Bilboko Konpartsetako 13 txosnak ez dute Coca-Cola salduko Palestinako herriari elkartasuna adierazteko
Altxaporrue, Bizizaleak, Eguzkizaleak, Hau Pittu Hau, Kaskagorri, Kranba, Txinparta Feminista, Mekauen, Piztiak, Txinbotarrak, Txori Barrote, Uribarri eta Sinkuartelek ez dute produktu hori salduko.
Kaskagorriren txosna, Bilbon. Artxiboko irudia: EITB
Bilboko Konpartsetako 13 txosnak ez dute Coca-Cola produkturik salduko Aste Nagusian, Palestinako herriari elkartasuna adierazteko, ohar baten bidez jakinarazi dutenez.
Iragarri dutenez, larunbat honetan aurkeztuko dute 'Aaaagur!' izeneko kanpaina, abuztuaren 16an hasiko diren Bilboko jaiei begira. Kanpaina horretan, Bilboko Konpartsetako 13 konpartsa horiek Coca-Cola produkturik ez saltzea erabaki dute txosnetan, Palestinako herriari elkartasuna adierazteko.
Komunikabideei bidalitako deialdiaren arabera, Altxaporrue, Bizizaleak, Eguzkizaleak, Hau Pittu Hau, Kaskagorri, Kranba, Txinparta Feminista, Mekauen, Piztiak, Txinbotarrak, Txori Barrote, Uribarri eta Sinkuartel izango dira produktu hori salduko ez duten konpartsak.
Palestinaren aldeko Koordinadorak eta BDS mugimenduak (Boikota, Desinbertsioak eta Zigorrak Israeli) jakinarazi dutenez, whoprofiten ikerketen arabera, Central Beverage Company enpresak, Coca-Cola konpainiaren Israelgo frankiziak, "banaketa zentro bat eta hozteko instalazioak ditu Atarot izeneko legez kanpoko kolonogunearen industrialdean".
Gainera, haren subsidiarioa den Tabor Wineryk “legez kanpo okupatutako lurretan kokatuta dauden mahastietatik ardoak egizten ditu, Zisjordanian eta Golango gainetan".
Nazioarteko Justizia Auzitegiak 2024ko uztailean adierazi zuen Israelek Gazan eta Zisjordanian duen okupazio guztia, Jerusalem ekialdea barne, legez kanpokoa dela, baita okupatutako lurretan eraikitako asentamendu guztiak ere.
Genevako Laugarren Hitzarmenaren arabera, halaber, Israelek lurralde okupatuetan dituen kologuneak, Palestinan zein Sirian, gerrako krimenak dira. "Arrazoi horiengatik, Coca-Cola Israelgo gerra krimenen enpresa konplizea da", ondorioztatu du Palestinaren aldeko Koordinadorak.
Gizarteari buruzko albiste gehiago
Bilboko Garcia Rivero kaleak baldosa guztiak altxatu beharko ditu berriro, akastunak direlako
Bilboko Garcia Rivero kaleko lanak bukatzear daudela, udalak erabaki du kaleko obrei berriro ekitea, baldosa akastuak direla eta. Inguruko merkatariak oso atsekabetuta daude obraren prozesuarekin, Aste Nagusia gertu dutela
Tecnaliak Kanadara zabaldu du suarekin saiakuntzak eskala handian egiteko gaitasuna
Tecnalia ikerketa-zentroak Kanadako araudiaren arabera suarekin saiakuntzak eskala handian egiteko akreditazioa lortu du. Agiaztapen hau Estatu Batuetarako edo Erresuma Baturako lortutakoei gehitzen zaie. Lorpen honek negozio-aukerak zabaltzen dizkie eraikuntza-industriako enpresei, Europatik haragoko merkatu arautu eta zorrotzetan.
Loiolako kuartelen salerosketaren eskriturak uztailaren 23an sinatuko ditu Donostiako Udalak
Salmenta horri esker 1.700 etxebizitza babestu baino gehiago eraiki ahal izango dira eremu horretan. Eskriturak sinatzen diren unetik aurrera, militarrek lau urteko epea izango dute eremutik joateko.
Bizkaiko farmaziek bat egin dute arazo soziosanitarioetako egoerak detektatzeko programarekin
Farmazien eta EUDEL-en arteko akordioa indarrean dago jada Araban eta Gipuzkoan, eta Bizkaia batutak, farmazien eta udaletako gizarte-zerbitzuen arteko lankidetza-sarea, osatu da, EAEko biztanle guztiei eman ahal izateko zerbitzua.
Karga guneetatik erretiratzen ez diren ibilgailu elektrikoek ordaindu beharko dute Iruñean
Neurria abuztuan sartuko da indarrean; horrela, bada, aparkaleku gisa erabiltzen dutenekin amaitu nahi du Udalak.
Bi pertsona salatu dituzte Dantxarinean, kalean bi arma erreplika erabiltzeagatik
Foruzaingoak bi erreplika atzeman ditu; zehazki, subfusil bat eta pistola bat.
Gorroto delituak %13,8 jaitsi ziren iaz Estatuan, baina Nafarroak eta EAEk izan zuten intzidentzia tasarik handiena
Nafarroaren intzidentzia tasa 14 kasukoa zen 100.000 biztanleko, Euskal Autonomia Erkidegoaren aurretik (10,8). Arrazakeria edo xenofobiagatik egindako gorroto delituak izan ziren ugarienak (804), 2023an baino % 6,07 gutxiago zenbatu arren. Aitzitik, antisemitismoarekin lotutakoak igo ziren gehien (% 60,9).
Gallartako ostalaritza-lokal bateko jabeak eta zerbitzaria atxilotu dituzte, droga-trafikoagatik
Lokalaren eta atxilotuen etxebizitzetako erregistroetan, ia 200 gramo kokaina, MDMA dosiak, haxix-bolak eta tabletak, droga pisatzeko eta dosifikatzeko beharrezko tresnak, gama altuko bi ibilgailu eta 411 000 euro atzeman ditu Guardia Zibilak.
Aretxabaletako osasun etxe berriak datorren astelehenean irekiko ditu ateak
Eusko Jaurlaritzak 5 milioi euro inguruko inbertsioa egin du 21 kontsulta eta lau solairu izango dituen zentro berria eraikitzeko. Berritasun gisa, lau solairuetako bat gizarte zerbitzuetara eskainiko da.