Madrilen finkatutako lapur talde bat atxilotu dute Bizkaian lapurtu ostean
Urrezko piezak, luxuzko produktuak eta dirua lapurtzen zituzten etxebizitzetan.
Guardia Zibilak lapur talde bateko hiru kideak atxilotu ditu Bizkaian lapurretan egin ostean. Madrilgo Erkidegoan bizi ziren, eta penintsulako iparraldera joaten ziren etxebizitzetan lapurtzera. Gutxienez, horrelako 38 delitu egotzi dizkiete. 150.000 euroko kaltea eragin omen diete biktimei.
Guardia Zibilak larunbat honetan jakitera eman duenez, lapurretak egin ostean, bitxiak ibilgailuko ezkutalekuetan sartzen zituzten, Madrilera itzuli aurretik.
Bizkaiko hiru etxebizitzatan lapurretan egin ostean Madrilera itzultzen ari zirela jakin zuen Guardia Zibilak, eta, hori dela eta, polizia-operatibo bat jarri zuten Briviescan (Burgos). Bertan, sareko hiru kideak atxilotu eta lapurtutako hainbat objektu eta lapurretak egiteko erabilitako materiala konfiskatu zituzten.
Atzemandako objektuen artean urrezko pieza ugari (belarritakoak, kateak, zintzilikariak, eskumuturrekoak, eraztunak, etab.), gama altuko erloju bat, bildumako txanponak (horietako bik 3.500 eta 2.200 euroko prezioa dute) eta azken lapurretetan eskuratutako dirua daude.
Atxilotuei talde kriminaleko kide izatea eta etxebizitzetan indarra erabiliz lapurtzea egotzi diete.
Mondoñedoko (Lugo) Instrukzioko 1 zenbakiko Epaitegiaren esku utzi ostean, epaileak espetxeratzeko agindua eman du.
Zure interesekoa izan daiteke
Honela dago trafikoa AP-8 autobidean, Eibar eta Elgoibar artean, Maltzagako istripuaren ondoren
Errei bat ireki dute Donostiara norabidean, baina zirkulazioa oso zaila da oraindik AP-8an, Eibar eta Elgoibar parean. Bilboko noranzkoan bi erreiak itxita jarraitzen dute, eta istripua izan duen kamioia gauean erretiratuko dute bidetik.
Bost hildako eta zauritu bat AP-8an, Elgoibarren, furgoneta baten eta kamioi baten arteko istripuan
Hildakoak furgonetako bidaiariak ziren, Nafarroako foruzainak denak; Iurretan praktikak egitera zihoazen. Kamioi gidaria da zauritutakoa. Errepidea guztiz itxi dute, hasieran, bi norabideetan; geroxeago errei bat zabaldu dute Irunerako noranzkoan, baina "arratsaldean zehar" kamioia erretiratu arte, beste errepide batzuetatik bideratuko dute trafikoa.
?fmt=webp-alpha&qlt=80)
Gutxienez 23 pertsona atxilotu dituzte Iruñerrian, Vito Quilesen ekitaldi baten harira izandako istiluengatik
Espainiako Polizia Nazionalaren operazioak irekita jarraitzen du eta atxiloketa gehiago izan daitezke.
Nafarroako Gobernua Elgoibarko istripu larrian hildako bost lagunen omenezko ekitaldi instituzionala prestatzen ari da
Furgonetan zihoazen bost bidaiariak Nafarroako foruzainak ziren. Imanol Pradales lehendakaria eta Maria Chivite Nafarroako Gobernuko presidentea atsekabeturik agertu dira ezbehar larriaren aurrean.
Asier, Maltzagako istripuaren lekukoa: "Larrialdi zerbitzuak oso azkar mobilizatu dira"
Radio Euskadin azaldu duenez, ez du istripuaren unea ikusi, baina bai berehalako ondorioak. Gertatutakoa azaldu du: kamioi bat galtzada batetik bestera igaro da, eta erdibitzailean geratu da, iraulita; istripuaren ondorioz, furgonetak kalte larriak izan ditu.
Elgoibarko istripuan hildako bost bidaiariak foruzainak ziren
Foruzainak Iurretara zihoazen, Ertzaintzarekin formakuntza ikastaro bat egitera.
Hamar urteren ostean, Eibarren zezen-ikuskizunak atzera programatzea gaitzetsi du Haiekin elkarte animalistak
Elkartearen iritziz "atzerapauso handia" da, herriko San Joan jaietan hiru sokamutur saio programatzea, eta ohartarazi duenez "2016an PSE-EEk berak hartutako konpromiso ofizialen kontra doa".
Irungo isuri gutxiko eremua 2028ko udaberrian sartuko da indarrean
Irungo udalbatzak, osoko bilkuran, 30 salbuespen aurreikusten dituen ordenantzari hasierako onespena eman dio. Orain alegazioak aurkezteko epea zabaldu da, eta behin betiko testua aurtengo azken hiruhilekoan onartuko da.
Bi gidari hil dira istripuz astearte honetan Nafarroan
56 urteko motozale bat hil da Izaban, motorretik erorita. 60 urteko gizon bat hil da Esteribarren, ibilgailua bidetik irtenda.
Baldintzak, epeak eta nola eman izena Osakidetzako EPEko azterketetan
Eskainitako 41 kategorietako batean izena emateko gida, pausoz pauso.