Paketatzeko makina batek eragin zuen Izarbeibarko sutea
Sua kontrolpean dute jada suhiltzaileek. Bilakaera onari esker, Nafarroako Gobernuak malgutu egin du nekazaritzako lanak debekatzen zituen agindua.
Sutea, Obanosen. Argazkia: EFE
Asteartean Muruzabal, Obanos, Añorbe eta Eneritz artean (Nafarroa) piztutako baso-sutea kontrolpean dago, baina itzaltzeko lanek aurrera jarraitzen dute. Gainera, Nafarroako Gobernuak 2. larrialdi-mailari eusten dio, tenperatura altuen eta hegoaldeko haizearen ondorioz berriro pizteko arrisku handia baitago. Suak 338 hektarea erre ditu dagoeneko.
Amparo Lopez Barneko, Funtzio Publikoko eta Justiziako kontseilariak azaldu duenez, "egoerak bilakaera hobea izan du" asteartekoarekin alderatuta, baina zuhur ibiltzeko eskatu du.
"Ingurua hozteko lanean jarraitzen dugu. Helikoptero bat ari da lanean oraindik, eta 2. mailari eutsiko diogu, baso-suteak izateko oso arrisku larria izango baita hurrengo egunetan", adierazi du.
Suak 338 hektarea erre ditu 11 kilometro inguruko perimetroan, bildutako lehen datuen arabera. Lopezek esan du litekeena dela zereala paketatzeko makina batek eragin izana, baina Foruzaingoak ikertzen jarraitzen du gertatutakoa argitzeko. "Foruzaingoak lanean jarraituko du, baina badakigu paketatzeko makina bat izan dela", adierazi du.
Kontseilariak gogorarazi duenez, gisa horretako suteak "ez dira zientzia zehatza", eta aurreko suteetan (2022an Leiren, adibidez) lortutako eskarmentuaren garrantzia azpimarratu du: "Haize-bolada batek itxuraz itzalita dagoen sute bat berpiztu dezake. Horregatik, zuhur jokatu behar dugu tokian bertan, eta erabaki zehatzak hartu, zalantzak egon arren ".
Zenbait nekazaritza-lan egin ahalko dira
Foru Gobernuak nekazaritza-lanak egitea debekatzeko foru aginduko neurriak malgutu ditu. Ezohiko neurri-sorta Nafarroako Foru Komunitateko Baso Suteen Larrialdietarako Babes Zibileko Plan Berezia aktibatu ondoren hartu zen, nekazaritzako eta basogintzako lanak egitea edo suteak eragin ditzakeen lurzoru urbanizaezinean edozein jarduera egitea galarazteko.
Sailburuak azaldu duenez, egoeraren bilakaera positiboa dela eta, erabaki da agindua "malgutasunez interpretatzea", nekazaritza, basogintza eta zenbait jarduera zibil berriro martxan jartzeko aukera emateko, betiere zuhur jokatuta.
Bestalde, Landa Garapeneko eta Ingurumeneko kontseilari Jose Maria Aierdik malgutzeko neurriak aletu ditu. Murrizketarik gabe lan egin ahalko da Kantauri isurialdeko eta ipar-mendebaldeko basoetan eta Nafarroa osoko pagadietan.
Era berean, tomatea, piperra, alkatxofa, aza, brokolia eta lutxarbiak biltzeko lanei ekin ahal izango zaie, "arrisku handia ez bada", adierazi du Aierdik. Era berean, artoa eta alpapa bildu ahalko dira, ureztatze-lanak egin ahalko dira, ibilgailuak lursailetara sartu ahalko dira laboreak zaintzeko eta gainbegiratzeko, eta motoponpak erabili ahalko dira.
Aierdik nabarmendu du lan horiek bertan behera uzteak eragina izan duela kontserben eta nekazaritzako elikagaien enpresen jardueran, eta erantzukizuna eskatu du: "Funtsezkoa da jarduera horiek garatzea, baina segurtasun neurriak zorroztuta, atzo bizi izan genuen egoera errepikatzea saihesteko".
Zure interesekoa izan daiteke
Elkanok munduari buelta eman eta jaioterrira itzuli zen unea antzeztu dute Getarian
Aurten, lehen aldiz, Mikel Larrañagak egin du Elkanoren papera, eta Saioa Etxeberria izan da tripulante modura irten den lehen emakumea. Lau urterik behin ospatzen du Getariak Elkanoren iritsiera, munduari bira eman ostean.
Alejandrak 2.000 euro galdu ditu Bilboko etxebizitza baten alokairuaren iruzurrean
Kaltetuak salatu duenez, 2.000 euroko iruzurra egin diote hainbat pertsonari aldi berean eskainitako etxebizitza bat alokatzeagatik. Iruzurrez galdutako dirua eta beste bizitoki bat alokatzeko erabili beharrekoa gehituta, galerak 4.000 eurokoak direla azaldu du.
Iraulitako kamioi batek 31 kilometroko auto-ilarak eragin ditu Baiona inguruan
22:00etatik aurrera, A-63 errepidea erabat itxita egongo da 3 orduz, gutxi gorabehera, ibilgailua erretiratzeko.
Gutxienez 12 salaketa aurkeztu dituzte Bilbon etxebizitza turistiko bat alokatuta iruzurra egin zuen gizonaren aurka
EITBk biktimetako biren testigantzak jaso ditu. Iruzurgileak Airbnb bidez alokatu zuen pisua, hiru egunez. Ordu gutxi batzuetan, benetako jabeak ezer jakin gabe, dozena bat pertsonari alokatu zien. Ertzaintzak ikerketa abiatu du, gizona harrapatu eta biktimek galdutako dirua berreskura dezaten.
Mila pertsona inguru etxetik atera dituzte Baionako erdigunean gas-isuri baten ondorioz
Baionako hiriguneko mila bizilagun etxetik irtenarazi dituzte bart, gas-ihes bat dela eta; ondorioz, segurtasun dispositibo handia aktibatu behar izan dute. Suhiltzaileek 100 metroko perimetroa itxi dute, eta goizaldeko ordu bata arte ezin izan dute etxera itzuli.
Espainiak eskatutakoari entzungor eginez, Schengen berrezartzeari ezetz esan dio Italiak
Ceutan piztutako krisiaren harira, Schengen akordioa eten eta mugetan kontrolak egiteari ekin zion abuztuaren 1ean Meloniren gobernuak. Espainiako Gobernuak igandera arteko epea eman dio Italiakoari neurria bertan behera uzteko, baina Meloniren gobernuak lehengo lepotik du burua: "Abuztuaren 15etik aurrera aztertuko dugu gaia".
Eguzki eklipseak tren gehiago eta mugikortasun zerbitzu indartua ekarriko ditu abuztuaren 12an
Abuztuaren 12an izango da ikusgai, iluntzean. Milaka pertsona erakartzea espero den fenomeno horren aurrean, administrazioek segurtasun dispositibo zabala prestatu dute, mugikortasun segurua eta antolatua bermatzeko helburuarekin.
'Atyla' itsasontzi historikoan sartuko gara, 'Game of Thrones'en unibertsoko targaryendarren ontzian
Ontzia 1980a eta 1984a bitartean egin zuten Lekeition (Bizkaia), artisau moduan, pinu, haritz eta iroko egurra erabiliz. Itsasontzia Donostiako portuko kaian bisitatu ahalko da asteburu honetan, 11:00etatik 14:00etara eta 17:00etatik 21:00etara.
EITBk zuzenean eskainiko du abuztuko eguzki eklipse historikoa, hainbat seinale eta bi globo estratosferiko baliatuz
Saio berezia 19:30etik aurrera izango da ikusgai ETBn, ETB ONen eta ORAINen. Horrez gain, EITBk Eklipse Gaua antolatu du Donostiako Saguesen: eklipsea zuzenean ikusteko pantailak, musika eta behaketa modu seguruan egiteko betaurrekoak izango dira bertan.
Luciaren amesgaiztoa Bilbon: pisu "perfektua" alokatu, eta hiru egunen buruan, maula baten biktima dela konturatu
Bi seme-alaba dituen venezuelar batek 2.000 euro ordaindu ditu Deustun alokairuko etxebizitza batengatik, baina etxea apartamentu turistiko bat da berez. Iruzurgileak gutxienez 10 pertsonari alokatu die, tartean Luciari berari. Biktima horrekin mintzatu da EITB.