Eguraldiak baso-suteak itzaltzeko lanak zaildu ditu berriro Zamora eta Leonen
Arriskuak muturrekoa izaten jarraitzen du, eta arrisku-maila ez da jaitsiko ostegunera edo ostiralera arte. Hori dela eta, arreta handiz jarraitzeko deia egin dute agintariek.
Baso-sutea, astelehen honetan. Argazkia: EFE
Eguraldiak nabarmen zaildu ditu Iberiar penintsulan piztuta dauden baso-suteak itzaltzeko lanak, eta uneotan kezka gehien sortzen duten 14 sute daude Gaztela eta Leonen, Galizian eta Asturiasen. Azken orduotan su batzuk berpiztu dira, eta Porto (Zamora) eta Garaño (Leon) herrietako suteen ondorioz ebakuazio gehiago egin behar izan dira.
Arriskuak muturrekoa izaten jarraitzen du, eta arrisku-maila ez da jaitsiko ostegunera edo ostiralera arte. Hori dela eta, agintariek kontu handiz ibiltzeko eskatu diete herritarrei.
Bien bitartean, Guardia Zibilak 75 urteko gizon bat atxilotu du Gaztela eta Leonen, Molinaseca (Bierzo) herrian piztutako sutearen ustezko egilea delakoan. Hain zuzen ere, sute horrek eragin ditu kalte gehien Gaztela eta Leonen azken orduotan.
Gaztela eta Leonen duela hiru aste piztu zen lehen baso-sutea, eta egoera nahiko kezkagarria da oraindik inguruan. Zamoran, adibidez, Sanabria inguruko bost herri husteko agindua eman berri dute. Horietako lau aurreko egunetan ebakuatu zituzten, abuztuaren 14an Porton piztutako sutearen ondorioz. Zehazki, honako udalerri hauek dira kaltetutakoak: San Ciprian de Sanabria, Coso, Rabano, Barrio de Rabano eta Escuredo. Sua Leonen da jada, eta suhiltzaileek oraindik ez dute lortu kontrolpean hartzea.
Portoko sute basatiak, Zamora eta Leon probintziei eragiten dienak, hiru fronte aktibo ditu oraindik; hain zuzen ere, kezka handiena eragiten duena Cabrera mendilerrokoa da, La Carballeda eskualdea mehatxatu dezakeelako. Zamoran egoera Leonen baino zertxobait hobea bada ere, sugarrek La Bañatik aurrera egin dute Cabrerarantz, ziurgabetasun handia sortuz. Beste bi fokuek, bata San Ciprián de Sanabria inguruan eta bestea Tera arroiluan, kontrol handiagoa dute, nahiz eta etengabeko zaintza behar duten.
Gainera, Garaño (Leon) inguruko sutearen ondorioz, bi herri hustu behar izan dituzte: Mora de Luna eta Vega de Caballeros. Guztira, 90 pertsona ebakuatu dituzte. Litekeena da sutea nahita piztu izana, eta igandetik hona herri hauek ebakuatu behar izan dituzte: Viñayo, Piedrasecha, Portilla de Luna eta Seguera de Luna. Guztira, 180 pertsona atera dituzte etxetik.
Bestalde, Galiziako Xuntak larrialdi-egoerako 2. maila aktibatu du beste sute baten ondorioz, A Pobra do Brollonen, Lugoko probintzian. Galizian, gainera, hiru baso-sute aktibo daude Ourense probintzian. Abuztuaren 8an Galizian hasi zen baso-suteen boladak 92.000 hektarea erre ditu dagoeneko.
Abuztuaren 13an lehen sutea piztu zenetik larunbatera arte, 5.500 hektareatik gora erre dira Asturiasen; gehienak, erabilera publikoko mendietan. Une honetan, kezka oso handia eragiten duten bost baso-sute daude piztuta, horietako hiru Degaña, Cangas del Narcea eta Somiedon, eta bi Ponga eta Cabralesen.
Jarillako (Caceres) baso-sutea abuztuaren 12an piztu zen, eta dagoeneko kontrolpean dago. Extremadurako historiako suterik handiena piztu eta hamahiru egunera lortu dute baretzea. 17.355 hektarea erre ditu, 170 kilometroko perimetroan.
Gizarteari buruzko albiste gehiago
:eitb-banner?$eitb-banner$&fmt=webp-alpha&qlt=80)
'Alice' depresio isolatuak alerta egoeran jarri du penintsulako Mediterraneoko kostaldea
Alice goi-geruzetako depresio isolatuak euri-jasak eta uholdeak utzi ditu Mediterraneoko kostaldeko herri askotan, bereziki Valentziako Erkidegoan, Murtzian eta Balearretan. Valentziako Erkidegoa izan da kaltetuenetako bat, Gandiako (Valentzia) hainbat tokitan metro koadroko 110 litro baino gehiago pilatu baitituzte lau orduan. Estatuko Meteorologia Agentziak (Aemet) alerta aktibatu du, eta prezipitazioak astelehenera arte izango direla iragarri du.
Bost pertsona zauritu dira Gendulainen, kamioi baten eta auto baten arteko talkan
Istripuaren ondorioz, Bideko Autobidea (A-12) itxi dute, Iruñerako noranzkoan, eta NA-1110 errepidetik (Galar-Viana) desbideratzen ari dira zirkulazioa, Foruzaingoak jakitera eman duenez.
100.000 biztanleko 15 psikiatrako ratioarekin, EAE da Estatuan arreta psikiatriko gehien ematen duena
Osasun mentaleko arretan, gizartean eragin handia duten arazo konplexuei aurre egiteko proiektu estrategikoak garatzen ditu Osakidetzak, hala nola suizidioaren prebentzioa, lehen gertakari psikotikoetan esku hartzea edo elikadura-nahasmenduen arreta.
Bilboko saltoki batek salgai dituen 65 telefono lapurtutakoak ote diren ari dira ikertzen
Ohar baten bidez, Udalak jakinarazi du Mariaren Bihotza plazan dagoen denda miatu ondoren, bi pertsona ari direla ikertzen, delitua egin dutelakoan.
Osasunaren kalterako baldintzetan prostituitzera behartuta zeuden bost emakume askatu dituzte Donostian
Sexu askatasunaren aurkako delituak jazartzeko ikerketa ekainean hasi zuten. Operazioan, hiru lagun atxilotu dituzte eta Donostiako Isabel II.aren hiribidean zegoen prostituzio etxe bat desegin dute.
Ikasleen ongizate emozionala zaintzeko ingurune positiboak sustatzen dituzte eskola askotan
Ikasleen ongizate emozionala gero eta garrantzitsuagoa da eskolan. Hori dela eta, txikitatik erabateko arreta eta emozioen autogestioa kudeatzen irakasten diete eskola-giroan, irakasleek haurren garapenean duten eginkizun eragingarria sustatzeko.
Alice depresioak 120 l/m2 utzi ditu Cartagenan eta 100 l/m2 Valentziako Erkidegoko toki batzuetan, baina ez du gorabehera larririk eragin
Murtziako 12 udalerritan bertan behera utzi dituzte eskolak, eta erkidegoko hainbat bide eta errepide itxi behar izan dituzte.
"Aldez aurretik salaketarik ez badago, Administrazioek ezin dute jarduera pribatuetan esku hartu"
Bernedoko udaleku polemikoen auzia mintzagai izan du Arabako Kultura eta Kirol foru diputatuak. Dagoeneko 18 salaketa jarri dira kanpaleku horietan sexu-askatasunaren aurka egin omen ziren delituengatik.
2026ko Araba euskaraz jaia Amurrion egingo da, ekainaren 14an
Amurrioko Aresketa ikastola laguntzeko egingo da datorren urteko Araba Euskaraz jaia, "Taupadak berpiztu!" lelopean. Logotipoa, berriz, bihotz baten erdira doan txinparta da. Azken lau urteetan Arabako zortzi ikastolek elkarlanean antolatu dute Araba Euskaraz jaia Gasteizko Olarizu parkean. 2026ko edizioari begira, bi berritasun nagusi daude: batetik, Amurrion ospatuko da, ez Olarizun; bestetik, jaiaren antolakuntzaren pisurik handiena Aresketa ikastolak hartuko du bere gain, nahiz eta Arabako gainerako zazpi ikastolek ere lagundu.
"UNRWAk laguntzaz betetako kamioiak ditu Gazatik hiru ordura"
Barbara Ruiz Balzola UNRWA Euskadiren arduradunak adierazi duenez, Israelen baimenaren zain daude Gazan sartu eta laguntza banatzen hasteko. "Gazako egoera apokaliptikoa da. 50.000 haurrek desnutrizio akutua dute", gaineratu du.