Gau tropikalak gero eta ohikoagoak dira
Egunez bero eginda ere, askok eta askok gauez tenperaturak jaistea eskertzen dute, lo lasai egin ahal izateko. Alabaina, gero eta ohikoagoak dira gure artean 20 gradutik behera jaisten ez diren gauak. Azken urteetan, nabarmen ugaritu dira horrelako gauak astelehen honetan argitaratu den EITB Data txostenaren arabera.
Adibide gisa, Tuteran horrelako 12 gau izan zituzten 2010 urtean. 2022an 34 gau bero jasan behar izan zituzten, Nafarroan inoiz errejistratu den zenbaki altuena. Aurten, berriz, 25 izan dituzte.
Kostaldean ere gora egin dute horrelako gau kopuruek 2015tik gaur arte. Getxoko Galeako estazio meteorologikoan 20 gau tropikal zenbatu dituzte aurten. 2022an zortzi izan ziren eta 2018an, bost.
25 gradu inguruko anplitude termikoa
Alabaina, kontrako fenomenoa ere gertatu da hainbat aldiz uda honetan: tenperaturen aldaketa bortitzak edo anplitude termikoa.
Pirinioetatik gertu dauden udalerrietan bereziki nabaritu dute. Esate baterako, abuztuaren 17ko goizaldean 12 gradu zituzten Izaban eta, eguerdirako, 41 ºC-ra iritsi ziren. Ia 30 graduko aldea izan zuten.
Abuztuaren 15ean, 17,3 ºC-rekin hasi zuten eguna Dulantzin. Ordu batzuk geroago, termometroek 40,4 graduak harrapatu zituzten.
MAXIMO ETA MINIMOAK EAE-N
MAXIMO ETA MINIMOAK NAFARROAN
Gau tropikalek zein tenperaturaren bat-bateko aldaketek eragina izan ohi dute pertsonen atsedenean eta osasunean. Loaren nahasmendua, gogo-aldartean eragiten dute eta heriotza-tasa handitzen dute.
Aurten, Epidemiologia Zentro Nazionaleko MoMo sistemak 114 heriotza egotzi dizkio beroari Euskadin eta 71 Nafarroan.
Zure interesekoa izan daiteke
Jose Maria Guibert Deustuko errektore ohia hil da
Astelehen honetan izango da hileta, 19:00etan, Loiolako Santutegian. Gainera, bai Bilboko campusean, baita Donostiakoan ere ekitaldi liturgikoak egingo dira ondorengo egunetan.
Munduko herri zapalduei elkartasuna adierazi eta Picassoren 'Guernica'k Euskal Herrian egon beharko lukeela aldarrikatu dute Bilbon
Gernikako bonbardaketaren 89. urteurrenarekin bat eginez, protesta ekintza egin dute gaur Bilboko Guggenheim museoaren atarian, Picassoren Guernica irudikatzen zuten oihal handi batzuk zabalduta. Margolana Euskal Herrian egon beharko litzatekeela aldarrikatu dute eta "munduko herri zapaldu guztiei elkartasuna adierazteko eta inperialismoaren erasoa salatzeko" ere baliatu dute protesta.
Dantza eskoletako ikasleek erakustaldia egin dute Kontxako pasealekuan
Gipuzkoako eta Bizkaiko hainbat udalerritatik iritsitako 1.500 ikasle inguru izan dira Donostian, eta eguzkipean egin dute dantza, irudi ederra utziz. Asteazkenean ospatuko den Dantzaren Nazioarteko Egunaren kariaz antolatu duten ekitaldietako bat izan da Kontxakoa.
Milaka lagunek Nafarroaren eguna ospatu dute Baigorrin
Basaizea elkarteak antolatuta, 1979tik egiten den eta euskal kulturaren sinbolo bilakatu den festa. 'Estatu zapaltzaileen aitzinean, herri erresistentzia' lelopean aurten. Bertsolariak, ikuskizunak, haurrentzako ekintzak, bazkaria eta kontzertuak gaueko ordu txikiak arte izango dira eguna ospatzeko.
Sahararrek manifestazioa egin dute Bilbon, Saharako Errepublika Arabiar Demokratikoaren alde
Dozenaka pertsonak, batez ere sahararrak, Bilboko kaleetara irten dira, Saharako Errepublika Arabiar Demokratikoaren 50. urteurrenean. Bost hamarkadako gatazka eta erbestearen ondoren, Marokoren okupazioa salatu eta autodeterminazioa eskatu dute.
Gernika Palestina herri ekimenak gogoan izan ditu genozidioak hil dituen haurrak, Donostian egindako manifestazioan
"Gernikaren herritik: genozidiorik ez, gerrarik ez" leloa lagun, gizarte eta kultur arloko aurpegi ezagunak batu dira pankarta atzean. Manifestazioan salatu dute Gazaren zapalkuntza eskualde osora zabaltzen ari direla Israel eta AEB.
Bilbon kalean aritzen diren artistek protesta egin dute, terrazetako udal araudi berriak euren jarduera mugatzen duela salatzeko
Bilbon kalean aritzen diren artistek protesta egin dute eguerdian. Terrazetako udal araudi berriak euren jarduera mugatzen duela salatu dute. Kaleak musikarik eta arterik gabe gera litezkeela uste dute.
Gizon bat hil da Los Arcosen, bere autoak harrapatuta
Hildakoa 90 urteko gizon bat da, eta bere ibilgailuak harrapatu du, oraindik ikertzen ari diren arrazoiak tarteko.
Bi pertsona atxilotu dituzte Murtzian, ia 100.000 euroko iruzurra egiteagatik Gipuzkoako Udal bati eta enpresaburu bati
Susmagarriek "Man in the middle" metodoa erabiltzen zuten ordaintzeke zeuden fakturetan aldaketak eginez zenbatekoa euren kontuetan jasotzeko.
Lanbide Heziketako plazen erdiak emakumeentzat gordeko dira EAEn
Hala erabaki du Hezkuntza Sailak, emakumeen presentzia txikia iraultzeko.