Autobus batek eta bi autok aurrez aurre jo dute Gasteizen, eta hainbat lagun zauritu dira; horietako bat larri dago
Istripua izan duen autoetako bat Udaltzaingoarena da. Ezbeharra 13:45 aldera gertatu da, Araba kalean, EHUko unibertsitate-campusetik hurbil. Zirkulazioa etenda dago une honetan.
Trafiko istripu larria gertatu da Gasteizen. Hainbat pertsona zauritu dira, eta horietako bat larri dago, autobus batek eta bi autok, tartean Udaltzaingoaren auto bat, elkar jo dutelako.
Udaltzaingoak jakinarazi duenez, istripua 13:45 aldera gertatu da, Araba kalean, EHUko campusetik hurbil, eta ikerketa abiatu dute zer gertatu den argitzeko.
Antza, polizia-ibilgailuak aurrez aurre jo du Aldundiaren eskumenekoa den Alavabus autobusaren aurka.
Medikuak eta suhiltzaileak bertaratu dira, eta hainbat zauritu artatu dituzte. Oraingoz, bi pertsona eraman dituzte ospitalera, horietako bat, larri.
Istripuaren ondorioz, zirkulazioa etenda dago, eta horrek Tuvisa eta EIB hiri autobusen 8. lineari ere eragiten dio. Gainera, hainbat geltoki daude zerbitzurik gabe, eta trafiko arazoak ere ugariak dira.
Gizarteari buruzko albiste gehiago
Bilboko Udalak TAO ezarriko du Zorrotzaurren
Uhartea San Inaziorekin lotzen duen zubia ireki ondoren, aparkatutako ibilgailu kopurua handitu da. Auzotarren kexari erantzuna emateko hartu da erabakia.
47 urteko gizon bat atxilotu dute emakume bat hil egin omen duelako, Zarautzen
Ertzaintzak ikertzen jarraitzen du, gertatutakoa argitu ahal izateko.
"Zer gertatu zen ikertzea eta egia ezagutzera ematea nahi dugu, dolua behingoz hasteko"
Aulestin, duela 5 urte, konfinamendu betean auto batek 11 urteko mutiko bat harrapatu eta hil egin zuen. Ordutik, gurasoak justizia bila aritu dira, baina istripu hutsa izan zela argudiatuz, ez da gidariaren aurkako epaiketarik egin. Ostiral honetan, bide zibiletik, epaileak estreinakoz izango du gertatutakoaren berri, umearen gurasoek eta gidariak esana.
Hizkuntza gutxituak biziberritzeko arnasguneek duten garrantzia aztertuko dute egunotan Azpeitian
Nazioarteko konferentzia gaur eta bihar egingo da Gipuzkoako udalerriko Soreasu antzokian.
Meñika: "Nazioarteko presioa beharrezkoa da, Israelen estrategia genozida amaitzeko"
Gernika-Palestina plataformak deituta, milaka herritarrek hartu dute parte, gaur arratsaldean, 150 udalerritan baino gehiagotan egin diren mobilizazioetan. Protesta zaratsuen bidez, Israel Palestinan egiten ari den genozidioa salatu dute. Igor Meñika Gernika-Palestina taldeko eledunaren arabera, su-etena indarrean egonda ere, Israelen estrategia genozida ez da amaitu.
Palestinaren aldeko burrunba ozen entzun da Euskal Herrian
Hiriburuetako manifestazio jendetsuen ostean, milaka herritar atera dira arratsaldean kalera, Gazarentzat justizia eskatzeko eta Israelen okupazioa salatzeko.
Sunbillako auto-istripuan larri zauritutako 82 urteko gizonezkoa hil egin da
Nafarroako Unibertsitate Ospitalean zendu da, gaur, gizonezkoa. Istripua N-121-A errepidean gertatu zen, Larrakaitzeko tunelean. Bi autok eta bi kamioik talka egin zuten.
Gato Basque pintxoa izan da Euskal Herriko Pintxo Txapelketaren irabazlea
Gipuzkoako Batzar Nagusiek "Ipuscua"ren mila urteak oroitu dituzte Altzon
Gipuzkoako Batzar Nagusiek lurraldearen lehen aipamen idatziaren mila urteak oroitu dituzte Altzon egindako osoko bilkura batean, Imanol Pradales lehendakaria buru zela. Lehendakariak gure arbasoek utzi diguten ondarea nabarmendu du bere hitzaldian.