak mozteko baimena. Gainera, nekazariekin bildu ondoren, haiek suteak itzaltzeko larrialdi opertaiboetan modu arautuan eta berme handienekin sartzeko aukera aztertzen hasi dira.