Ane, Laia eta June, eta Oihan, Martin eta Markel dira neska-mutil jaioberrien izen ohikoenak
Ane da, 1998tik, neska izena aukeratzeko orduan gurasoen kutunena Euskal Autonomia Erkidegoan, hirurteko datuak kontuan hartuta. Mutil izenen kasuan, Oihan izena laugarren tokitik lehenengora igaro da.
Haur jaioberri bat, artxiboko irudia.
Seme-alabei izena jartzeko orduan, Ane, Laia eta June, eta Oihan, Martin eta Markel dira gurasoen kutunenak Euskal Autonomia Erkidegoan.
2022-2024 artean jaiotakoen izenei buruz Eustatek astearte honetan emandako informazioaren arabera, Ane da, 1998tik gaur arte, zerrendan lehena hirurteko datuak kontuan hartuta. Mutil izenen kasuan, Oihan izena laugarren tokitik lehenengora igaro da.
Laugarren, bosgarren eta seigarren tokian daude Malen, Nora eta Nahia; eta Julen, Aimar eta Luka.
Aurreko hirurtekoarekin alderatuta, Maren sartu da aurreneko 25 neska-izenen artean, eta Naia, berriz, zerrendatik kanpo geratu da. Mutil-izenei dagokienez, Hugo, Paul, Izan eta Liam sartu dira, eta Iker, Ekhi, Adei eta Hodei, aldiz, atera.
Atzerriko nazionalitatea duten amek ere euskal izenak aukeratzen dituzte alabentzat
EAEn bizi diren guraso atzerritar askok ere euskal izenak jartzen dizkiete seme-alabei. 2022-2024 aldian jaiotako haurren % 25,1en amak atzerritarrak ziren.
Hala, bi euskal izen daude atzerritar jatorriko herritarren bost neska izen gogokoenen artean: Alaia (arabieraz ere badu esanahia) eta Ainara, bigarren eta bosgarren, hurrenez hurren. Zerrendan bigarrena Amira dago, hirugarrena, Sofia, eta laugarrena, Sara.
Mutil-izenen artean, ez dago euskal izenik lehenengo bosten artean. Ander da agertzen lehena, hamargarren postuan. Lehenengo postuan Adam agertzen da, bigarrenean Mohamed, hirugarrenean Mateo, laugarrenean Rayan eta bosgarrenean Liam.
TOP 10
Neskak
1 Ane
2 Laia
3 June
4 Malen
5 Nora
6 Nahia
7 Alaia
8 Maddi
9 Lucía
10 Irati
Mutilak
1 Oihan
2 Martin
3 Markel
4 Julen
5 Aimar
6 Luka
7 Jon
8 Aiur
9 Luken
10 Ibai
Zure interesekoa izan daiteke
Gizon bat atxilotu dute Sarrigurenen, emaztea hiltzea eta ama larri zauritzea egotzita
Gertakariak Eguesibarrean (Nafarroa) jazo dira, arratsaldeko 19:30ak aldera.
Gaizki aparkatzeagatik jarritako isunak egiazkoak direla ziurtatu du Hendaiako Herriko Etxeak
Bidasoa eskualdeko hainbat bizilaguni isunak kobratzeko posta bidez bidalitako gutunak iruzurra zirela zabaldu zuen ostegunean Eusko Jaurlaritzako Segurtasun Sailak.
11 urteko zigorra ezarri diote gizon bati Bizkaian, bikotekide ohiaren etxera baimen gabe sartu eta hura bortxatzeagatik
Bikotekideak izan ziren sei urtez, nahiz eta ez ziren elkarrekin bizi. 2021eko azaroan neskak amaitutzat eman zuen harremana. Gizonak, ordea, kontaktuan jarraitzeko eskatu zion, eta 2021eko azaroaren 22ko goizean emakumearen etxera sartu zen, haren baimenik gabe, eta bortxatu egin zuen.
Baskoniak ehunka zaleren babesa jasoko du Valentzian
Baskoniaren mila jarraitzaile inguru joan dira Valentziara 2026ko Errege Kopa dela eta. Eguraldia lagun, giroa ezin hobea da Baskoniako zaleen bilgunea den "Araba Etxean".
65 urtetik gorako pertsonen artean alkohol eta psikofarmakoen kontsumo handiaz ohartarazi du Eusko Jaurlaritzak
Osasun Publikoaren eta Adikzioen Zuzendaritzak egindako txosten batek agerian jarri duenez, EAEko gizonen ia % 40k egunero kontsumitzen dute alkohola, eta emakumeen artean gora egin du lo-eragileen eta lasaigarrien erabilerak.
8 urteko kartzela-zigorra Legorretan kontrako norabidean zihoala hiru pertsonaren heriotza eragin zuen gidariarentzat
Akusazioek eta defentsak akordioa adostu dute, eta akusatuak erruduna dela onartu du. Hori dela eta, ez da beharrezkoa epaiketarekin jarraitzea. Ostiral honetan Gipuzkoako Auzitegian egindako saioan, auzipetuak barkamena eskatu die biktimen sendiei, malko artean.
Bost pertsona atxilotu dituzte Iruñean, emakume etorkinak prostituitzera behartzeagatik
Emakumeak haien jatorrizko herrialdeetan erakartzen zituzten, “lan-kontratu erakargarriak” eskainiz; Nafarroara iritsitakoan, baina, mehatxatu egiten zieten eta prostituitzera behartzen zituzten.
Gizon batek 10 urteko semea hil du eta emaztea larri zauritu du bart Tenerifen
Guardia Zibilak tiroz hil du ustezko hiltzailea, agenteei matxete batekin mehatxatu ostean.
Aturri ibaiak gainezka egin du Baionan
Aturri ibaiak gainezka egin du ostegun honetan Baionan. Azken egunetan pilatu den euriak eta itsasgorak bat egin dutenean, goizeko zein arratsaldeko seiak bueltan, ibaia bere bidetik irten da. Goizean urak eragin dituen eragozpenak ikusita, arratsalderako Baionako Herriko Etxeak zentzuz jokatzeko eta ibai ingurura ez hurbiltzeko deia egin badu ere, azkenean ez da eragozpen nabarmenik egon.
Zabaldu dute Zumaia eta Getaria arteko errepidea, olatu handiengatik itxita egon ostean
Itsasgora izan den unean egon da itxita, Pedro denboraleak eragin dituen olatu handiengatik. Ostiral goizeko itsasgoraren garaian ere, 05:00etatik 07:00etara, 4 metro inguruko olatuek joko dutela itsas-bazterra espero da.