Labar pinturak dituen historiaurreko aztarnategi bat aurkitu dute Gamiz-Fikan
Bizkaiko Foru Aldundiak jakinarazi duenez, Juan Carlos Lopez Quintanak eta Juan Carlos Izagirrek aurkitu zuten, Atxispeko San Pedro ermitaren ingurunea berreskuratzeko interbentzio programa baten baitan, 2025eko ekainaren 26an. Haitzuloa ikertu duten adituen arabera, eremu kantauriarrean dokumentatutako lehen hipogeo mistoa da.
Historiaurreko aztarnategi berri bat aurkitu dute Gamiz-Fikan (Bizkaia), labar pinturak dituena, Bizkaiko Foru Aldundiak gaur jakinarazi duenez.
Atxispeko San Pedro ermitaren ingurunea berreskuratzeko interbentzio programa batean parte hartzen ari zirela, Erlapiku aztarnategia aurkitu zuten Juan Carlos Lopez Quintanak (Agiri) eta Juan Carlos Izagirrek, 2025eko ekainaren 26an.
Bizkaiko Foru Aldundiak gaur eman ditu aurkikuntzari buruzko xehetasunak, gaur goizean, Arkeologia Museoan egin den prentsaurrekoan. Leixuri Arrizabalaga Euskara, Kultura eta Kiroleko diputatuak ez ezik, Iñaki Intxaurbe eta Juan Carlos Lopez Quintana arkeologoek ere parte hartu dute.
Foru diputatuak adierazi duenez, aurkikuntza "pozgarria eta baliotsua da, eta aukera ematen digu ilunean zetzan historia-etapa bati argia emateko. Erakustera ematen digu egun Bizkaia den lurraldean bizi ziren pertsonak ez zeudela bakartuta eta komunitate zabalago baten parte zirela".
Kantauri aldeko lehen hipogeo mistoa
Erlapiku aztarnategia hipogeo izeneko koba artifiziala da, eremu kantauriarrean dokumentatutako lehen hipogeo mistoa. Koba ikertu duten adituen arabera, historiaurrean egindako (k.a. 5000-1000) labar pinturak ditu barruan.
Guztira, pinturak dituzten bost panel daude guztira, eta gutxienez 25 irudi, pigmentu tonu birekin eginak: gorria eta beltza. Giza figura eskematikoak dira, zenbaitetan gorputza eta besoak bakarrik ageri dira, eta beste batzuetan zirkulu batean itxita daude buruaren gainean.
Bizkaian arte eskematikoa ageri den lehen tokia
Aipaturiko aztarnategia bi ikertzaile independentek egin dute, labar artean espezialistak eta erreferente nagusiak direnak: Diego Garate Maidagan (Kantabriako Unibertsitatea) eta Primitiva Buenok (Alcala de Henaresko Unibertsitatea).
Horiek egindako txostenen arabera, badaude nahikoa arrazoi aurkitutako pinturak historiaurrekoak (k.a. 5000-1000) direla pentsatzeko. Halaber, koba momentu ezberdinetan margotu zutela uste dute.
Irudikatutako marrazki horien antzekoak aurkitu izan dituzte Kantauriko aztarnategiren batean (Peña Tu edota El Castillo, adibide) eta Arabako kobazulo batzuetan (Socuevas de San Miguel eta Las Yurdinas). Hala ere, orain arte ez da arte eskematikoaren adibiderik aurkitu Kantauri aldean.
Labar pintura berriak Armintxe koban
Gaurko aurkezpenean halaber iragarri dute labar pintura berriak aurkitu dituztela Lekeitioko Armintxe koban.
Azaldu dutenez, aurkikuntza horiei esker zehatzago baloratu ahal izango dute nolakoak diren kobaren uholde prozesuak, nola eragiten dioten labar arteari eta zer neurri hartu behar diren behar bezala kontserbatu ahal izateko kontserbatzeko.
Zure interesekoa izan daiteke
EAEn 13.297 haur jaio ziren 2025ean, 2024an baino %2,8 gehiago
2025eko azken hiruhilekoan, 3.438 jaiotza izan ziren Euskal Autonomia Erkidegoan, hau da, iazko aldi berean baino % 6,1 gehiago, Eustaten datuen arabera.
Pertsona bat zauritu da Donostiako Herrera auzoko pabiloi batean, ustez eragindako sute batean
Beste hiru lagun tokian bertan artatu dituzte, kea arnasteagatik. Lehen ikerketen arabera, itxuraz, sutea nahita piztu dute. Udaltzainek hainbat pertsona atxilotu dituzte, eta ez dute baztertu gehiago atxilotzea, ikerketa oraindik irekita baitago.
Leioak gauerdira arte luzatu du TAOaren ordutegia
Udalbatzak erabaki hori hartu du arratsalde-gauean Leioako hiru TAO guneetan (Pinueta, Lamiako eta Ibaiondo) aparkatzeko arazoak izaten direlako, Getxoko bizilagun askok hor uzten dutelako autoa.
Auto-ilarak AP-8 autobidean, Basaurin, Donostiarako noranzkoan, istripu baten ondorioz
Ezbeharrak trafiko-arazoak sortu ditu AP-8ko hainbat puntutan, bereziki Malmasingo tuneletan.
Albiste izango dira: Maialen Mazonen ustezko hiltzailearen aurkako epaiketa, Zubietako espetxearen gaineko eskumena aldatzea eta Ekain Ricori elkarrizketa Radio Euskadin
Gaurkoan Orain-en albiste izango direnen laburpena, bi hitzetan.
Maialen Mazonen hilketaren epaiketa martxan da, herri-epaimahaiaren hautaketarekin
Akusazioek 45 urteko kartzela zigorra eskatzen dute ustezko hiltzailearentzat, Zigor Kodeak baimentzen duen zigorrik handiena. Zehazki, 25 urte azpikeriaz eta ankerkeriaz egindako hilketagatik, 8 urte bi abortu delituengatik eta 4 urte adingabea abandonatzeagatik.
Gorpu bat agertu da Zaratamoko Arkotxa auzoan, errepide ondoan
Igande arratsaldean aurkitu dute gorpua, abandonatutako hainbat industria-pabiloiren ondoan. Ertzaintzak ikerketa abiatu du gertatutakoa argitzeko.
Israelek "nazioarteko zuzenbidea urratu" duela salatu dute Iruñean
Elkarretaratzean, atxilotutako bi ekintzaileak askatzeko eta ontziei Gazara iristen eta laguntza humanitarioa ematen uzteko eskatu dute, besteak beste.
Putzu handiak egin dira Jundizko industrialdean euriteen ondorioz eta urak trenbidea zein errepideak hartu ditu
Iluntzean Gasteizen bota duen erauntsiak putzu ikaragarriak sortu ditu Jundizko industrialdean. Irun eta Madril lotzen dituen trenbideko zati bat urak hartu du. Industrialdeko errepideak ere hartu ditu urak, eta ibilgailuak kontu handiz igaro behar izan dute bertatik.
1.500 emakumek erasoak jasan dituzte Euskadin martxora arte, % 69,4k bikotekideek edo bikotekide ohiek eragindakoak
Delitu motaren arabera sailkatuta, ugaritu egin da familia barruko indarkeria —ez ditu bikotekideak edo bikotekide ohiak kontuan hartzen—. Guztira, 298 biktima izan dira martxora arte, hau da, aurreko urtean baino % 11,6 gehiago, Emakumearen Euskal Erakundeak (Emakunde) bildutako datuen arabera.