Normaltasuna nagusi da euskal errepideetan, goizean auto-ilara luzeak izan ostean
Goizean goizetik, auto pilaketa handiak izan dira euskal errepide-sareko hainbat puntutan.
Euskal errepide sareko zirkulazioa. Artxiboko argazkia: EFE
Hegoalderako noranzkoan Europatik datorren trafiko handia nabarmena da errepideetan, eta, ondorioz, auto-ilara handiak izan dira ostiral honetan euskal errepide sareko zenbait puntutan, Trafiko Zuzendaritzak jakitera eman duenez.
Auto-ilara txikiak izan dira A-1 autobidean, Gasteiz parean, Madrilerako noranzkoan.
Halaber, zazpi kilometrorainoko auto-ilarak sortu dira AP-8an, Irun parean, Bilborako noranzkoan.
Galdakaon, bi pertsona zauritu dira 10:50 aldera izandako auto-istripuan, eta ospitalera eraman behar izan dituzte.
Gainera, bi ibilgailuk talka egin dute goizean goiz AP-8 autobidean, Orion, Zarautzerako eta Bilborako noranzkoan. Hori dela eta, errei bat itxi dute, eta hiru kilometroko auto-ilarak sortu dira inguruan. Arazoa konponduta dago honezkero.
Trafikoko gorabeherarik nabarmenenak lehen orduan jazo dira; beraz, une honetan normaltasunez zirkulatzen ari dira euskal errepide sarean. Dena dela, zenbait puntutan auto-ilara txikiak sortu dira, abuztuko lehen eguneko joan-etorriak direla eta.
Horregatik guztiagatik, gomendatzen da bidaia aldez aurretik planifikatzea, puntako orduak saihestea, ibilgailuaren egoera aztertzea aurretik eta gidatzean arreta mantentzea une oro. Gainera, trafikoaren egoera kontsultatzea gomendatzen da auto-ilarak saihesteko.
Testuinguru horretan, agintariek gogorarazi dute funtsezkoa dela abiadura-mugak errespetatzea, bi ordutik behin atseden hartzea eta gidatzen den bitartean mugikorra ez erabiltzea.
Gizarteari buruzko albiste gehiago
Lau gizonek 18 urteko neska bat inguratu eta bortxatu dute Ferrolen
Gizon bat atxilotu dute jada. Erasoa Coruñako hiriaren Espainia plazako arkupe batzuetan gertatu zen. Gertakariak asteartetik asteazkenerako gauean jazo ziren, hiriaren erdialdean.
Bilbok hilerria modernizatu du errausketak eta maskotentzako zerbitzuak eskaintzeko
Araudi berria irailera arte egongo da ikusgai, eta heriotza perinatalari ematen zaion tratuari eta erlijio-aniztasunerako guneei buruzko hobekuntzak ere jasotzen ditu, besteak beste.
Adineko bost moja Urduñako komentutik ateratzea eragotzi dute, erlijiosoak Beloradotik bota ondoren
Adineko lekaimeen beharrengatik egokitutako garraio berezi bat prest zuten, baina ezin izan dute erabili, moja matxinoek uko egin baitiote giltzak emateari. Gainera, gaurko operazioa "bahiketatzat eta agintekeriatzat" jo dute moja horiek.
Gasteizko txosnak itzuli dira txandalariak omenduz, eta musikaz eta aldarrikapenez beteta
Txosnagunea Arabako Campusera itzuliko da kontzertuekin, herri-ekimenekin eta TicketBAIren ezarpenaren kontrako protestekin. Bien bitartean, Txosnetako txandalariak izan dira Txosnisariaren irabazleak.
50 boluntario inguruk Barrundian desagertutako 77 urteko emakumea bilatzeko lanekin bat egin dute
Senideek asteartean salatu zuten adineko emakumearen desagerpena. Emakumea Hermua auzoko bere etxebizitzatik atera zen, eta ez dute berriro ikusi.
Zeledonek baditu aterkia, zahatoa eta zapia: "Ez dugu inolako erasorik onartuko"
Maider Etxebarria alkateak "zorterik onena" opa dio Iñaki Kerejazuri. Kerejazuk bigarren urtez jarraian pertsonaia ezagunaren papera egingo du. Bere hitzaldian, alkateak jaiez "arduraz" eta "errespetuz" gozatzera gonbidatu ditu herritarrak.
Katherine Bidegaray, Montanako Auzitegi Goreneko epailea, euskal amerikar komunitatearen ordezkari boteretsuenetako bat da egun, AEBn
Behe Nafarroako familia batean sortua, haurtzaroa Ipar Dakotako mugako belardietan egin zuen, gurasoen arrantxoan. Bidegaray oso kritikoa da Trumpekin eta etorkinen deportazioekin. Emakumearen eskubideen alde egiteagatik ere ezaguna da.
Chikungunya: tigre-eltxoaren gaixotasuna saihesteko gakoak eta aholkuak
Pello Latasak, Eusko Jaurlaritzako Osasun saileko zaintza epidemiologikorako arduradunak, tigre-eltxoek kutsatzen duten chikungunya gaitzaren inguruan mintzatu da. Latasak azaldu duenez, gaitza ez da zuzenean gizakien artean transmititzen; hala ere, badira salbuespenak. Bideo honetan sintomak zeintzuk diren, transmisioa nola ematen den eta gaitzari aurre egiteko gomendioak eman dizkigu arduradunak.
Gatibuk dantzan jarri zuen Boiseko Basque Blocka
Gernikatik Idahora, Gatibuk Jaialdian izan ziren zirenak dantzan jarri zituen bere abestiekin eta taldeak duen energiarekin eta estilo bereziarekin. Kontzertu hunkigarria izan zen, bertaratu zen euskal komunitatearekin konexio sendoa erakutsi zuena.
Gizon bat atxilotu dute Tuteran, San Ferminetan salatutako intentsitate handiko sexu-erasoagatik
Sexu-erasoa uztailaren 11tik 12rako gauean salatu zuten, Iruñeko etxebizitza batean. Polizia-iturriek jakinarazi dutenez, atxilotua aske geratu da.