Dolu eguna Erriberagoitian, Vilorian gizon bat indarkeriaz hil eta gero
Udalak elkarretaratzea deitu du gaurko, 20:00etan, hilketa gaitzesteko; Ertzaintzak ikerketa zabalik du.
Viloria. Argazkia: EFE
Erriberagoitian (Araba) hiru dolu-egun izango dituzte gaurtik aurrera, 34 urteko gizon bat indarkeriaz hil baitute Vilorian. Gertakariak bertako herritarrak hunkitu ditu, eta astearte honetan gaitzetsiko dute publikoki, 20:00etan egitekoa den elkarretaratzean.
Igande gauean, biktimaren senide batek Ertzaintzari deitu zion, Viloriako etxebizitza baten ondoan eraso egin ziotela ohartarazteko. Patruilak eta osasun-zerbitzuak bertaratu zirenerako, gizona hilda zegoen.
Ertzaintzak bilaketa dispositibo bat aktibatu zuen berehala, eta, horri esker, 23 urteko gazte bat aurkitu zuten, goizaldeko ordu bata pasata, Añanan. Atxilotu egin zuten, homizidio delitu bat egotzita.
Gorpua Gasteizko Auzitegiko Medikuntzako Institutura eraman zuten autopsia egiteko. Ikerketa Arabako Ikerketa Kriminaleko Lurralde Zerbitzuaren esku dago, eta krimenaren nondik norakoak argitzen saiatzen ari da.
Atxilotua epailearen esku jarriko dute datozen orduetan.
Albiste gehiago gizartea
Zarrakazteluko sutearen eremua zaintzen eta bustitzen jarraitzen dute, berriz piztu ez dadin
Larunbat gauetik Nafarroako Zarrakaztelu herrian piztuta dagoen sutea suhiltzaileek atzo arratsaldean lortu zuten egonkortzea eta inguratzea, bi egun latzen ondotik, baina oraindik ez dago guztiz itzalita.
500 jarduera baino gehiago Bilboko Aste Nagusian, "adin eta gustu guztietan pentsatutako" programarekin
Bilboko Udalak zuzeneko musika emanaldiak, kaleko antzerkiko 23 ikuskizunak eta piroteknia lehiaketa goraipatu ditu.
Lagako hondartza hustu dute, uretatik atera duten 25 urteko emakume bat helikopteroz ospitalera eramateko
Gertakaria 19:00ak aldera izan da, Lagako hondartzako sorosleek uretan arazoak zituen 25 urteko gazte bat ikusi dutenean. Erreskatatu ostean, bihotz-biriketako bizkortze-maniobrak egin dizkiote. Bertaratutako osasun-langileek suspertze-maniobrekin jarraitu dute, ospitalera eramateko helikoptero bat iritsi den bitartean.
Zarrakazteluko sutea inguratzeko lanean jarraitzen dute suhiltzaileek
Larunbat gauean Nafarroako Zarrakaztelu herriko baso-paraje batean piztutako sutea ez dago oraindik inguraturik. Suhiltzaileek lurretik eta airetik lanean jarraitzen dute gauean aireko baliabideak alde egin aurretik.
Bi pertsona atxilotu dituzte Getxon gizon bat sastatzeagatik
Erasoa gaur arratsaldean gertatu da, 14:20 aldera, Getxoko Algorta auzoan.
Iruñeko mendizale bat hil da Russell tontorrean, Aragoiko Pirinioetan
26 urteko gaztea Posets-Maladeta Parke Nazionalean aurkitu zuen GREIMek, lur malkartsuan erori ondoren.
Bero handiak ez ditu kikildu ehunka pirata Donostian
17:00etan 225 ontzitan zihoazen 1000 pirata inguru Donostiako portutik abiatu dira Kontxako hondartzara bidean. Beroa gorabehera, giro ona nagusitu da zeharkaldian zehar.
Hiru gizon atxilotu dituzte Gasteizen: bat genero-indarkeriagatik, beste bat sexu-erasoagatik, eta hirugarrena exhibizionismoagatik
Gertakari bat ostiralean izan zen eta beste biak larunbatean. Genero-indarkeria kasua eta Sexu-erasoa Arabako hiriburuan gertatu ziren. Bestalde, Gasteizko Udaltzaingoak 66 urteko gizonezko bat atxilotu zuen adingabeei genitalak erakusteagatik.
Getxoko Udalak azpimarratu du lan egin beharko dela sokamuturraren etorkizunari buruz ados jartzeko
'Sokamuturra Ez!' plataformak elkarretaratzea egin du jardueraren ordu berean, Algortako Portu Zaharrean, Getxoko jaietan animaliak erabiltzeari utz diezaioten eskatzeko.