Emakume haurdunen odol eta plazenta laginez osatutako biobanku bat sortu du Osakidetzak, gaitz metabolikoak eta neurologikoak ikertzeko
Gurutzetako Ospitalean erditzen diren emakume haurdunek odol-lagin bat eta plazentaren zati txiki bat eman ahal izango dute. EAEko biobankuan gordeko dira, eta diabetesa, hipertentsioa eta garapen neuronaleko nahasmenduak ikertzeko erabiliko dira, goiz diagnostikatzeko eta hobeto artatzen laguntzeko.
Gaixotasun metaboliko eta neurologikoak ikertzeko, emakume haurdunen odol eta plazenta laginez osatutako erregistro aitzindari bat abian jarri dute Gurutzetako Unibertsitate Ospitaleak eta Eusko Jaurlaritzako Osasun Sailaren Biobizkaia Osasun Ikerketarako Institutuak, elkarlanean.
Osasun Sailak ohar bidez zabaldu duenez, gaitz metabolikoen eta neurologikoen goiz diagnostikatzea eta hobeto artatzen laguntzea du helburu Europa mailan aitzindari den proiektuak.
Gurutzetako Ospitaleko Erditze Unitatean erditu ondoren, emakumeek odol-lagin bat eta plazenta zati txiki bat eman ahal izango dute. Gainera, emakumeak hainbat baimen sinatu beharko ditu, Osakidetzak modu kodifikatuan amaren eta jaioberriaren historia klinikoan sartzeko aukera izan dezan, ikerketa-helburuetarako.
Donazioaren ondoren, laginak EAEko biobankuan gordeko dira, eta diabetesa, hipertentsioa eta burmuineko garapeneko nahasmenduak, besteak beste, hobeto tratatzeko eta goiz diagnostikatzen lagunduko duten biomarkatzaileak identifikatzen saiatuko dira.
Finantzazio publikoa
Eusko Jaurlaritzak, EHUk eta Espainiako Gobernuko Berrikuntza, Zientzia eta Unibertsitate Ministerioak diruz lagunduta, Nora Fernandez Jimenez Biobizkaiko IRLAB-Inmunogenetika Ikerketa Laborategiko ikertzailea eta Jorge Burgos San Cristobal Gurutzetako Unibertsitate Ospitaleko Obstetrizia Ataleko burua eta Biobizkaiko Medikuntza Perinataleko ikertzailea dira proiektu aitzindariaren buru.
"Emakume haurdun guztiek parte hartzea funtsezkoa da etorkizuneko medikuntzan aurrera egiteko. Euren eskuzabaltasunari esker, Euskadiko eta mundu osoko ama eta haurtxo askoren osasuna hobetu ahal izango dugu", azpimarratu dute proiektuaren arduradunek.
Hiru ikerketa abian
Erregistro horrekin lotuta, Osakidetzako ikertzaileak hiru proiektutan ari dira lanean: bata, plazentaren azterketatik abiatuta arrisku metaboliko eta neurologikoko faktoreak identifikatzea; bestea, haurren burmuinaren garapenaren gainekoa; eta hirugarrena, geneen plazentako amaren eragin genetikoei buruzkoa.
Zure interesekoa izan daiteke
Ehunka herritarrek Berrizen atzo izandako hilketa matxista saiakera salatu dute
'Erasoen aurrean, autodefentsa feminista' goiburupean, manifestazio zaratatsua egin dute gaur arratsaldean Berrizen. Ehunka herritar batu dira Mugimendu Feministak deitutako protestara, atzo izandako eraso matxista irmo salatzeko. Emakundek ere bat egin du deialdiarekin.
Basauriko hilketa matxista salatu dute Berangon
Berangoko Udalak eta Emakumeen Elkarteak deituta, indarkeria zantzuekin hilda agertu zen 44 urteko emakume berangoztarra gogoan izan dute astearte honetan.
Hego Euskal Herriko garaiak Kultura Ondare ez-materiala dira jada
Espainiako Gobernuak errege-dekretu batean aitortu du Iberiar Penintsulako iparraldeko garaien balio sinbolikoa eta soziala. Deklarazioak eraikuntza tradizional horien kontserbazioa bermatzen lagunduko du; izan ere, mantentze ezak, homogeneizazioak eta belaunaldien arteko aldeak arriskuan jartzen dituzte.
21 urteko mutil bat hil da Nafarroan, nitazenoa kontsumitu ondoren
2024ko abuztuan hil zen, eta Nafarroako Ospitale Unibertsitarioak orain egiaztatu du nitazenoek eragindako heriotza izan zela. Opioide sintetiko horri lotutako lehen heriotza da Euskal Herrian eta Estatu espainiarrean.
El Bocaleko pasaguneko ezbeharra gertatu aurretik, Poliziak 112ra deitzeko protokolorik zuen ala ez ikertzen ari da epailea
Agintariak, agenteak eta teknikariak deituko ditu deklaratzera, eta ikerketa-lerro bat abiatu du, materialen eta pasabidearen mantentze-lanen inguruan.
Erreskate ugari izan dira Aste Santuan euskal kostaldean
Jai egunak lausotzetik gertu izan diren egoerak bizi izan dira egunotan, eta erreskate ugari egin behar izan dira itsasoan, bai marearen igoerak ezustean harrapatu dituen pertsonenak, bai korronteek arrastan eramandako edo olatuek harrapatutako pertsonenak. Zorionez, ez da biktimarik izan.
25 eta 28 urteko bi gizon atxilotu dituzte Gasteizen, bikotekideari eta bikotekide ohiari eraso egitea egotzita
Gasteizko Udaltzaingoak pasa den ostegunean eta ostiralean egin zituen atxiloketak, astearte honetan jakitera eman duenez.
Martinezek esan du garrantzi handikoa dela ohitura osasungarriak izatea, osasunari eragiten dioten faktoreen % 50 baitira
Osasun sailburuak ariketa fisikoa egitera, elikadura zaintzera eta alkohol eta kalamu kontsumoa murriztera animatu ditu herritarrak, Osasunaren Nazioarteko Eguna dela eta.
Mugikorrak alboratu eta familiaz gozatzeko gonbita, apirilaren 18an, EAEko hiriburuetan
Eusko Jaurlaritzak antolatuta, Mugikorrik Gabeko Eguna Familian izango da Donostian, Bilbon eta Gasteizen. Familia inguruan teknologiaren erabilera kontzienteagoa sustatzea du helburu egitasmoak. “Ongizate emozionala zaintzeko eta senideekin egotearen balioa berreskuratzeko keinu txiki” gisa aurkeztu du Nerea Melgosa Ongizate, Gazteria eta Erronka Demografikoko sailburuak.
Bizkaitik Nafarroara droga eramaten zuen gaizkile sare bat desegin dute: lau lagun atxilotu eta 22 kilo speed atzeman dituzte
Ortuellako etxebizitza batetik Nafarroara banatzen zen, eta droga 76 urteko gizon batek garraiatzen zuen.