Bost pertsona zauritu dira Valtierran, bi autok elkarren kontra talka eginda
Istripua astearte arratsaldean gertatu da, N-121 errepidearen 72,4 kilometroan. Gurutze-bide batean bi ibilgailuk elkarren kontra talka egin dute. Suhiltzaileek 16 urteko gazte bat autotik atera behar izan dute, harrapatuta zegoelako.
Bost pertsona, tartean hiru adingabe, zauritu dira astearte arratsalde honetan N-121 errepidean, trafiko-istripuz, Valtierra parean (Nafarroa). SOS Nafarroak ohar bidez jakitera eman duenez, bi autok elkarren aurka talka egin dute, astearte honetako 20:43ak aldera.
Istripuaren berri jaso dutenean, Peralta eta Tuterako suhiltzaileak, Valtierrako mediku-talde bat, anbulantzia medikalizatu bat, oinarrizko bizi-euskarridun hiru anbulantzia, Foruzaingoko eta Guardia Zibileko patruilak bertaratu dira.
Ezbeharra N-121 errepidearen 72,4 kilometroan jazo da, Valtierra parean. Bi ibilgailuk elkarren kontra jo dute, gurutze-bide batean. Suhiltzaileek 16 urteko gazte bat autotik atera behar izan dute, ezin irten zegoelako, harrapatuta. Zauri larriak ditu eta Nafarroako Ospitalera eraman dute.
Gainerako zaurituak Tuterara eraman dituzte, Sofia Erregina Ospitalera: zauri arinak dituen 8 urteko haur bat, 46 urteko emakumezko bat (behaketan dago), kolpeak dituen 16 urteko gaztea eta toraxean eta aurpegian zauriak dituen 22 urteko emakumezkoa.
Guardia Zibilak ikerketa abiatu du, istripuaren nondik norakoak argitzeko.
Gizarteari buruzko albiste gehiago
116.123 ikaslerekin hasi da ikasturtea Nafarroan; % 67,8, sare publikoan
Ikasturte honetan eskolara hasiko diren 3 urteko haurren % 30 B eta D ereduetan hasiko dira.
Gernika-Palestinak oso positibotzat jo ditu Vueltako mobilizazioak eta ostiraleko protestetan parte hartzeko deia egin du
Bihar, irailak 5, 130 udaletxeren baino gehiagoren aurrean egingo dituzte protestak, aipatu ekimenak deituta. Hamaikagarren etapa "Palestinak" irabazi zuela defendatu dute Gernika-Palestina plataformaren ordezkariek.
Oscar Guerrero, Israel-Premier Techen zuzendaria: "Ez dugu borondatez Vuelta utziko"
Israelgo taldearen zuzendariak esan du bazekiela Euskal Herrian ibiltzea "gogorra" izango zela, eta gaineratu du kirol zuzendari gisa bere ibilbideko egunik txarrenak ari direla izaten.
Laredotik atera da Vueltako 12. etapa, Israelen aurkako protesta artean
300 pertsona inguru bildu dira bertan Israel-Premier Tech taldea txirrindulari probatik kanporatu dezaten aldarrikatzeko. Palestinako bandera ugari eta hildakoen argazkiak izan dira ikusgai, eta hainbat aldarri bota dituzte, "Israel, genozida" eta "Stop genozidioa", besteak beste.
11 hildako izan dira EAEko errepideetan uda honetan, 2024an baino hiru gehiago
Trafikoko udako operazioetan, hamaika pertsona hil dira Euskadin ekaina eta abuztua bitartean, iazko udan baino hiru gehiago. Halere, istripu eta zauritu larri eta arinen kopuruak behera egin du.
Radio Vitoriak argi eta soinuzko ikuskizun handia prestatu du 90. urteurrena ospatzeko, eta zuzenean jarraitu ahal izango da eitb.eus-en
'Batzen gaituen ahotsa' izeneko ikuskizunak azken 90 urteetako gertaera garrantzitsuenen errepaso bisuala egingo du, irratiaren soinuaren bidez, dantza eta musika emanaldiak bilduko dituen taularatzea eginda. Gonbidatu izango dituzte, besteak beste, Ramiro Gonzalez Arabako ahaldun nagusia, Maider Etxebarria Gasteizko alkatea eta Andoni Aldekoa EITBren zuzendari nagusia. Ekitaldia zuzenean jarraitu ahal izango da irrati bidez, eitb.eus-en eta GUAU plataforman, 21:00etatik aurrera.
Pedrosa: "Segregazioaren aurkako lantaldea datorren astean bilduko da, Hezkuntzaren etorkizunari buruz hausnartzeko"
"Maiatzerako prozesua amaitu eta oinarriak ezarri nahi ditugu. Hezkuntzan etorkizunari begiratu behar zaio beti, eta adostutako erabakiak hartu egin behar dira, erronka demografiko eta aldaketa sozial oso handiak baititugu Euskadin", esan du Hezkuntza sailburuak.
13 urteko mutiko bat larri zauritu da Villatuertan, quad-istripuz
Ezbeharra landa-bide batean gertatu da, goizaldean, Regacho de Arantzadia paraje inguruan.
Palestinarekin Elkartasuna plataformak elkarretaratzea deitu du arratsalderako Bilbon, Vueltako protestetan atxilotutakoei babesa adierazteko
Israelgo txirrindulari-taldearen aurkako protestek Vueltako helmuga hiru kilometro aurreratzera behartu zuten atzo Bilbon Kale Nagusian. Palestinarekin Elkartasuna plataformaren hitzetan, "Palestinak garaitu du", eta "IPT talde sionista kanporatzeko lehen urratsa" izan daiteke. Era berean, Bingen Zupiria Segurtasun sailburuak "Palestinaren aldeko ekintzak kriminalizatu izana" deitoratu du.
Askatu dituzte Vueltako etapan Bilbon atxilotutako hiru lagunak
Atxilotuak epaileak noiz deituko zain daude.