Pirotecnia Valencianak eskuratu du aurtengo Urrezko Maskorra Donostiako Aste Nagusiko Su Artifizialen Nazioarteko Lehiaketan
Urrezko Maskorraren irabazlea, saria jaso berritan. Argazkia: EITB Media
Pirotecnia Valenciana ezagunak eskuratu du aurten Urrezko Maskorra urtero Donostiako Aste Nagusiko su artifizialak saritzen dituen Nazioarteko Lehiaketan. Halaber, Castelloko Peña Roja pirotekniari eman diote lehenengo postua aurtengo Super Amara Epaimahai Gazte Sariaren palmaresaren baitan.
Larunbat goizean eskainitako prentsaurrekoan epaimahai gazteko kideek aitortu dutenez, "zaila" izan da irabazlea aukeratzea, aurten "maila altua" izan baita. "Koloreen aukeraketa, espazioaren erabilera, erritmoa, orijinaltasuna eta amaierako traka" aipatu dituzte Peña Roja garaile hautatzeko arrazoien artean. Alfonso Reiriz Super Amarako marketin arduradunak eman die golardoa.
Epaimahai gazteko kide den Ainara Delgadok palmaresa hautatzen ordubete (10:30etik 11:30era, hain zuzen) eman dutela esan ostean, Epaimahai Ofizialaren sariak banatu dituzte.
Antonio Blancok izan du Brontzezko Maskorra emateko ardura, eta IP Innovative Pyrotechnik alemanarentzat izan da. Zilarrezkoa, berriz, Peña Rojak eskuratu du beste behin, eta Abril di Palmak eman dio horren ordezkariari. Amaitzeko, Pirotecnia Valenciana ezagunak jaso du Urrezko Maskorra, Jon Insausti Kultura, Euskara eta Turismo zinegotziaren eskutik.
Larunbat gau honetan bertan, Donostiako Su Artifizialen Nazioarteko Lehiaketaren 60. urteurrena ospatzeko Kontxako badiaren gaineko ikuskizun piromusikal batek eta Leire Martinez La Oreja de Van Gogh taldeko abeslari ohiak eskainiko duten kontzertuak emango diote amaiera 2025eko Aste Nagusiari.
Zure interesekoa izan daiteke
Berehalako trafiko-kontrolak ezarri dituzte Oiartzunen eta Irunen, hirigunean zirkulazio-arazoak saihesteko
Ertzaintzak Oiartzungo landa-bideetako sarbideak zainduko ditu bereziki, mugan harrapatutako ibilgailuek ordezko bideak erabil ez ditzaten. Irunen, Udaltzaingoak iragazkiak ezarriko ditu, igarobideko trafikoak hirigunea kolapsatu ez dezan. Ostegun honetan, 10 kilometrorainoko auto-ilarak sortu dira Biriatun, Baionarako noranzkoan.
Hamar urteko mutiko bat hil da Burlatako etxebizitza batean izandako sutearen ondorioz
Sua hartu duen eraikineko hirugarren solairuko leihoetako batetik erori da eta ospitalera eraman dute, larri, kolpe ugarirekin.
14 dira Donostiako gozoki-saltzailearen sexu-erasoen biktimak
Ertzaintza 6 urteko epea ikertzen ari da, salatutako gertakarietako batzuk 2020koak baitira. Ustezko egilea behin behineko espetxealdian dago uztailaren hasieratik.
Anboto mendian 30 metroko altueratik erori ostean erreskatatutako 18 urteko emakume bat hil da
Istripua atzo, asteazkena, gertatu zen. Bi lekukok eman zuten abisua, gailurraren iparraldean biktima bihotz-arnasketako geldialdian zegoen bitartean, haren ondoan laguntza eske oihuka ari zen mutil bat prismatikoekin ikusi ostean. Gaur hil da gaztea, Gurutzetako ospitalean.
Urzainkiko suteak aktibo jarraitzen du, eta garrak perimetratzea da orain lehentasuna
Iñaki Elias Nafarroako suhiltzaileen buruak esan duenez, ez dago arriskurik herritarrentzat, baina eremu oso malkartsua izateak asko zailtzen ditu sua itzaltzeko lanak. Azken orduetan 4x4 ibilgailuentzako eta mangerentzako bideak irekitzea lortu dute, eta, horri esker, errazago heldu ahal izango diote suari, lurrez; airez, zortzi helikoptero ari dira lanean.
Enpresen iruzurrerako sare bat desegin dute Bilbon eta Castron
Guardia Zibilak bost pertsona atxilotu ditu talde kriminaleko kide izatea, iruzur egitea, dirua zuritzea, dokumentuak faltsutzea eta egoera zibila usurpatzea egotzita.
Izarrako igerilekua gaur itxi dute, ur eskasia dela eta
Urkabustaizko Udalak (Araba) udal igerilekuen denboraldia ohi baino lehenago ixtea erabaki du, ur kontsumo handia eta akuiferoen agortzea tarteko.
1.200 pertsona migrantetik gora lekualdatu dituzte Ceutako El Trampolin hondartzatik harrera-gune berrietara
Goizean ekin diote pertsona migratzaileak lekualdatzeko lehen faseari, uztail amaieran Ceutan izandako oldearen ondotik hondartza hustu asmoz. Lekualdatzea oinez eta taldeka egin da, inolako isitilurik gabe. Lekualdatutako ia erdiak hondartzara itzuli dira; gehienak, beren gauzak berreskuratzera, baina batzuk berriro han lo egiteko asmoz bueltatu dira.
Behi bat erreskatatu dute sasi artean, Faltzesko bosgarren entzierroan lubetatik erori ostean
Behia mugitu ezinik egon da hainbat minutuz, sasiz eta sastrakaz estalitako eremu batean harrapatuta. Azkenean, animalia bere kabuz irteten saiatu da, baina ez du askatzea lortu. Egoera horren aurrean, erreskate bat jarri da martxan, auzolanean sokak jarrita, zezena harrapatuta geratu den eremutik ateratzeko.
Rigloseko sutea egonkortu dute 14.500 hektarea kiskali ostean
Goizean Centenero, Ena eta Botayan herrietako bizilagunak beren etxeetara itzuli dira, atzo beste 13 herritako 583 bizilagunek egin bezala.