Kantabria inbaditu duen alga asiarra Bizkaiko hondartzetara iritsi da
Itsasoaren tenperaturak gora egin du eta horrek lagundu du hori gurera hel dadin; Bizkaiko kostaldean ere agertzen hasi da, eta kezka eragin du bainua hartzera joan direnen artean.
Azken egunotan Kantabriako hainbat hondartza inbaditu dituen alga asiarra Muskizko hondartzara (Bizkaia) iritsi da dagoeneko. Ez da kaltegarria, eta Kantauri itsasoan izan duen hedapen azkarra urte sasoi honetako uraren tenperatura altuarekin lotuta dago.
Kantabriako Gobernuak alga hori kentzeko kanpaina hasi zuen ostiralean, eta hiru egun eskasetan 1.620 tona bildu zituzten. Udalaren lursail batean utzi dituzte, tratatu eta konpost bihurtzeko.
Muskizen, bainulariak eta herritarrak haserre agertu dira itsasertzean algak pilatu direlako, bainua hartzea zailtzen duelako eta hondartzaren ohiko irudia aldatzen duelako. Kezkatuta daude espezie inbaditzaile hori euskal kostaldeko hondartza gehiagotara hel daitekeelako.
Informazio gehiago, bideo honetan:
Gizarteari buruzko albiste gehiago
Sei egunez aktibo egon den Zarrakazteluko baso-sutea, itzalita
Astelehenera arte ez zen lortu asteazkenean kontrolpean izan zuten sua inguratzea eta egonkortzea. Nafarroan sute-arriskua oso handia edo muturrekoa da oraindik.
Asteazkenetik desagertuta zegoen gizon baten gorpua aurkitu dute Legazpin
07:00ak baino lehentxeago, Legazpin gorpu bat agertu dela jakin du Ertzaintzak. Deba Urolako ertzain-etxeko agenteak eta mediku bat bertaratu dira, eta hilda zegoela baieztatu dute. EITBk jakin duenez, hilketa bat izan daiteke.
Bi atxilotu Bilboko diskoteka baten irteeran izandako borroka jendetsu baten ondorioz
Hogeita hamar bat pertsonak parte hartu dute gertakarietan. Osasun-langileek ospitalera eraman dituzte zaurituak, horietako bat atxilotu gisa.
Hirugarren pertsona bat atxilotu dute astelehenean Algortan gizon bati egindako erasoagatik
Getxoko Udaltzaingoak 25 eta 20 urteko beste bi gizon atxilotu ditu aste honetan, bi eraso-delitu egotzita.
Bilboko Konpartsek adierazi dute ez dutela onartuko "eraso sexistarik, arrazistarik edo LGTBIfobikorik", ezta "poliziaren indarkeriarik" ere
Txosnak "erreferentzia-puntuak" izango dira erasoak jasan edo ikusi dituztenentzat.
Gizon baten gorpua aurkitu dute Legazpin
EITBk jakin duenez, hilketa bat izan daiteke. Gorpua Gipuzkoako udalerriko eraikin batean aurkitu dute, senideek haren desagerpena salatu eta bi egunera.
"Festara" tradizionalak donostiarrak hunkitu ditu aurten ere
Bart, gauerdia baino lehentxeago, Donostiako Parte Zaharreko Gaztelubide elkartearen atarian, jendetza bildu da "Festara" tradizionala gertutik ikusi eta entzuteko. Donostiako Aste Nagusiko ezinbesteko hitzorduetako bat bihurtu da.
Eraso arrazisten aurkako protokolo espezifikoa aktibatuko du Bilbok Aste Nagusian
Errespetu Nagusia kanpainaren barruan, Bizkaiko hiriburuko Udalak eraso arrazisten aurrean aholkatzeko eta jarduteko protokolo espezifikoa jarriko du abian aurten ere.
Begoñako Amak milaka erromesen bisita jasoko du gaur
Bilboko Begoñako Basilikak milaka lagun hartuko ditu gaur Bizkaiko zaindaria ondratzeko. Goiztiarrenak goizean goiz iritsi dira tenplura, eguna argitu baino lehen.