71 urteko eskalatzaile bat erreskatatu dute Bidankozen, onik baina akituta
Gizona esekita geratu da via ferrata bat egiten ari zela.
Erreskatearen irudi bat. Argazkia: Nafarroako Suhiltzaileak
Nafarroako Suhiltzaileek onik erreskatatu dute 71 urteko eskalatzaile bat Bidankozeko via ferratan, 30 metroko altueran. Onik zegoen, baina bidea jarraitzeko indarrik gabe geratu da.
SOS Nafarroak jakinarazi duenez, 11:51n gertatu da, NA-2130 errepideko 10,5 kilometroan, Bidankozen mendi-ibilaldiak eta eskalada uztartzen dituen via ferratan.
Bertara joan dira Nabaskozeko suhiltzaileak, Erreskate Teknikoko Taldeko kideak, helikopteroz, eta foruzainak. Eskalatzailea erreskatatu behar izan dute, indarrik gabe geratu baita, baina ez du arreta medikorik behar izan.
30 metroko altueratik zintzilik zela, Erreskate Teknikoko Taldeko kideak helikopteroz eraman dituzte gizona zegoen lekura, eta Nabaskozeko suhiltzaileen laguntzarekin atera dute.
Gizarteari buruzko albiste gehiago
Gizon bat atxilotu dute Espejon, eskuan matxete bat eramateagatik
Desobedientzia eta agintaritzari aurre egitea leporatu diote, baita arma zuriz mehatxu egitea ere.
Suteen bilakaera ona da, baina oraindik ere foku aktiboak daude Gaztela eta Leonen, Galizian eta Asturiasen
Gaueko tenperaturen jaitsierak sua itzaltzeko lanetan lagundu du, baina egoera zaila da oraindik. Larunbat goizean lortu dute Galizian inoiz izan den suterik latzena egonkortzea, Laroucokoa, Ourensen.
Giro bikaina Aste Nagusiko bigarren larunbatean
Giro bikaina sortu da Bilboko kaleetan Aste Nagusiko bigarren larunbatean. Ohikoa den bezala, asteburuak izaten dira jaietako egunik jendetsuenak.
12 migratzaile desagertu dira Cabrera uhartetik gertu uretara salto egin ostean
Espainiar lurraldera iritsi nahian zebiltzan magrebtar jatorriko 12 pertsonaren bila ari dira, ostiral arratsaldean Cabreratik gertu patera batetik uretara salto egin eta desagertu zirenetik. Ontzian 26 pertsona zihoazen guztira, migratzaileek azaldu zutenez. Horietatik 12 desagertuta daude eta 14 erreskatatu dituzte. Martxan da bilaketa-dispositiboa.
Herbehereetako Caffero pirotekniak irabazi du Bilbao Hiria Su Artifizialen Nazioarteko XXXIII. Lehiaketa
Lehiaketa honek Publikoaren Saria ere ematen du, baina irailean emango dute ezagutzera.
Osasun kontrolik gabeko 180 kilo janari konfiskatu dizkiete kale-saltzaileei Bilboko Aste Nagusian
Iazko Aste Nagusian atzemandakoaren bikoitza da, eta oraindik ez dira jaiak amaitu.
Bizilagunek protesta egingo dute larunbat honetan Bilboko Martzana kaian, "atsedenerako eskubidea" aldarrikatzeko
Kaltetutako bizilagunek mobilizazio batera deitu dute 21:00etan kaian. Berriki 100 sinadura baino gehiago eraman dituzte udaletxera, zarata amaitu dadin euren atsedena bermatzeko.
Arazo tekniko batek 15 minutuko etenaldia eragin du bart Bilboko su artifizialetan
22:40 aldera eten zen ikuskizuna, eta 22:55 zirenean eman zuen amaitutzat azken traka indartsu batek.
Salamancan uda pasatzen ari zen Irungo boluntario bat hil da Espainiako baso-suteetan
Antza denez, boluntario gisa parte hartu zuen Ciperez (Salamanca) herrian piztutako sutea itzaltzeko lanetan, eta kea arnasteagatik ospitaleratu eta egun batzuetara hil da. Gaztela eta Leongo Juntak, berriz, oharra kaleratu du heriotza horrek suteekin inolako loturarik ez duela esanez.